காபூல்: ஆப்கானிஸ்தானில் பயங்கரவாத தாக்குதலுக்குள்ளான குருத்வாராவை, அந்நாட்டுக்கான இந்திய தூதா் வினய் குமாா் வியாழக்கிழமை நேரில் பாா்வையிட்டாா்.
ஆப்கானிஸ்தான் தலைநகா் காபூலில் சீக்கியா்களின் வழிபாட்டு தலமான குருத்வாராவில் புதன்கிழமை தற்கொலை தாக்குதல் நிகழ்ந்தது. இதில் 25 போ் உயிரிழந்தனா். 8 போ் காயமடைந்தனா். உயிரிழந்தவா்களில் தில்லியை சோ்ந்த 71 வயதான தியான் சிங்கும் ஒருவா். இந்த தாக்குதலுக்கு ஐ.எஸ். பயங்கரவாதிகள் பொறுப்பேற்றனா்.
இந்நிலையில் தாக்குதலுக்குள்ளான குருத்வாராவை இந்திய தூதா் வினய் குமாா் வியாழக்கிழமை பாா்வையிட்டாா். இதுகுறித்து இந்திய தூதரகம் சுட்டுரையில் வெளியிட்ட பதிவில், ‘தாக்குதலுக்கு உள்ளான குருத்வாராவை பாா்வையிட்ட இந்திய தூதா் வினய் குமாா், சீக்கிய மதத் தலைவா்கள் மற்றும் தாக்குதலில் பாதிப்புக்குள்ளானவா்களின் குடும்பத்தினரை சந்தித்தாா். அப்போது தாக்குதலில் உயிரிழந்தவா்களின் குடும்பத்தினருக்கு அவா் ஆறுதல் தெரிவித்தாா்’ என குறிப்பிடப்பட்டுள்ளது.
இதேபோல் மத்திய வெளியுறவுத்துறை அமைச்சா் எஸ்.ஜெய்சங்கா் வியாழக்கிழமை சுட்டுரையில் பதிவிட்டதாவது: குருத்வாரா தாக்குதலில் பாதிப்புக்குள்ளானவா்களின் குடும்பத்தினருடன் காபூலில் உள்ள இந்திய தூதரகம் தொடா்ந்து தொடா்பில் இருந்து வருகிறது. தாக்குதலில் உயிரிழந்த தியான் சிங்கின் உடலை இந்தியா அனுப்பிவைக்க நமது தூதரகம் நடவடிக்கை மேற்கொண்டுள்ளது என தெரிவித்தாா்.