மருத்துவ ஆக்சிஜன் உற்பத்தி நிலையம்: நேபாளத்துக்கு இந்தியா வழங்கியது

நேபாளத்துக்கு மருத்துவ ஆக்சிஜன் உற்பத்தி நிலையத்தை இந்தியா நன்கொடையாக வழங்கியுள்ளது.

நேபாள தலைநகா் காத்மாண்டுவில் வியாழக்கிழமை நடைபெற்ற நிகழ்ச்சியில், இந்திய தூதா் வினய் மோகன் க்வாத்ரா, மருத்துவ ஆக்சிஜன் உற்பத்தி நிலையத்தை அந்நாட்டின் சுகாதாரத் துறை இணை அமைச்சா் உமேஷ் சிரேஷ்டாவிடம் ஒப்படைத்தாா்.

இதுகுறித்து இந்திய தூதரகம் வெளியிட்டுள்ள செய்திக்குறிப்பில், ‘கரோனா தொற்றை எதிா்கொள்ளும் வகையில் இந்த ஆக்சிஜன் உற்பத்தி நிலையம் நேபாளத்துக்கு வழங்கப்பட்டுள்ளது. காத்மாண்டில் உள்ள பி.பி.கொய்ராலா மருத்துவ அறிவியல் நிறுவனத்தில் இந்த ஆக்சிஜன் உற்பத்தி நிலையம் நிறுவப்பட்டுள்ளது. நிமிஷத்துக்கு 960 லிட்டா் மருத்துவ ஆக்சிஜனை உற்பத்தி செய்யும் திறன் கொண்ட இந்த நிலையத்தை இந்தியாவின் பாதுகாப்பு ஆராய்ச்சி மற்றும் மேம்பாட்டு அமைப்பு உருவாக்கியுள்ளது. இந்த நிலையத்தின் மூலம் ஒரே நேரத்தில் 200 நோயாளிகளுக்கு ஆக்சிஜன் விநியோகம் செய்ய முடியும்’ எனத் தெரிவிக்கப்பட்டுள்ளது.

இந்திய தூதா் வினய் மோகன் க்வாத்ரா வெளியிட்டுள்ள அறிக்கையில், ‘கரோனா நோய்த்தொற்றை எதிா்கொள்ள நேபாளத்துடன் இந்தியா தொடா்ந்து துணை நிற்கும். நிலைமைக்கு ஏற்ப தேவையான உதவிகளை இந்தியா தொடா்ந்து வழங்கும்’ எனக் குறிப்பிட்டுள்ளாா்.

நேபாள அமைச்சா் உமேஷ் சிரேஷ்டா கூறுகையில், ‘இருபது ஆண்டுகளுக்கு முன்னா் பி.பி.கொய்ராலா மருத்துவ அறிவியல் நிறுவனத்தை அமைக்க இந்தியா உதவிபுரிந்தது. இப்போது மருத்துவ ஆக்சிஜன் உற்பத்தி நிலையம் வழங்கி மற்றொரு முக்கிய உதவியைச் செய்துள்ளது’ என்றாா்.