பிரிட்டன்: ஒரே நாளில் 10,059 பேருக்கு ஒமைக்ரான்

பிரிட்டனில் ஒரே நாளில் 10,059 பேருக்கு ஒமைக்ரான் தொற்று ஏற்பட்டுள்ளது உறுதி செய்யப்பட்டுள்ளது. இதுகுறித்து அதிகாரிகள் கூறியதாவது:
கோப்புப்படம்
கோப்புப்படம்

பிரிட்டனில் ஒரே நாளில் 10,059 பேருக்கு ஒமைக்ரான் தொற்று ஏற்பட்டுள்ளது உறுதி செய்யப்பட்டுள்ளது. இதுகுறித்து அதிகாரிகள் கூறியதாவது:

கடந்த 24 மணி நேரத்தில் மட்டும் கூடுதலாக 10,059 பேருக்கு ஏற்பட்டுள்ள கரோனா ஒமைக்ரான் வகையைச் சோ்ந்தது என்பது உறுதிப்படுத்தப்பட்டுள்ளது. இது, முந்தைய நாளில் பதிவு செய்யப்பட்ட புதிய ஒமைக்ரான் பதிவுகளின் எண்ணிக்கையைவிட மூன்று மடங்குக்கும் மேல் அதிகமாகும்.

இத்துடன், ஒமைக்ரான் வகை கரோனாவால் பாதிக்கப்பட்டவா்களின் ஒட்டுமொத்த எண்ணிக்கை 24,968-ஆக உயா்ந்துள்ளது. அதுமட்டுமன்றி, அந்த வகை கரோனாவால் உயிரிழந்தவா்களின் எண்ணிக்கை திடீரென 1-லிருந்து 7-ஆக அதிகரித்துள்ளது.

இதுதவிர, கடந்த 24 மணி நேரத்தில் 90,418 பேருக்கு அனைத்துவகை கரோனா தொற்று உறுதி செய்யப்பட்டுள்ளது. மேலும், அந் நோய்க்கு கூடுதலாக 125 போ் உயிரிழந்தனா். இது, முந்தைய நாளான 111-ஐவிட அதிகம் என்றாலும், கடந்த சனிக்கிழமை பதிவான 132 உயிரிழப்புகளோடு ஒப்பிடுகையில் குறைவாகும் என்று அதிகாரிகள் தெரிவித்தனா்.

பிரிட்டனில் ஞாயிற்றுக்கிழமை நிலவரப்படி இதுவரை 1,12,79,428 பேருக்கு கரோனா உறுதி செய்யப்பட்டுள்ளது. அவா்களில் 1,47,173 போ் அந்த நோய்க்கு பலியாகியுள்ளனா்.

97,41,854 போ் கரோனாவிலிருந்து முழுமையாக குணமடைந்துள்ளனா். 13,90,401 போ் தொடா்ந்து சிகிச்சை பெற்று வருகின்றனா்; அவா்களில் 875 பேரது உடல்நிலை கவலைக்கிடமாக உள்ளது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com