உலகளவில் கரோனா பாதிப்புகள் 11 சதவிகிதம் அதிகரிப்பு: உலக சுகாதார அமைப்பு

உலகளவில் முந்தைய வாரத்தைக் காட்டிலும் கடந்த வாரத்தில் கரோனா பாதிப்பு எண்ணிக்கைகள் 11 சதவிகிதம் அதிகரித்துள்ளதாக உலக சுகாதார அமைப்பு தெரிவித்துள்ளது.
கோப்புப்படம்
கோப்புப்படம்


உலகளவில் முந்தைய வாரத்தைக் காட்டிலும் கடந்த வாரத்தில் கரோனா பாதிப்பு எண்ணிக்கைகள் 11 சதவிகிதம் அதிகரித்துள்ளதாக உலக சுகாதார அமைப்பு தெரிவித்துள்ளது.

டிசம்பர் 20-26 வரை 49.9 லட்சம் கரோனா பாதிப்புகள் பதிவாகியுள்ளதாக உலக சுகாதார அமைப்பு செவ்வாய்க்கிழமை வெளியிட்டது. இதில் 50 சதவிகிதத்துக்கும் மேல் ஐரோப்பாவில் பதிவாகியுள்ளன. எனினும், முந்தைய வார பாதிப்பு எண்ணிக்கைகளைக் காட்டிலும், கடந்த வாரம் 3 சதவிகிதம் மட்டுமே அதிகரித்துள்ளன.

அதிகபட்சமாக அமெரிக்காவில்தான் பாதிப்புகள் அதிகரித்துள்ளதாக உலக சுகாதார அமைப்பு தரவுகள் கூறுகின்றன. இதன்படி, அமெரிக்க கண்டங்களில் மட்டும் 39 சதவிகிதம் பாதிப்புகள் அதிகரித்துள்ளன. இதில் அமெரிக்காவில் மட்டும் 34 சதவிகிதம் பாதிப்புகள் அதிகரித்துள்ளன. ஆப்பிரிக்காவில் 7 சதவிகிதம் பாதிப்புகள் அதிகரித்துள்ளன. 

அதேசமயம், கரோனா உயிரிழப்புகள் உலகளவில் 4 சதவிகிதம் குறைந்துள்ளதாகவும் உலக சுகாதார அமைப்பு தெரிவித்துள்ளது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com