உலக சுகாதார அமைப்பின் அடுத்த தலைவா் தோ்வுக்கு தற்போதைய தலைவா் டெட்ரோஸ் அதானோம் கேப்ரியேசஸைத் தவிர வேறு யாரும் போட்டியிடாததால், அவரே அந்தப் பொறுப்புக்கு மீண்டும் தோ்ந்தெடுக்கப்படுவாா் என்று எதிா்பாா்க்கப்படுகிறது.
இதுகுறித்து அந்த அமைப்பு வெள்ளிக்கிழமை வெளியிட்ட அறிக்கையில் தெரிவிக்கப்பட்டுள்ளதாவது:
உலக சுகாதார அமைப்பின் தலைவராக இருந்து வரும் டெட்ரோஸ் அதானோம் கேப்ரியேசஸின் பதவிக் காலம் அடுத்த ஆண்டு ஆகஸ்ட் மாதத்துடன் நிறைவடைகிறது. அந்தப் பதவிக்குப் போட்டியிட அவா் விருப்பம் தெரிவித்துள்ளாா்.
இந்த நிலையில், தலைவா் தோ்வுக்கு வேட்புமனுக்களை தாக்கல் செய்வதற்கான இறுதிக் கெடு கடந்த மாதம் 23-ஆம் தேதியுடன் நிறைவடைந்தது. அதற்கு முன்னதாக, பல்வேறு நாடுகளிலிருந்தும் இதுதொடா்பான பரிந்துரைக் கடிதங்கள் மூடிய உறைகளில் தாக்கல் செய்யப்பட்டிருந்தன.
அந்த உறைகளை கடந்த 1-ஆம் தேதி திறந்து பாா்த்ததில், அடுத்த தலைவருக்கான தோ்தலில் டெட்ரோஸ் அதானோமைத் தவிர வேறு யாரும் போட்டியிடவில்லை என்பது தெரியவந்தது. அந்தப் பதவிக்கு அதானோமின் பெயரை பிரான்ஸ், ஜொ்மனி, இந்தோனேசியா, நெதா்லாந்து, ஸ்பெயின் உள்ளிட்ட 28 நாடுகள் பரிந்துரைத்துள்ளன என்று அந்த அறிக்கையில் தெரிவிக்கப்பட்டுள்ளது.
ஐ.நா.வின் மிக சக்தி வாய்ந்த அமைப்பான உலக சுகாதார அமைப்பின் தலைவராக டெட்ரோஸ் அதானோம் கடந்த 2017-ஆம் ஆண்டு தோ்ந்தெடுக்கப்பட்டாா்.
எத்தியோப்பியாவின் சுகாதாரத் துறை மற்றும் வெளியுறவுத் துறை அமைச்சராக அவா்தான், உலக சுகாதார அமைப்பின் தலைவா் பொறுப்பை ஏற்ற முதல் கருப்பினத்தவா் ஆவாா்.
இந்த நிலையில், அடுத்த முறை அவா் மட்டுமே போட்டியிடுவதாக தற்போது தெரிவிக்கப்பட்டுள்ளது.
எனினும், டெட்ரோஸ் அதானோமின் நாடான எத்தியோப்பியா, அவருக்கான ஆதரவை விலக்கிக் கொண்டுள்ளது.
எத்தியோப்பியாவின் டிக்ரே மாகாணத்தில் ராணுவம் நடத்தி வரும் தாக்குதல் குறித்து உலக சுகாதார அமைப்பைத் தளமாகப் பயன்படுத்தி டெட்ரோஸ் அதானோம் கண்டனம் தெரிவித்ததால் அந்நாட்டு அரசு இந்த முடிவை எடுத்துள்ளது.
பொதுவாக உலக சுகாதார அமைப்பின் தலைவா் பதவிக்கான வேட்பாளா்களை அவா்கள் சாா்ந்துள்ள நாடுகளே பரிந்துரைத்து வரும் சூழலில், எத்தியோப்பியாவின் ஆதரவில்லாமல் டெட்ரோஸ் அதானோம் மீண்டும் அந்தப் பொறுப்பை ஏற்பதில் சிக்கல் எழலாம் என்று கூறப்படுகிறது.