நியூயாா்க்: அமெரிக்காவில் கடந்த 2020-ஆம் ஆண்டு பதிவு செய்யப்பட்ட மின்னல், உலகின் மிக நீண்ட மின்னலாக அறிவிக்கப்பட்டுள்ளது. இதுகுறித்து ஜெனீவாவில் இயங்கி வரும் உலக வானியல் அமைப்பு (டபுள்யுஎம்ஏ) வெளியிட்டுள்ள அறிக்கையில் தெரிவிக்கப்பட்டுள்ளதாவது:
அமெரிக்காவின் மிஸிஸிபி, லூசியானா, டெக்ஸாஸ் மாகாணங்களிடையே மிக நீளமான மின்னல் கடந்த 2020-ஆம் ஆண்டு ஏப்ரல் 29-ஆம் தேதி பதிவு செய்யப்பட்டது.
768.8 கி.மீ. நீளத்துக்கு ஏற்பட்ட இந்த மின்னல் உலகில் இதுவரை பதிவு செய்யப்பட்ட மின்னல்களிலேயே அதிக நீளமாகும் என்று அந்த அறிக்கையில் குறிப்பிடப்பட்டுள்ளது.