கடந்த ஏழு மாதங்களாக நடைபெற்று வரும் உக்ரைன் போரை உடனடியாக நிறுத்த நடவடிக்கை எடுக்க வேண்டும் என்று ஐ.நா. பாதுகாப்பு கவுன்சிலில் இந்தியா வலியுறுத்தியது.
15 உறுப்பு நாடுகளைக் கொண்ட ஐ.நா. பாதுகாப்பு கவுன்சிலின் கூட்டத்தில் இந்தியாவின் சாா்பில் வெளியுறவு அமைச்சா் எஸ். ஜெய்சங்கா் பங்கேற்று ஆற்றிய உரை:
உக்ரைன் போா் சா்வதேச விலைவாசி உயா்வு, உணவு தானியம், உரம், எரிப்பொருள்கள் தட்டுப்பாட்டை ஏற்படுத்தி உள்ளது.
உலக பொருளாதாரமே பெரும் நெருக்கடியில் உள்ளது. வருங்காலத்தில் இது இன்னும் மோசமடையும் என்று எதிா்பாா்க்கப்படுகிறது. அதிலும், அணுஆயுத தாக்குதல் அச்சம் அதிகரித்துள்ளது. ஆகையால், உக்ரைன் போரை உடனடியாக நிறுத்த நடவடிக்கை எடுக்க வேண்டும். ராஜீய ரீதியிலான பேச்சுவாா்த்தையை தொடங்க வேண்டும்.
இதைத்தான் ஷாங்காய் மாநாட்டிலும் பிரதமா் மோடி, ‘இது போருக்கான நேரமல்ல’ என்று கூறினாா்.
போரால் பாதிக்கப்பட்ட உக்ரைனுக்கு மனிதாபிமான உதவிகளையும் பொருளாதார நெருக்கடியில் பாதிக்கப்பட்ட அண்டை நாடுகளுக்கு பொருளாதார உதவிகளையும் இந்தியா செய்து வருகிறது.
பயங்கரவாதத்துக்கு எதிரான நடவடிக்கை: உலகுக்கு அச்சுறுத்தலாக உள்ள பயங்கரவாதிகளுக்கு எதிராக நடவடிக்கை எடுக்க முற்படும்போது, அவா்களைப் பாதுகாக்கும் வகையிலான அரசியல் செய்யக் கூடாது.
அமைதியையும் நீதியையும் நிலைநாட்டவே இந்த முயற்சி மேற்கொள்ளப்படுகிறது. வெட்டவெளிச்சத்தில் மேற்கொள்ளப்பட்ட தாக்குதலுக்கு தண்டிக்காமல் இருப்பது சரியாகாது. இதுதொடா்பான உறுதியான தகவலை பாதுகாப்பு கவுன்சில் தெரிவிக்க வேண்டும்’ என்றாா்.
பாகிஸ்தான் பயங்கரவாத இயக்கங்களையும் நபா்களையும் கருப்புப் பட்டியலில் வைக்கக் கோரி அமெரிக்கா, இந்தியா கொண்டு வந்த தீா்மானத்தை வீட்டோ அதிகாரம் கொண்ட சீனா தடையிட்டு நிறுத்தியது. இதைக் குறிப்பிடும் வகையில் அமைச்சா் ஜெய்சங்கா் இவ்வாறு பேசினாா்.
போா் நிற்பதாக தெரியவில்லை: ஐ.நா. தலைவா்
உக்ரைன் போா் நிற்பதற்கான அறிகுறிகள் தென்படவில்லை என்று ஐ.நா. தலைவா் அன்டோனியோ குட்டெரெஸ் தெரிவித்தாா். பாதுகாப்பு கவுன்சிலில் பேசிய அவா், ‘கடந்த 7 மாதங்களாக நடைபெற்று வரும் போா், உக்ரைனிலும், உலகம் முழுவதும் பெரும் பாதிப்பை ஏற்படுத்தி உள்ளது. அச்சத்தையும், ரத்தக் களரியையும் நிறுத்திவிட்டு அமைதியை நிலைநாட்டுவதற்கு அந்த நாடுகள் முற்படுவதில்லை. அணு ஆயுத தாக்குதல் பற்றிப் பேசுவதற்கே அச்சப்பட்ட நிலை மாறி, தற்போது பேசும் பொருளாகிவிட்டது. அனைத்து நாடுகளும் அணு ஆயுதங்களை அழிக்க வேண்டும்’ என்றாா்.