செய்தி மடல்
இ-பேப்பர்
மக்களுக்காக இயற்றப்படுவதே சட்டம்
மனதில் கொள்ள வேண்டும் எல்லோரும் !
சட்டம் என்று சொல்லி பயமுறுத்தாதீர்
சட்டம் மக்கள் நலன் காக்க வேண்டும் !
வெள்ளையனிடம் இருந்து விடுதலை எதற்கு ?
விரும்பியபடி ஏழைகள் மகிழ்வாக வாழ்வதற்கு !
திடீரென சில சட்டங்கள் வருகின்றன
தினமும் மக்களை வேதனையில் வீழ்த்துகின்றன !
அடக்குமுறைக்குப் பெயர்தான் சட்டமோ ?
அன்பாக உரைப்பதே உன்னதச் சட்டம் !
மக்களுக்கு நன்மை செய்வதே சட்டம்
மக்களை வதைப்பது சட்டம்அன்று !
பட்டுக்கோட்டையில் பாடல் வரிகள்
பாவலன் என் நினைவிற்கு வந்தன !
சட்டம் போட்டுத் தடுக்கிற கூட்டம் தடுக்குது
திட்டம் போட்டு திருடுற கூட்டம் திருடுது !
திருடனாய்ப் பார்த்து திருந்த வேண்டுமென்றார்
திருடன்கள் திருந்துவதாகத் தெரியவில்லை !
சட்டம் என்பது நல்லாருக்கு ஆதரவாகவும்
தீயோருக்கு எதிராகவும் இருக்க வேண்டும் !
நாட்டு நடப்போ எதிர்மாறாக உள்ளன
நடக்கும் இக்கொடுமைகளை மாறிட வேண்டும் !
சட்டத்தின் ஓட்டையில் வெளியே வருகின்றனர்
சட்டத்தை மீறுகிறான் தண்டிக்க முடியவில்லை !
அப்பாவி மக்களிடம் மட்டும் நம்நாட்டு சட்டம்
அவரமாகப் பாய்ந்து தண்டனை கொடுத்து மகிழும் !
இந்நிலை மாற வேண்டும் சட்டம் என்பது
ஏழை மக்களை காக்க வேண்டும் அதுவே சிறப்பு !
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.