பஞ்சாங்கம்

புதன்கிழமை

17

விளம்பி வருடம், புரட்டாசி 31-ம் தேதி

நல்ல நேரம்

காலை 9.30 - 10.30   மாலை 4.30 - 5.30

ராகு காலம்

12.00 - 1.30

எம கண்டம்

7.30 - 9.00

குளிகை

10.30 - 12.00

திதி

அஷ்டமி

நட்சத்திரம்

உத்திராடம்

சந்திராஷ்டமம்

திருவாதிரை, புனர்பூசம்

இன்றைய ராசிபலன்

மேஷம் - வெற்றி
ரிஷபம் - வருத்தம்
மிதுனம் - நன்மை
கடகம் - அமைதி
சிம்மம் - செலவு
கன்னி - ஆதரவு
துலாம் - உதவி
விருச்சிகம் - பாசம்
தனுசு - சுகம்
மகரம் - நட்பு
கும்பம் - போட்டி
மீனம் - கோபம்

யோகம்: சித்த / அமிர்த யோகம் 

சூலம்: வடக்கு

பரிகாரம்: பால்

விசேஷம்: மதுரை ஸ்ரீ மீனாட்சியம்மன் கொலு தர்பார் காட்சி.

கேள்வி - பதில்
  • என் மகன் ஐஏஎஸ் தேர்வில் நேர்காணல் வரை சென்று சொற்ப மதிப்பெண்களில் தேர்வாகவில்லை. தற்சமயம் அரசில் எழுத்தராக பணிபுரிகிறார். ஐஏஎஸ் பணிக்கான தேர்வு மையம் தொடங்கலாமா? வேறு எந்தத் துறைகளில் ஈடுபடலாம்? ஆரோக்கியம் எப்படி இருக்கும்? சனி வக்கிரம் பெற்று சூரியபகவானின் பார்வையை பெறுவது குறையா? அவரின் ஜாதகத்தைப் பார்த்தவர்கள் ஓஹோ என்று கூறினார்கள். எப்பொழுது மாற்றம் வரும். பரிகாரம் என்ன செய்ய வேண்டும்?
     - வாசகி

  • உங்கள் மகனுக்கு கும்ப லக்னம், கிருத்திகை நட்சத்திரம், மேஷ ராசி. ருணம் (கடன்) ரோகம் (வியாதி) சத்ரு (விரோதி) ஸ்தானமான ஆறாம் வீட்டிற்கு அதிபதியான சந்திரபகவான் சூரியபகவானின் சாரத்தில் (கிருத்திகை நட்சத்திரம்) அமர்ந்து நவாம்சத்தில் தனுசு ராசியை அடைகிறார்.
     லக்னத்திற்கும் அயன ஸ்தானமான பன்னிரண்டாம் வீட்டிற்கும் அதிபதியான சனிபகவான் பாக்கிய ஸ்தானமான ஒன்பதாம் வீட்டில் செவ்வாய்பகவானின் சாரத்தில் (சித்திரை நட்சத்திரம்)அமர்ந்து நவாம்சத்தில் விருச்சிக ராசியை அடைகிறார்.
     எந்த ஒரு ஜாதகத்திற்கும் முதல் திரிகோணம் மற்றும் கேந்திராதிபதியான லக்னாதிபதியின் பலம் அடிப்படை பலமாக அமைகிறது. லக்னாதிபதி பலம் பெற்றுவிட்டாலே அந்த ஜாதகர் வாழ்க்கைக்குத் தேவையான ஆதாரத் தேவைகளைத் தடையின்றி பெற்றுவிடுவார். இதற்குப்பிறகு மற்ற திரிகோணம், கேந்திராதிபதிகளின் பலத்தைக் கொண்டு எந்த அளவுக்கு பலம் கூடுகிறது என்று பார்க்க வேண்டும்.
     தனம் வாக்கு குடும்ப ராசியாகிய இரண்டாம் வீட்டிற்கும் லாப ஸ்தானமான பதினொன்றாம் வீட்டிற்கும் அதிபதியான குருபகவான் தொழில் ஸ்தானமான பத்தாம் வீட்டில் சனிபகவானின் சாரத்தில் (அனுஷ நட்சத்திரம்) வர்கோத்தமத்தில் (ராசியிலும் நவாம்சத்திலும் ஒரே ராசியில் அமர்ந்திருக்கும் நிலை) அமர்ந்திருக்கிறார்.
     தைரிய ஸ்தானமான மூன்றாம் வீட்டிற்கும் தொழில் ஸ்தானமான பத்தாம் வீட்டிற்கும் அதிபதியான செவ்வாய்பகவான் சுக ஸ்தானமான நான்காம் வீட்டில் சூரியபகவானின் சாரத்தில் (கிருத்திகை நட்சத்திரம்) அமர்ந்து நவாம்சத்தில் கும்ப ராசியை அடைகிறார். சுக ஸ்தானமான நான்காம் வீட்டிற்கும் பாக்கிய ஸ்தானமான ஒன்பதாம் வீட்டிற்கும் அதிபதியான சுக்கிரபகவான் பூர்வபுண்ணிய புத்திர புத்தி ஸ்தானத்தில் ராகுபகவானின் சாரத்தில் (திருவாதிரை நட்சத்திரம்) அமர்ந்து நவாம்சத்தில் மகர ராசியை அடைகிறார்.
     பூர்வபுண்ணிய புத்திர புத்தி ஸ்தானமான ஐந்தாம் வீட்டிற்கும் அஷ்டம ஸ்தானமான எட்டாம் வீட்டிற்கும் அதிபதியான புதபகவான், தைரிய ஸ்தானமான மூன்றாம் வீட்டில் சூரியபகவானின் சாரத்தில் (கிருத்திகை நட்சத்திரம்) அமர்ந்து நவாம்சத்தில் தனுசு ராசியை அடைகிறார். ராகுபகவான் பூர்வபுண்ணிய புத்திர புத்தி ஸ்தானத்தில் செவ்வாய்பகவானின் சாரத்தில் (மிருசீரிஷ நட்சத்திரம்) அமர்ந்து நவாம்சத்தில் துலாம் ராசியை அடைகிறார். கேதுபகவான் லாப ஸ்தானமான பதினொன்றாம் வீட்டில் சுய சாரத்தில் (மூலம் நட்சத்திரம்) அமர்ந்து நவாம்சத்தில் மேஷ ராசியை அடைகிறார்.
     உங்கள் மகனுக்கு லக்னாதிபதி பாக்கிய ஸ்தானத்தில் உச்சம் பெற்றிருக்கிறார். அவர் வக்கிரம் பெற்றிருப்பதும் உச்சம் பெற்ற சூரியபகவானால் பார்க்கப் படுவதும் குறையா? என்று கேட்டுள்ளீர்கள்.
     பொதுவாக, சனிபகவான் சூரியபகவானிடமிருந்து சராசரியாக 120 பாகைகள் விலகும் பொழுது வக்கிரமடைகிறார். குருபகவான் சூரியபகவானிடமிருந்து சராசரியாக 150 பாகைகள் விலகும்பொழுது வக்கிரமடைகிறார்.அதாவது சனிபகவான் சராசரியாக வருடத்தில் ஐந்து மாதங்களும்; குருபகவான் வருடத்தில் சராசரியாக நான்கு மாதங்களும் வக்கிரம் பெறும் காலங்களாகும். வக்கிரம் பெற்ற கிரகங்கள் பின்னோக்கி சஞ்சாரம் செய்யும். சில நேரங்களில் அதிவக்கிரம் பெற்று (முந்திய ராசிக்குச் செல்வது) சஞ்சரிக்கும் நிலையும் ஏற்படும். வக்கிரம் பெற்ற கிரகங்கள் பலமிழக்கின்றனவா என்றால் இல்லை என்றே கூற வேண்டும். அதோடு, இந்த கிரகங்கள் பாவகத்தில் மாற்றம் பெற்று விடும் வாய்ப்பு இருப்பதால் இதனைக் கருத்தில் கொண்டு பலனைக் கூறவேண்டும். மற்றபடி வக்கிர கிரகங்கள் சஞ்சரிக்கும் போது சற்று கூடுதலான நற்பலன்களைத் தரும் என்று கூறவேண்டும்.
     "உச்சனை, உச்சன் பார்த்தால் பிச்சை' என்பது அனுபவத்தில் ஒத்துவருவதில்லை. மாறாக இத்தகையோர் வாழ்க்கையில் நல்ல நிலையில் இருப்பதையும், தனியார் அல்லது அரசு துறைகளில் உயரிய பதவிகளில் அமர்ந்திருப்பதையும் பார்க்கிறோம். இத்தகையோர் பலர் அரசியலில் ஈடுபட்டு வெற்றியடைந்திருக்கிறார்கள். மேலும் இவர்களுக்கு அரசு விருதுகளும் தேடிவரும். சூரிய, சனிபகவான்கள் அரசு கிரகங்கள் என்பதால் சமுதாயத்திற்கு உழைக்கும் பதவிகளைப் பெறுகிறார்கள். பலருக்கும் உதவி செய்து பெயரெடுக்கிறார்கள் என்றால் மிகையாகாது. சனிபகவான் சந்திர கேந்திரத்தில் உச்சம் பெற்று அமர்ந்திருப்பதால் பஞ்சமஹா புருஷ யோகங்களில் ஒன்றான சச மஹா யோகமும் உண்டாகிறது. இதனால் அவருக்கு உயர் பதவிகள் தேடிவரும்.
     பொதுவாக, சனிபகவான் வலுத்திருந்தால் உழைத்து பொருளீட்ட வைப்பார். வெளிநாடு சம்பந்தப்பட்ட விஷயங்களில் ஆர்வத்தை ஊட்டுவார். தொழில் ஸ்தானத்தில் தன, லாபாதிபதியான குருபகவான் வர்கோத்தமத்தில் அமர்ந்திருக்கிறார். இதனால் சிறப்பான பலரும் போற்றத்தக்க வகையில் உத்தியோகம் அமையும். குருபகவான் ஆசிரியர் தொழிலுக்கும் காரணமாகிறார். இதனால் அடுத்தவர்களுக்குப் பாடம் சொல்லித் தரும் வேலையும் பார்க்க நேரிடும். குருபகவான் பலம் பெற்று பத்தாமிடத்தோடு சம்பந்தம் பெற்றிருப்பதால் ரசாயனம் சம்பந்தப்பட்ட தொழிலிலும் அபிவிருத்தி காணலாம். குருபகவான் குடும்பாதிபதியாகி குடும்ப ஸ்தானத்தைப் பார்வை செய்வதால் குடும்பத்திலும் உயர்வு உண்டாகும். உற்றார் உறவினர்களுடன் இணக்கமாக வாழும் நிலை உண்டாகும்.
     சமசப்தம பார்வையாக (ஏழாம் பார்வையாக) தொழில் ஸ்தானாதிபதியான செவ்வாய்பகவானும் குருபகவானும் பார்வை செய்து கொள்கிறார்கள். இதனால் மற்றவர்களை அதிகாரம் செய்யும் பதவிகள் அமையும். செவ்வாய், குரு பகவான்கள் சட்டம், நீதிதுறைகளுக்கு ஆதிபத்யம் பெற்று இருப்பதால் மற்றவர்களுக்கு ஆலோசனை தரும் கன்ஸல்டன்ஸி துறைகளிலும் ஈடுபடலாம். தற்சமயம் ராகுபகவானின் தசையில் சுக்கிரபகவானின் புக்தி அடுத்த ஆண்டு இறுதிவரை நடக்கும். இந்த காலகட்டத்திற்குள் மேற்கூறிய இவைகளில் அவருக்கு வாய்ப்புகள் தேடிவரும்.
     ஆரோக்கிய ஸ்தானாதிபதி விபரீத யோகம் பெற்று லக்னாதிபதி மற்றும் பாக்கியாதிபதிகளின் சம்பந்தம் பெற்றிருப்பதால் ஆரோக்கியத்தில் பெரிய குறைபாடுகள் என்று எதுவும் ஏற்படாது. மேலும் அவருக்கு அசுப ராசிகள் என்று அழைக்கப்படும் ஆறு, எட்டு, பன்னிரண்டாம் வீடுகள் கிரகங்களின்றி சுத்தமாக இருப்பதும் சிறப்பாகும். அதோடு, ஆறாம் வீட்டிற்கு குருபகவானின் ஒன்பதாம் பார்வை கிடைப்பதும் அவரின் ஆரோக்கியம் இறுதிவரை சிறப்பாகவே அமையும் என்றும் கூற முடிகிறது. இதனால் அவர் ஒரு முக்கியஸ்தர் என்கிற நிலையில் வாழ்வார் என்று கூறவேண்டும். பிரதி செவ்வாய்க்கிழமைகளில் துர்க்கையை வழிபட்டு வரவும்.
     
     
     

  • நான் வாழ்க்கையில் இன்றுவரை இன்னல்களைத்தான் அனுபவித்து வருகிறேன். என்னுடைய எதிர்காலம் எவ்வாறு இருக்கும்? படித்த படிப்புக்கேற்ற வேலை வெளிநாட்டில் எப்போது கிடைக்கும்? குடும்பம் மேன்மை அடையுமா?
     - வாசகர், திட்டக்குடி

  • உங்களுக்கு மீன லக்னம், தனுசு ராசி. தொழில் ஸ்தானாதிபதியான குருபகவான் தொழில் ஸ்தானத்தில் பூர்வபுண்ணியாதிபதியான சந்திரபகவான் மற்றும் ராகுபகவானுடன் இணைந்திருக்கிறார். தற்சமயம், அஷ்டம ஸ்தானத்தில் நீச்சபங்க ராஜயோகம் பெற்றிருக்கும் சூரியபகவானுடன் இணைந்திருக்கும் தன, பாக்கியாதிபதியான செவ்வாய்பகவானின் தசை நடக்கிறது. செவ்வாய்பகவான் வர்கோத்தமத்தில் இருப்பதும் சிறப்பு. அதனால் அடுத்த ஆண்டு ஜூன் மாதத்திற்குப்பிறகு மறுபடியும் நல்ல வருமானம் வரும் வேலை கிடைக்கும். 2021- ஆம் ஆண்டு தொடங்கியவுடன் வெளிநாடு செல்லக்கூடிய வாய்ப்புகள் தேடிவரும். தொடர்ந்து யோக தசைகள் நடப்பதால் எதிர்காலம் சிறப்பாக அமையும். பிரதி செவ்வாய்க்கிழமைகளில் துர்க்கையையும் முருகப்பெருமானையும் வழிபட்டு வரவும்.

  • என் மகன் நிறைய முயற்சி செய்து ஜெர்மனுக்கு படிக்கச் சென்றார். அங்கு எம்.எஸ்., ஒரு வருடம் சென்றபின் மீண்டும் இந்தியா திரும்பி வந்தார். அதன்பிறகு ஜெர்மன் போக பிடிக்கவில்லை என்று சொல்லி, இங்கு வேலை எதுவும் பார்க்காமல் மிகுந்த குழப்பத்தில் இருக்கிறார். நல்ல வேலை கிடைக்குமா? திருமண யோகம், எதிர்காலம் எவ்வாறு உள்ளது?
     - வாசகர், மதுரை

  • உங்கள் மகனுக்கு சிம்ம லக்னம், துலாம் ராசி. லக்னாதிபதி அஷ்டம ஸ்தானத்தில் மறைந்திருக்கிறார். அவரோடு புதபகவான் இணைந்திருப்பது சிறப்பு. இதனால் நீச்சபங்க ராஜயோகம், புதஆதித்ய யோகம் ஆகிய யோகங்கள் உண்டாகின்றன. சுக பாக்கியாதிபதியான செவ்வாய்பகவான் ஆறாம் வீட்டில் உச்சம் பெற்று இருப்பது சிறப்பு. அதோடு பாக்கிய ஸ்தானத்திலும் குருபகவான் அமர்ந்து இருக்கிறார். தொழில் ஸ்தானத்தில் தொழில் ஸ்தானாதிபதி ஆட்சி பெற்று இருப்பதும் சிறப்பு. களத்திர நட்பு ஸ்தானாதிபதி பூர்வபுண்ணிய ஸ்தானத்தில் அமர்ந்து தற்சமயம் தசையை நடத்துகிறார். தற்சமயம் சனிபகவானின் புக்தி நடக்கத் தொடங்கியுள்ளது. அதனால் அவருக்கு இந்த ஆண்டே படிப்புக்குத் தகுந்த வேலை உள்நாட்டில் கிடைக்கும். அடுத்த ஆண்டு திருமணம் கைகூடும். சர ராசிகள் வலுவாக உள்ளதால் வெளிநாடு செல்லவும் வாய்ப்பு உண்டாகும். பிரதி சனிக்கிழமைகளில் சனிபகவானை வழிபட்டு வரவும்.

  • என் மகனுக்கு திருமணமாகி விவாகரத்தாகிவிட்டது. குழந்தை இல்லை. மறுமணம் எப்போது கைகூடும்? எதிர்காலம், இல்வாழ்க்கை எப்படி அமையும்? குழந்தை பாக்கியம் உண்டா? என்ன பரிகாரம் செய்ய வேண்டும்?
     - வாசகர், திருவையாறு

  • உங்கள் மகனுக்கு ரிஷப லக்னம், கடக ராசி. தற்சமயம் கேதுபகவானின் தசை நடக்கத் தொடங்கியுள்ளது. சுக ஸ்தானமும் பூர்வபுண்ணிய புத்திர ஸ்தானமும் வலுவாக உள்ளது. அதனால் அவருக்கு புத்திர பாக்கியம் உண்டு. மற்றபடி அவருக்கு அடுத்த ஆண்டு அக்டோபர் மாதத்திற்குள் படித்த பெண் அமைந்து திருமணம் கைகூடும். எதிர்காலம் மணவாழ்க்கை சிறப்பாக அமையும். பிரதி செவ்வாய்க் கிழமைகளில் துர்க்கையையும் முருகப்பெருமானையும் வழிபட்டு வரவும்.
     

  • என் மகளுக்கு என்ன படிப்பைத் தேர்ந்தெடுக்கலாம்? பெற்றோர் பார்த்த வரன் அமையுமா? செவ்வாயுடன் கேது இருப்பது கேடு விளைவிக்குமா?
     - வாசகர், கோட்டூர்புரம்

  • உங்கள் மகளுக்கு ரிஷப லக்னம், கும்ப ராசி. கல்வி ஸ்தானாதிபதி லக்னத்தில் அமர்ந்திருப்பது சிறப்பு. அவருக்கு கணினி சம்பந்தப்பட்ட படிப்பு ஏற்றது. சர்ப்ப தோஷம் உள்ளது. செவ்வாய்பகவான் எட்டாம் வீட்டில் கேதுபகவானுடன் இருப்பதால் செவ்வாய் தோஷம் குறைகிறது. களத்திர ஸ்தானாதிபதி எட்டாம் வீட்டில் மறைவு பெறுகிறது என்கிற ரீதியில் பொருத்தம் பார்க்க வேண்டுமே அன்றி செவ்வாய்பகவான் தோஷம் பெற்று எட்டாம் வீட்டில் இருக்கிறார் என்று கொள்ளக்கூடாது. அதோடு குருபகவானின் பார்வை களத்திர ஸ்தானத்தின் மீது படிவதும் சிறப்பாகும். மற்றபடி நீங்கள் செய்துள்ள பரிகாரங்கள் சரியானது. அவருக்கு 24- ஆம் வயதில் பெற்றோர் நிச்சயித்த வரன் அமைந்து திருமணம் கைகூடும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.

  • என் கணவர் வைத்துள்ள பிரிண்டிங் பிரஸ் தொழிலில் மிகவும் மந்தநிலை ஏற்பட்டுள்ளது. இந்த தொழில் ஏற்றதாக உள்ளதா? தொழிலில் முன்னேற்றம் உண்டா? என் மாமனார் வழி சொத்து எப்போது கிடைக்கும்? ஏதும் பரிகாரம் செய்ய வேண்டுமா?
     - வாசகி, பொன்னேரி

  • உங்கள் கணவருக்கு விருச்சிக லக்னம், ரிஷப ராசி. லக்னாதிபதி, சுகாதிபதி, பூர்வபுண்ணியாதிபதிகள் ராகுபகவானுடன் இணைந்து தொழில் ஸ்தானமான பத்தாம் வீட்டில் இணைந்திருக்கிறார்கள். களத்திர நட்பு ஸ்தானமான ஏழாம் வீட்டில் தர்மகர்மாதிபதிகள் லாபாதிபதியுடன் இணைந்திருக்கிறார்கள். பொதுவாக, இரண்டு கேந்திர வீடுகளில் கிரகக் கூட்டு சிறப்பாகும். அதுவும் அவருக்கு ஏழு கிரகங்கள் இந்த முக்கிய கேந்திர ராசிகளில் இருப்பது மிகவும் சிறப்பாகும். அவர் செய்து வரும் தொழில் அவரின் ஜாதகத்திற்கு ஏற்றதாகவே அமைகிறது. ஆரோக்கிய ஸ்தானாதிபதி சுப பலம் பெற்றிருப்பதால் ஆரோக்கியத்தில் பெரிய பாதிப்பு என்று எதுவும் ஏற்படாது. அடுத்த ஆண்டு ஏப்ரல் மாதத்திற்குப்பிறகு பொருளாதாரம் உயரத் தொடங்கும். அந்த காலகட்டத்தில் தந்தை வழிச் சொத்து கைவந்து சேரும். எதிர்காலம் சிறப்பாக அமையும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.

  • எனக்கு எப்போது திருமணம் நடைபெறும்? எத்திசையில் பெண் அமைவார்?
     - வாசகர், கொரட்டூர்

  • உங்களுக்கு மகர லக்னம், கடக ராசி. லக்னாதிபதி லாப ஸ்தானத்தில் அமர்ந்து குருபகவானாலும் லாபாதிபதிகளாலும் பார்க்கப்படுகிறார். தைரிய ஸ்தானமும் நான்கு கிரகங்களால் சூழப்பட்டுள்ளது. தற்சமயம், குடும்ப ஸ்தானத்தில் அமர்ந்திருக்கும் பூர்வபுண்ணிய, தொழில் ஸ்தானாதிபதியான சுக்கிரபகவானின் தசை நடக்கிறது. உங்களுக்கு அடுத்த ஆண்டு இறுதிக்குள் படித்த பெண் தென்கிழக்கு திசையிலிருந்து அமைந்து திருமணம் கைகூடும். பிரதி திங்கள்கிழமைகளில் அம்மனை வழிபட்டு வரவும்.

  • தற்போது எனக்கு 39 வயதாகிறது. இன்னும் திருமணம் நடக்கவில்லை. திருமணம் எப்போது நடைபெறும்? தாய் தந்தையற்ற நான் முன்னோர் வழிபாடு செய்தால் திருமணம் நடக்குமா? தொழில் நல்லபடியாக எப்போது அமையும்?
     - வாசகர், தாராபுரம்

  • உங்களுக்கு ரிஷப லக்னம், துலாம் ராசி. களத்திர ஸ்தானாதிபதி களத்திர ஸ்தானத்திலேயே ஆட்சி பெற்று பூர்வபுண்ணிய புத்திர ஸ்தானாதிபதியுடன் இணைந்து இருக்கிறார். சுகாதிபதி சற்று பலம் குறைந்திருக்கிறார். மற்றபடி சுக ஸ்தானத்தில் தர்மகர்மாதிபதி அமர்ந்திருப்பது சிறப்பு. அதோடு சனிபகவானின் தசையும் தற்சமயம் நடக்கிறது. உங்களுக்கு அடுத்த ஆண்டு இறுதிக்குள் திருமணம் கைகூடும். முடிந்தால் ஒருமுறை ராமேஸ்வரம் சென்று திலஹோமம் செய்து விட்டு வரவும். மற்றபடி கடன்கள் அடையும். வீட்டையும் கட்டி முடித்து விடுவீர்கள். சனிபகவானின் தசையில் பிற்பகுதி சிறப்பாக அமையும். தொடர்வதும் உச்ச குருபகவானின் பார்வையை பெற்றிருக்கும் புதபகவானின் தசையாக இருப்பதால் நன்மைகள் தொடரும். பிரதி ஞாயிற்றுக்கிழமைகளில் சிவபெருமானை வழிபட்டு வரவும்.

  • எனக்கு எப்போது நிரந்தரமான வேலை கிடைக்கும்? சொந்தமாக வீடு கட்டும் யோகம் உண்டா?
     - வாசகர், நாமக்கல்

  • உங்களுக்கு தனுசு லக்னம், துலாம் ராசி. தர்மகர்மாதிபதிகள் தொழில் ஸ்தானத்திலேயே அமர்ந்திருக்கிறார்கள். லக்னாதிபதியும் லாப ஸ்தானத்தில் அமர்ந்திருக்கிறார். அவருடன் சந்திர, சனிபகவான்களும் இணைந்திருக்கிறார்கள். தொழில் ஸ்தானத்தில் லாபாதிபதி நீச்சபங்க ராஜயோகத்தைப் பெறுகிறார். தொழில் ஸ்தானத்திலும் லாப ஸ்தானத்திலும் அயன ஸ்தானத்திலும் ஏழு கிரகங்கள் இருப்பது சிறப்பாகும். அடுத்த ஆண்டு அக்டோபர் மாதத்திற்குப்பிறகு நிரந்தர அரசு வேலை அமையும். நீங்கள் குறிப்பிட்டுள்ளபடி வடக்கு பார்த்த பூமியில் வீடு கட்டலாம். பாதிப்பு என்று எதுவும் ஏற்படாது. தொடர்வதும் உச்சம் பெற்றுள்ள சனிபகவானின் தசையாக உள்ளதால் எதிர்காலம் பிரகாசமாக அமையும். பிரதி ஞாயிற்றுக்கிழமைகளில் சிவபெருமானை வழிபட்டு வரவும்.
     

  • 29 வயதாகும் என் பெண்ணிற்கு எப்போது திருமணம் நடைபெறும்? நல்ல வரன் அமையுமா?
     - வாசகர், விழுப்புரம்

  • உங்கள் மகளுக்கு கடக லக்னம், கடக ராசி. பூர்வபுண்ணிய தொழில் ஸ்தானாதிபதியான யோககாரகரான செவ்வாய்பகவான் உச்சம் பெற்றிருக்கிறார். குடும்பாதிபதியும் பாக்கியாதிபதியும் தொழில் ஸ்தானத்தில் அயன ஸ்தானாதிபதியுடன் இணைந்திருக்கிறார்கள். சுக்கிரபகவானும் லாப ஸ்தானத்தில் ஆட்சி பெற்று இருக்கிறார். தற்போது சுக்கிரபகவானின் தசையில் இறுதிப்பகுதி நடக்கிறது. அவருக்கு அடுத்த ஆண்டு இறுதிக்குள் படித்த நல்ல சிறப்பான வேலையிலுள்ள வரன் வடக்கு திசையிலிருந்து அமைந்து திருமணம் கைகூடும். எதிர்காலம் வளமாகவும் அமைதியாகவும் இருக்கும். பரிகாரம் எதுவும் தேவையில்லை.

  • எனது மகளின் எதிர்காலம், வாழ்க்கை எவ்வாறு அமையும்? பரிகாரங்கள் செய்ய வேண்டுமா?
     - வாசகி, பட்டாளம்

  • உங்கள் மகளுக்கு மிதுன லக்னம், ரிஷப ராசி. லக்னத்தில் குருபகவான் அமர்ந்து களத்திர, நட்பு ஸ்தானத்தைப் பார்வை செய்கிறார். அயன ஸ்தானத்தில் விபரீத ராஜயோகம் பெற்றிருக்கும் செவ்வாய்பகவானின் தசை முடியும் தருவாயில் உள்ளது. அடுத்த ஆண்டு ஏப்ரல் மாதத்திற்குப்பிறகு தொடங்கும் ராகுபகவானின் தசையில் படிப்படியாக அவரின் குணநலன்களில் நல்ல மாற்றம் உண்டாகும். பிரதி செவ்வாய்க்கிழமைகளில் துர்க்கையையும் முருகப்பெருமானையும் வழிபட்டு வரவும். எதிர்காலம் சிறப்பாக அமையும்.

  • பி.காம் படித்துள்ள என் மகள் மத்திய மாநில அரசு வேலைக்கான தேர்வுகள் எழுதி உள்ளார். அரசுப்பணி கிடைக்குமா? அரசாங்கத்தில் உயர் பதவியிலுள்ள வரன் அமையுமா?
     - வாசகர், கோயம்புத்தூர்

  • உங்கள் மகளுக்கு துலாம் லக்னம், துலாம் ராசி. பாக்கியாதிபதியான புதபகவான் களத்திர நட்பு ஸ்தானமான ஏழாம் வீட்டில் அமர்ந்திருப்பதால் தர்மகர்மாதிபதி யோகம் உண்டாகிறது. அஷ்டம ஸ்தானமான எட்டாம் வீட்டில் சூரிய, சுக்கிரபகவான்கள் அமர்ந்து குருபகவானால் பார்க்கப்படுகிறார்கள். தற்சமயம் குருபகவானின் தசையில் பிற்பகுதி நடக்கிறது. அதனால் அவரை இந்திய குடிமைப் பணிகளுக்கான தேர்வுகளை எழுதச் சொல்லவும். சிறப்பான வேலை கிடைக்கும். களத்திர ஸ்தானமும் மாங்கல்ய ஸ்தானமும் வலுவாக உள்ளதால் படித்த நல்ல வேலையிலுள்ள வரன் அமையும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரும்.

  • என் மகளுக்கு கோட்சாரப்படி திருமண யோகம் எப்படி இருக்கும்? பரிகாரம் ஏதும் செய்ய வேண்டுமா? சந்திரன், சுக்கிரனிலிருந்து செவ்வாய் தோஷம் பார்க்க வேண்டுமா?
     - வாசகர், காஞ்சிபுரம்

  • உங்கள் மகளுக்கு தனுசு லக்னம், கடக ராசி. இரண்டாம் வீட்டில் செவ்வாய்பகவான் உச்சம். மகர ராசியில் செவ்வாய்பகவான் இருப்பது செவ்வாய்தோஷம் இல்லை. களத்திர ஸ்தானாதிபதியான புதபகவான் ராசியில் லக்னத்தில் இருந்தாலும் பாவப்படி குடும்ப ஸ்தானத்தை அடைகிறார். பொதுவாக, லக்னப்படி செவ்வாய்தோஷம் பார்க்கும் வழக்கம் உள்ளது என்றாலும் ராசிப்படியும் சுக்கிரபகவான் படியும் செவ்வாய் தோஷத்தைப் பார்க்க வேண்டும். செவ்வாய் தோஷத்திற்குண்டான விதிவிலக்குகளையும் கருத்தில் கொள்ள வேண்டும். அப்படி செய்யாமல் பொதுவாக, 2,4,7,8,12 -ஆம் இடங்களில் தோஷம் என்று கொள்ளக்கூடாது. சுக்கிரபகவான் ராசியில் குடும்ப ஸ்தானத்தில் இருந்து நவாம்சத்தில் நீச்சமடைகிறார். இதனால் ஆறாமதிபதி லக்னாதிபதியை விட பலம் குறைந்திருக்கிறார் என்று புரிந்து கொள்ள வேண்டும். மற்றபடி இது குறை இல்லை. அவருக்கு தற்சமயம் சுக்கிரபகவானின் புக்தி இன்னும் ஒன்றரை ஆண்டுக்குள் நடக்கும். அவருக்கு ஹம்ஸ யோகம், சிவராஜ யோகம், சந்திரமங்கள யோகம் போன்ற சிறப்பான யோகங்கள் உள்ளன. அவருக்கு அடுத்த ஆண்டு ஜூலை மாதத்திற்குள் படித்த நல்ல வேலையிலுள்ள வரன் தூரத்து உறவில் அமைந்து திருமணம் கைகூடும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.
     

ராசி பலன்கள்

  • அதிகம்
    படிக்கப்பட்டவை
  • அதிகம் இ-மெயில் செய்யப்பட்டவை