பஞ்சாங்கம்

வெள்ளிக்கிழமை

20

விளம்பி வருடம், சித்திரை 7-ம் தேதி

நல்ல நேரம்

காலை 9.15 - 10.15   மாலை 4.45 - 5.45

ராகு காலம்

10.30 - 12.00

எம கண்டம்

3.00 - 4.30

குளிகை

7.30 - 9.00

திதி

பஞ்சமி

நட்சத்திரம்

விசாகம், அனுஷம்

சந்திராஷ்டமம்

மிருகசீரிஷம்

இன்றைய ராசிபலன்

மேஷம் - அனுமதி
ரிஷபம் - பொறுமை
மிதுனம் - நஷ்டம்
கடகம் - அனுகூலம்
சிம்மம் - வெற்றி
கன்னி - மேன்மை
துலாம் - தெளிவு
விருச்சிகம் - நலம்
தனுசு - சாந்தம்
மகரம் - நன்மை
கும்பம் - வரவு
மீனம் - ஜெயம்

யோகம்: சித்த யோகம்

சூலம்: மேற்கு

பரிகாரம்: வெல்லம்

விசேஷம்: லாவண்ய கௌரி விரதம். ஸ்ரீமத் சங்கர ஜெயந்தி. திருத்தணி ஸ்ரீசிவபெருமான் ரதோற்ஸவம். 

கேள்வி - பதில்
  • என் மகனுக்கு வலது கண்ணில் ரெடினா பாதிப்பால் 1999- இல் அறுவை சிகிச்சை நடந்தது. மறுபடியும் அதே கண்ணில் பிரச்னை வந்தபோது 2012 -இல் அறுவை சிகிச்சை இடது கண்ணில் நடந்தது. அதில் தற்போது 75 சதவீதம் பார்வை உள்ளது. 6 மாதம் கழித்து வலது கண்ணில் அறுவை சிகிச்சை நடந்து தற்சமயம் 25 சதவீதம் தான் பார்வை உள்ளது. அவர் நல்ல வேலையில் இருப்பதால் வெளிநாடு வாய்ப்பு கிடைத்தால் அங்கு சென்று தக்க சிகிச்சை மேற்கொள்ள வாய்ப்பு உள்ளதா? நானும் அவருடன் உதவிக்குச் செல்ல முடியுமா? பரிகாரம் என்ன செய்ய வேண்டும்? - வாசகி, சென்னை
  • உங்கள் மகனுக்கு மீன லக்னம், ரிஷப ராசி, ரோகிணி நட்சத்திரம். பூர்வபுண்ணிய ஸ்தானாதிபதியான சந்திரபகவான் சுயசாரத்தில் (ரோகிணி நட்சத்திரம்) உச்சம் பெற்று வர்கோத்தமத்தில் (ராசியிலும் நவாம்சத்திலும் ஒரே ராசியில் இருக்கும் நிலை) அதிபலம் பெற்று அமர்ந்திருக்கிறார். பூர்வபுண்ணிய ஸ்தானாதிபதி சிறப்பான பலம் பெற்றிருப்பது அவர் வாழ்க்கையில் அனைத்து நன்மைகளையும் பெறுவார் என்று உறுதியாகக் கூறமுடியும். லக்னத்திற்கும் தொழில் ஸ்தானமான பத்தாம் வீட்டிற்கும் அதிபதியான குருபகவான் பத்தாம் வீட்டில் (மூலத்திரிகோண ராசியில்) கேதுபகவானின் சாரத்தில் (மூலம் நட்சத்திரம்) அமர்ந்து நவாம்சத்தில் மிதுன ராசியை அடைகிறார். தனபாக்கியாதிபதியான செவ்வாய்பகவான் பாக்கிய ஸ்தானத்தில் சனிபகவானின் சாரத்தில் (அனுஷ நட்சத்திரம்) ஆட்சி பெற்று நவாம்சத்தில் கன்னி ராசியை அடைகிறார். தைரிய ஸ்தானமான மூன்றாம் வீட்டிற்கும் அஷ்டம ஸ்தானமான எட்டாம் வீட்டிற்கும் அதிபதியான சுக்கிரபகவான் ஆறாம் வீடான ருணம் (கடன்) ரோகம் (வியாதி) சத்ரு (விரோதி) ஸ்தானமான ஆறாம் வீட்டில் சுய சாரத்தில் (பூரம் நட்சத்திரம்) அமர்ந்து நவாம்சத்தில் துலாம் ராசியை அடைந்து விபரீத ராஜயோகம் பெற்று அமர்ந்திருக்கிறார். 
    விபரீத ராஜ யோகம் என்பது மறைவு ஸ்தானங்களான 3,6,8,12 - ஆம் வீட்டுக்கதிபதிகள் இந்த மறைவு ஸ்தானங்களில் அமர்ந்திருப்பதாகும் என்பது அனைவரும் அறிந்ததே. இந்த விபரீத ராஜயோகம் பெற்றவர்களுக்கு திடீரென்று அதிர்ஷ்ட வாய்ப்புகள் பொருள் வரவு ஆகியவை உண்டாகும் என்று கூறவேண்டும். சுக ஸ்தானமான நான்காம் வீட்டிற்கும் களத்திர நட்பு ஸ்தானமான ஏழாம் வீட்டிற்கும் அதிபதியான புதபகவான் ஆறாம் வீட்டில் சுக்கிரபகவானின் சாரத்தில் (பூரம் நட்சத்திரம்) அமர்ந்து நவாம்சத்தில் கன்னி ராசியில் (கன்னி ராசி புதபகவானுக்கு ஆட்சி, உச்ச மூலத்திரிகோண வீடாகும்) அமர்ந்திருக்கிறார். புதபகவான் சுபக்கிரகமாக ஆவதால் கேந்திராதிபத்ய தோஷத்தைப் பெறுகிறார். அவர் மறைவு பெற்றிருப்பதாலும் அசுபக்கிரகத்துடன் இணைந்து இருப்பதாலும் கேந்திராதிபத்ய தோஷம் நீங்கப் பெறுகிறார் என்று புரிந்து கொள்ள வேண்டும். அதனால் அவரின் காரகத்துவங்கள் எந்தவித பாதிப்படையாமல் முழுமையாக வேலை செய்யும் என்றும் புரிந்து கொள்ள வேண்டும். 
    லாப ஸ்தானமான பதினொன்றாம் வீட்டிற்கும் அயன ஸ்தானமான பன்னிரண்டாம் வீட்டிற்கும் அதிபதியான சனிபகவான் அஷ்டம ஸ்தானமான எட்டாம் வீட்டில் ராகுபகவானின் சாரத்தில் (சுவாதி நட்சத்திரம்) உச்சம் பெற்று அமர்ந்து நவாம்சத்தில் மீன ராசியை அடைகிறார். பன்னிரண்டாம் அதிபதி எட்டாம் வீட்டில் இருப்பதும் விபரீத ராஜயோகத்தைக் கொடுக்கும். ராகுபகவான் மூன்றாம் வீடான தைரிய ஸ்தானத்தில் சூரியபகவானின் சாரத்தில் (கிருத்திகை நட்சத்திரம்) அமர்ந்து நவாம்சத்தில் மீன ராசியை அடைகிறார். கேதுபகவான் பாக்கிய ஸ்தானத்தில் சனிபகவானின் சாரத்தில் (அனுஷ நட்சத்திரம்) அமர்ந்து நவாம்சத்தில் கன்னி ராசியை அடைகிறார். 
    பொதுவாக, ராகு- கேது பகவான்கள் 3,6,11 ஆம் வீடுகளில் இருப்பது சிறப்பாகும். ராகு- கேது பகவான்கள் அமர்ந்திருக்கும் இல்லங்களின் அதிபதிகள் ஆட்சி, உச்சம் பெற்றிருந்தால் அந்த சர்ப்ப கிரகங்களின் தசை அல்லது புக்தி நன்றாக வேலை செய்யும். அதோடு, ராகு- கேது பகவான்களுடன் ஆட்சி, உச்சம் பெற்ற கிரகங்கள் இணைந்திருந்தால் அது அஷ்டமஹா நாக யோகத்தைக் கொடுக்கும். அவருக்கு ராகுபகவான் உச்சம் பெற்ற சந்திரபகவானுடனும் கேதுபகவான் ஆட்சி பெற்ற பாக்கியாதிபதியான செவ்வாய்பகவானுடனும் இணைந்து இருப்பது சிறப்பு. இதனால் சர்ப்ப கிரகங்கள் இருவருக்கும் அஷ்டமஹா நாகயோகம் உண்டாகிறது என்று புரிந்து கொள்ள வேண்டும். 
    "சர்வேந்திரியானாம் நேத்ரம் ப்ரதானம்' என்பார்கள். அதாவது, நமது உடலில் உள்ள அங்கங்களில் நேத்ரம் (கண்) முக்கியமானது மற்றும் முதலிடம் வகிக்கக் கூடியது என்பது பொருள். கண்ணுக்கு காரகராக முதலில் சூரியபகவானையும் அடுத்தபடியாக, சுக்கிரபகவானையும் ஜோதிட நூல்கள் குறிப்பிடுகின்றன. அவருக்கு லக்னாதிபதியை விட ஆறாமதிபதி சற்று கூடுதல் பலம் பெற்றிருக்கிறார். அதோடு ஆறாம் வீடும் சற்று கூடுதல் பலம் பெறுகிறது. பொதுவாக, எந்த ஒரு கிரகமும் சுயசாரத்தில் இருந்தால் அந்த கிரகம் அதிகமாக வலுவடைகிறது என்று பலமுறை கூறியுள்ளோம். ராகுபகவான் மூன்றாம் வீட்டில் பலம் பெற்றிருந்தாலும் அவர் சூரியபகவானின் சாரத்தில் உள்ளார். சூரியபகவான் ஆறாம் வீட்டுக்கதிபதியாகிறார். அவர் லக்னத்திற்கு விரோதியானாலும் லக்னாதிபதிக்கு நண்பராகிறார். மேலும் ஆறாம் வீட்டை குருபகவான் ஒன்பதாம் பார்வையாகப் பார்வை செய்கிறார். 
    ராகுபகவானின் தசை சுயபுக்தியில் அவருக்கு முதலில் வலது கண்ணில் குறைபாடு ஏற்பட்டு அறுவை சிகிச்சை நடந்தது. பின்பு அந்த கண்ணில் மறுபடியும் குறைபாடு ஏற்பட்டு அறுவை சிகிச்சை செய்யும் காலத்தில் தவறாக நன்றாக இருந்த இடது கண்ணில் அறுவை சிகிச்சை செய்து விட்டார்கள். அது ஆறியவுடன் மறுபடியும் பாதிக்கப்பட்ட வலது கண்ணில் அறுவை சிகிச்சை நடந்து தற்சமயம் வலது கண்ணில் கால்பங்கு பார்வையும் தவறாக அறுவை சிகிச்சை செய்த இடது கண்ணில் முக்கால்பங்கு பார்வையும் உள்ளதாக கூறியுள்ளீர்கள். தற்சமயம், இந்த ஆண்டு இறுதிவரை குருபகவானின் தசையில் சுயபுக்தி நடக்கிறது. அடுத்த ஆண்டு தொடங்கியுவுடன் அவருக்கு வெளிநாடு செல்ல எடுக்கும் முயற்சிகள் பயனளிக்கும். வெளிநாட்டைக் குறிக்கும் ஒன்பதாம் வீடும் பன்னிரண்டாம் வீடும் பலம் பெற்றுள்ளன. அதோடு, சனிபகவான் உச்சம் பெற்று சர ராசியிலும் ஒன்பதாம் வீடு நீர் ராசியாகவும் ஆவதால் உறுதியாக வெளிநாடு செல்லக்கூடிய வாய்ப்புகள் தேடிவரும். அங்கு சென்று கண்ணிற்கு வைத்தியம் செய்து கொள்ளலாம். தாய்க்காரகரான சந்திரபகவான் உச்சம் பெற்றிருந்தாலும் பாக்கியாதிபதியால் பார்க்கப்படுவதாலும் நீங்களும் வெளிநாடு சென்று அவருடன் வசிக்கும் யோகமும் உள்ளது. பிரதி வெள்ளிக்கிழமைகளில் மஹாலட்சுமியையும் சுக்கிரபகவானையும் பிரதி ஞாயிற்றுக்கிழமைகளில் சிவபெருமானையும் சூரியபகவானையும் வழிபட்டு வரவும்.

  • நான் கடன் சுமையால் அதிகம் பாதித்துள்ளேன். எப்போது நிலைமை சீராகும்? தொழிலில் சிறப்பான நிலை எப்போது ஏற்படும்? - வாசகர், சிவகங்கை மாவட்டம்
  • உங்களுக்கு கன்னி லக்னம், கும்ப ராசி. பூர்வபுண்ணியம் மற்றும் 6 ஆம் வீட்டுக்கதிபதியான சனிபகவான் உச்சம் பெற்றிருக்கிறார். லக்னம் மற்றும் தொழில் ஸ்தானாதிபதியான புதபகவான் தொழில் ஸ்தானத்திலேயே ஆட்சி பெற்றிருக்கிறார். மேலும் தொழில் ஸ்தானத்தில் சூரிய, செவ்வாய் பகவான்கள் திக்பலம் பெற்று அமர்ந்திருக்கிறார்கள். தன, வாக்கு ஸ்தானாதிபதியான சுக்கிரபகவான் லாப ஸ்தானத்தில் லக்னாதிபதியின் சாரத்தில் அமர்ந்து நவாம்சத்தில் உச்சம் பெறுகிறார்.மேலும் பாக்கியாதிபதியை குருபகவான் சிறப்பு பார்வையாக பார்வை செய்கிறார். இந்த ஆண்டு செப்டம்பர் மாதத்திற்குப்பிறகு தொடங்கும் லக்னாதிபதியின் தசையில் படிப்படியாக செய்தொழிலில் வளர்ச்சி அடையத் தொடங்கும். 2020 -ஆம் ஆண்டு தொடங்கியவுடன் கடன்கள் அனைத்தும் அடைந்து தொழிலை சிறப்பாக நடத்துவீர்கள். பிரதி புதன் கிழமைகளில் பெருமாளையும் தாயாரையும் வழிபட்டு வரவும்.

  • பி.இ., படித்து வரும் என் பேரனுக்கு கல்வி எவ்வாறு இருக்கும்? அரசுப்பணி அல்லது நல்ல வேலை வாய்ப்பு அமையுமா? - வாசகர், சிவகங்கை
  • உங்கள் பேரனுக்கு மகர லக்னம், தனுசு ராசி. தற்சமயம் விரய ஸ்தானத்தில் அமர்ந்திருக்கும் சுக லாபாதிபதியான செவ்வாய்பகவானின் தசை நடக்கிறது. இந்த ஆண்டு செப்டம்பர் மாதத்திற்குப்பிறகு அவருக்கு படிப்பில் நாட்டம் கூடும். சனிபகவான் லக்னாதிபதியாக இருப்பதால் ஏழரை நாட்டுச்சனியால் பாதிப்பு ஏற்படாது. படித்து முடித்தவுடன் வேலை கிடைத்துவிடும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும். எதிர்காலம் சிறப்பாக அமையும்.

  • என் மகளுக்கு எப்போது திருமணம் நடைபெறும்? மாப்பிள்ளை எத்திசையில் அமைவார்? வேலைவாய்ப்பு எவ்வாறு இருக்கும்? பரிகாரம் எதுவும் செய்ய வேண்டுமா? - வாசகர், கிருஷ்ணகிரி
  • உங்கள் மகளுக்கு துலா லக்னம், ரிஷப ராசி. லக்னாதிபதி பூர்வபுண்ணிய ஸ்தானத்திலும் பூர்வபுண்ணிய ஸ்தானாதிபதி சுக ஸ்தானத்தில் ஆட்சி பெற்றும் பாக்கியாதிபதி தைரிய ஸ்தானத்தில் அமர்ந்து பாக்கிய ஸ்தானத்தைப் பார்வை செய்வதும் சிறப்பாகும். தற்சமயம் லக்ன சுபரான ராகுபகவானின் தசை நடக்கிறது. அவருக்கு அடுத்த ஆண்டு அக்டோபர் மாதத்திற்குள் படித்த நல்ல வேலையில் உள்ள, தென்கிழக்குத் திசையிலுள்ள வரன் அமைவார். உங்கள் மகளுக்கும் உத்தியோகம் பார்க்கும் வாய்ப்பு உள்ளது. பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.

  • என் மகள் நன்றாக சமைப்பாள். பஜனை பாடுவாள். சூது வாது தெரியாது. ஆனாலும் யாருடனும் பேசமாட்டள். மந்த புத்தி உடையவள். என் மனைவி சில வருடங்களுக்கு முன்பு காலமாகிவிட்டார். அதனால் எனக்கு பிறகு இவரை யார் அனுசரித்து நடந்து கொள்வார்கள் என்று கவலையாக உள்ளது. என்ன செய்வது? - வாசகர், கோயம்புத்தூர்
  • உங்கள் மகளுக்கு சிம்ம லக்னம், மகர ராசி. தற்சமயம், அயன ஸ்தானத்தில் வர்கோத்தமத்தில் அமர்ந்திருக்கும் 6 மற்றும் 7 ஆம் வீட்டுக்கதிபதியான சனிபகவானின் தசை நடக்கிறது. பாக்கிய ஸ்தானத்தில் பூர்வபுண்ணிய ஸ்தானாதிபதி அமர்ந்து லக்னம் , 3 ஆம் வீடு மற்றும் 5 ஆம் வீடு ஆகியவைகளை பார்வை செய்கிறார். லக்னத்தை குருபகவான் பார்வை செய்வதால் கௌரவம், அந்தஸ்து ஆகியவற்றுக்கு இறுதிவரை பாதிப்பு ஏற்படாது. அவருக்கு அடுத்த ஆண்டு ஜூன் மாதத்திற்குள் உடல் நலத்தில் எதிர்பார்த்த திருப்பம் ஏற்படும். பிரதி செவ்வாய்க்கிழமைகளில் துர்க்கையையும் முருகப்பெருமானையும் வழிபட்டு வரவும்.

  • எனது மகனுக்கு எப்போது திருமணம் கைகூடும்? என்ன பரிகாரம் செய்ய வேண்டும்? எதிர்காலம் எவ்வாறு இருக்கும்? - வாசகர், மேற்கு தாம்பரம்
  • உங்கள் மகனுக்கு மிதுன லக்னம், மிதுன ராசி. தற்சமயம் பாக்கிய ஸ்தானத்தில் அமர்ந்திருக்கும் லக்ன சுகாதிபதியான புதபகவானின் தசை நடக்கிறது. அவருக்கு அடுத்த ஆண்டு ஜூன் மாதத்திற்குள் தகுதியான பெண் அமைந்து திருமணம் கைகூடும். தொழில் ஸ்தானத்தில் தொழில் ஸ்தானாதிபதி ஆட்சியாக இருப்பதால் செய்தொழிலில் சிறப்பாக முன்னேறி விடுவார். எதிர்காலம் சிறப்பாக அமையும். பரிகாரம் எதுவும் தேவையில்லை. 

  • வெளிநாட்டில் நிரந்தர பணியில் உள்ள என் மகனுக்கு திருமணம் தடைப்பட்டுக்கொண்டிருக்கிறது. தோஷம் உள்ளதா? எப்போது நடைபெறும்? எத்தகைய பெண் அமையும்? - வாசகர், மதுரை
  • உங்கள் மகனுக்கு ரிஷப ராசி, மிதுன லக்னம் என்று வருகிறது. கடக லக்னம் அல்ல. தற்சமயம் தொழில் ஸ்தானத்தில் அமர்ந்திருக்கும் ராகுபகவானின் தசை நடக்கிறது. அவருக்கு இந்த ஆண்டு இறுதிக்குள் படித்த வேலையிலுள்ள பெண் அமைந்து திருமணம் கைகூடும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.

  • என் மனைவியுடன் கருத்துவேறுபாடு ஏற்பட்டதால் நீதிமன்றத்தில் வழக்கு தொடுத்துள்ளனர். இந்த வழக்கு எனக்கு சாதகமாக அமையுமா? எப்போது முடிவுக்கு வரும்? பரிகாரம் ஏதும் செய்ய வேண்டுமா? - வாசகர், சேலம்
  • உங்களுக்கு தனுசு லக்னம், ரிஷப ராசி. தற்சமயம் களத்திர ஸ்தானத்தில் திக் பலம் பெற்று அமர்ந்திருக்கும் சனி பகவானின் தசை நடக்கிறது. குருபகவானும் களத்திர ஸ்தானத்தைப் பார்வை செய்கிறார். அடுத்த ஆண்டு செப்டம்பர் மாதத்திற்குள் வழக்கில் உங்களுக்கு சாதகமான தீர்ப்பு வந்து வழக்கு முடிவுக்கு வரும். பிரதி சனிக்கிழமைகளில் சனிபகவானை வழிபட்டு வரவும்.

  • எனது மகளுக்கு எப்போது திருமணம் நடைபெறும்? இரண்டில் கேது தடையா? எங்கள் இனத்தில் வரன் அமையுமா? - வாசகர், விழுப்புரம்
  • உங்கள் மகளுக்கு மேஷ லக்னம், ரிஷப ராசி. அவருக்கு கேதுபகவான் குடும்ப ஸ்தானத்தில் இருந்தாலும் பாக்கியாதிபதியான குருபகவானால் பார்க்கப்படுகிறார். இதனால் சர்ப்பதோஷம் பெருமளவுக்குக் குறைகிறது. மற்றபடி 
    களத்திர ஸ்தானாதிபதி உச்சம் பெற்று பாக்கியாதிபதியால் பார்க்கப்படுவது சிறப்பு. அவருக்கு அடுத்த ஆண்டு ஜூன் மாதத்திற்குள் படித்த நல்ல வேலையிலுள்ள வரன் அமைந்து திருமணம் கைகூடும். பெற்றோர் நிச்சயித்த திருமணம் கைகூடும். வெளிநாடு சென்று வசிக்கும் வாய்ப்பு உள்ளது.

  • எனது மகனுக்கு முதல் மனைவி விவாகரத்தாகிவிட்டது. மறுமணம் அமையுமா? எப்போது கைகூடும்? எத்திசையில் பெண் அமையும்? - வாசகர், பொள்ளாச்சி
  • உங்கள் மகனுக்கு மிதுன லக்னம், கன்னி ராசி. அவருக்கு தற்சமயம் களத்திர ஸ்தானாதிபதியின் தசையில் லக்னாதிபதியின் புக்தி நடக்கிறது. அவருக்கு அடுத்த ஆண்டு ஆகஸ்ட் மாதத்திற்குள் படித்த பெண் தெற்கு திசையிலிருந்து அமைந்து மறுமணம் கைகூடும். பிரதி வியாழக்கிழமைகளில் குருபகவாûனையும் தட்சிணாமூர்த்தியையும் வழிபட்டு வரவும்.

  • என் மகனுக்கு எப்பொழுது திருமணம் நடைபெறும்? எந்த திசையிலிருந்து பெண் அமைவார்? - வாசகர், குடியாத்தம்
  • உங்கள் மகனுக்கு மீன லக்னம், தனுசு ராசி. புதஆதித்ய யோகம், குருசந்திர யோகம், சந்திர மங்கல யோகம், ஹம்ஸ யோகம், பத்ர யோகம் போன்ற சிறப்பான யோகங்கள் உள்ளன. அஷ்டம ஸ்தானத்தில் லாபாதிபதியான சனிபகவான் உச்சம் பெற்றும் சுக்கிரபகவான் ஆட்சி பெற்றும் இருப்பது சிறப்பு. தற்சமயம் ராகுபகவானின் தசையில் லக்னாதிபதியின் புக்தி நடக்கிறது. அவருக்கு இந்த ஆண்டே படித்த நல்ல வேலையிலுள்ள பெண்(ஒரு சகோதரிவுடன் பிறப்பு) அமைந்து திருமணம் கைகூடும். மற்றபடி உத்தியோகத்தில் சிறப்பான நிலையை எட்டிவிடுவார். பிரதி செவ்வாய்க்கிழமைகளில் துர்க்கையையும் முருகப்பெருமானையும் வழிபட்டு வரவும்.

  • என் மகனுக்கு 35 வயதாகிறது. வாடகை கார் ஓட்டுகிறார். அரசுப்பணி கிடைக்கும் வாய்ப்புண்டா? நிறைய பரிகாரங்கள் செய்துள்ளோம். எப்போது திருமணம் கைகூடும்? படித்து நல்ல வேலையில் உள்ள பெண் அமையுமா? - வாசகர், திருப்பூர்
  • உங்கள் மகனுக்கு கும்ப லக்னம், மிதுன ராசி. களத்திர ஸ்தானாதிபதியான சூரியபகவான் பூர்வபுண்ணிய ஸ்தானத்தில் அமர்ந்திருப்பது சிறப்பு என்றாலும் சுகாதிபதி மற்றும் பூர்வபுண்ணிய ஸ்தானாதிபதிகள் இணைந்திருக்கிறார்கள். மற்றபடி அவருக்கு செவ்வாய் தோஷம் இல்லை. அவருக்கு இந்த ஆண்டு இறுதிக்குள் திருமணம் கைகூடும். மற்றபடி சொந்தமாக வாகனம் வாங்கி ஓட்டும் வாய்ப்பு உள்ளது. தெற்கு திசையிலிருந்து உத்தியோகம் பார்க்கும் பெண் அமைவார். பிரதி ஞாயிற்றுக்கிழமைகளில் சிவபெருமானை வழிபட்டு வரவும்.

  • நான் சனிமகா தசையில் மிகவும் சிரமங்களை அனுபவித்தேன். தற்போது புதன் தசை, சுக்கிர புக்தி நடக்கிறது. எனது திருமணத்திற்குப் பிறகு சொந்த வீடு அமையுமா? அல்லது வீடு அமைந்த பிறகு திருமணம் நடக்குமா? எதிர்காலம் எவ்வாறு இருக்கும்? - வாசகர், திருநாகேஸ்வரம்
  • உங்களுக்கு கும்ப லக்னம், கும்ப ராசி. லக்னாதிபதி பாக்கியாதிபதியுடன் இணைந்திருப்பது சிறப்பு. சந்திர மங்கல யோகம், கஜகேசரி யோகம், குருமங்கல யோகம், புதஆதித்ய யோகம் ஆகிய சிறப்பான யோகங்கள் உள்ளன. தற்சமயம் புதபகவானின் தசையில் சுக்கிரபகவானின் புக்தி நடைபெறுகிறது. இந்த காலகட்டத்திற்குள் செய்தொழிலில் ஓரளவு நிரந்தர தன்மை உண்டாகிவிடும். அடுத்த ஆண்டு இறுதிக்குள் திருமணம் கைகூடும். இந்த காலகட்டத்தில் சொந்தவீடு பாக்கியமும் அமையும். ஜோதிடத்தில் வெற்றிபெற வாய்ப்பு உள்ளது. 

  • என் பேரனின் மேற்படிப்பு, திருமணம், வெளிநாட்டு வேலை வாய்ப்பு ஆகியவை எவ்வாறு அமையும்? - வாசகர், காரைக்குடி 
  • உங்கள் பேரனுக்கு தனுசு லக்னம், மிதுன ராசி. லாப ஸ்தானத்தில் லக்னாதிபதியுடன் தொழில் ஸ்தானாதிபதி, பாக்கியாதிபதி மற்றும் லாபாதிபதிகள் இணைந்து இருக்கிறார்கள். தற்சமயம் குருமஹா தசையில் பிற்பகுதி நடக்கிறது. இந்த ஆண்டு இறுதிக்குள் நிரந்தர உத்தியோகம் அமையும். அடுத்த ஆண்டு இறுதிக்குள் படித்த நல்ல வேலையிலுள்ள பெண் அமைந்து திருமணம் கைகூடும். வெளிநாடு சென்று பொருளீட்டும் யோகமும் உண்டாகும்.

  • என் உறவினர் மகனுக்கு திருமணம் தடைபட்டு வருகிறது. ஜாதகத்தில் ஏதேனும் தோஷங்கள் உள்ளதா? எப்போது திருமணம் கைகூடும்? காணாமல் போன எனது உறவினர் வீடு திரும்புவாரா? - வாசகர், உடுமலை
  • உங்கள் உறவினருக்கு துலா லக்னம், கும்ப ராசி. தற்சமயம் சுக பூர்வபுண்ணிய ஸ்தானாதிபதியின் தசை நடக்கிறது. களத்திர ஸ்தானாதிபதி மறைவு பெற்றிருந்தாலும் லக்ன சுபரால் பார்க்கப்படுகிறார். அவருக்கு புதஆதித்ய யோகம், குருசந்திர யோகம் ஆகிய சிறப்பான யோகங்கள் உள்ளன. இந்த ஆண்டு இறுதிக்குள் சமதோஷமுள்ள பெண் அமைந்து திருமணம் கைகூடும். மற்றபடி அவரின் தந்தை திரும்பி வர வாய்ப்பு குறைவு. பிரதி சனிக்கிழமைகளில் சனிபகவானை வழிபட்டு வரவும்.

  • நடப்பு ராகு தசையில் எனக்கு அதிக தடை ஏற்படுகிறது. குடும்பத்தில் சுகம், தொழில் விருத்தி குறைவு, உடலாரோக்கிய குறைவு ஆகியவை உள்ளது. ராகு தசையின் பிற்பகுதியில் சரியாகுமா? பரிகாரம் ஏதும் செய்ய வேண்டுமா? - வாசகர், கோயம்புத்தூர்
  • உங்களுக்கு ரிஷப லக்னம், மேஷ ராசி. இந்த ஆண்டு மே மாதத்திற்குப்பிறகு ராகு மஹாதசையில் பிற்பகுதி நடக்கத் தொடங்கும். இந்த காலகட்டதில் அஷ்டமச் சனியும் விலகிவிட்டது. இந்த ஆண்டு நடக்க இருக்கும் லக்னாதிபதியின் புக்தியிலிருந்து படிப்படியாக செய்தொழிலில் மேன்மை, குடும்பத்தில் மேன்மை, ஆரோக்கியம் சீர்படுதல் ஆகியவை உண்டாகும். தொடர்ந்துவரும் குருமஹா தசை சிறப்பாக அமையும். அஷ்டம ஸ்தானத்தையும் தொழில் ஸ்தானத்தையும் குருபகவான் பார்வை செய்வது சிறப்பு. லாப ஸ்தானம் வலுவாக உள்ளதால் எதிர்காலம் சீராகவே செல்லும்.

ராசி பலன்கள்

  • அதிகம்
    படிக்கப்பட்டவை
  • அதிகம் இ-மெயில் செய்யப்பட்டவை