முதல்வர் விஜய் ஒரு போலி பெரியாரிஸ்ட்: உதயநிதி ஸ்டாலின் விமர்சனம்!போதைப்பொருள்களுக்கும் வன்கொடுமைகளுக்கும் நடுவேதான் போட்டி: மு.க. ஸ்டாலின்ஃபேஷனுக்காக பெரியாரை கொள்கைத் தலைவராக வைத்துள்ளது தவெக! ஜோசியத்தை நம்பியே ஆட்சி! மு.க. ஸ்டாலின்ஷேக் ஹசீனா கட்சியினருக்கு எதிராக வன்முறை! 30 வீடுகளுக்குத் தீவைப்பு!ஐஐடி மாணவர்களுக்கு இணையான அங்கீகாரம் ஐடிஐ மாணவர்களுக்கு கிடைக்கும்: மோடிகள்ளக்குறிச்சி எம்எல்ஏ விவகாரத்தில் இன்னும் எதற்காக மௌனம் காக்கிறார் முதல்வர்? டிடிவி தினகரன் கேள்வி தங்கம் விலை சரிவு; வணிகர்களை நஷ்டத்தில் இருந்து காப்பாற்றிய பிரதமர் மோடி: பாஜக பெருமிதம்! தவெக ஆட்சியில் டெல்டா விவசாயிகள் கடுமையாகப் பாதிக்கப்பட்டுள்ளனர்: எடப்பாடி பழனிசாமி வானிலை: சென்னையில் நாளை(நவ.23) கனமழைக்கு வாய்ப்பு! பஹ்ரைனில் உள்ள அமெரிக்க தளவாடங்கள் மீது ஈரான் தாக்குதல்!

தேசிய நெடுஞ்சாலை மைல் கல் ஊர் பெயரில் ஹிந்தி மொழி ஏன்?

தமிழகத்தில் உள்ள தேசிய நெடுஞ்சாலையோர மைல் கல்லில் ஊர் பெயரை ஆங்கிலம், தமிழ் ஆகியவற்றுடன் ஹிந்தி மொழியிலும் சேர்த்து எழுத நடவடிக்கை எடுத்தது ஏன்?

Updated On :

தமிழகத்தில் உள்ள தேசிய நெடுஞ்சாலையோர மைல் கல்லில் ஊர் பெயரை ஆங்கிலம், தமிழ் ஆகியவற்றுடன் ஹிந்தி மொழியிலும் சேர்த்து எழுத நடவடிக்கை எடுத்தது ஏன்? என்று மத்திய நெடுஞ்சாலை, சாலை போக்குவரத்துத் துறை இணையமைச்சர் பொன்.ராதாகிருஷ்ணன் விளக்கம் அளித்துள்ளார்.
இது குறித்து அவர் அளித்த விளக்கம் "யூ-டியூப்' சமூக ஊடகம் மூலம் சனிக்கிழமை பதிவேற்றம் செய்யப்பட்டுள்ளது. அதில் ராதாகிருஷ்ணன் பேசியுள்ளது வருமாறு:
தற்போது தமிழகத்தில் உள்ள தேசிய நெடுஞ்சாலைகளில் உள்ள மைல் கல்லில் ஹிந்தி திணிப்பை மத்திய அரசு மேற்கொண்டு வருவதாக திமுக செயல் தலைவர் மு.க.ஸ்டாலின் உள்ளிட்ட சில தலைவர்கள் குற்றம்சாட்டியுள்ளனர். தேசிய நெடுஞ்சாலைகளில் குறிப்பாக தமிழகத்தில் உள்ள சாலைகளில் பிற மாநிலத்தைச் சேர்ந்த வாகன ஓட்டுநர்கள் செல்லும் போது, ஊரின் பெயர்களை அவர்களும் அறிய வசதியாக தமிழ், ஆங்கிலம், ஆகியவற்றுடன் ஹிந்தி மொழியிலும் மைல் கல்லில் ஊர் பெயரை இடம் பெறச் செய்ய வேண்டும் என்ற முடிவு 2004-இல் எடுக்கப்பட்டது.
காங்கிரஸ் தலைமையிலான ஆட்சியில் திமுக அங்கம் வகித்த போது, அக்கட்சியைச் சேர்ந்த டி.ஆர்.பாலு மத்திய சாலைப் போக்குவரத்துத் துறை அமைச்சராக இருந்தார். அப்போது 2004, டிசம்பர் 24; 2006, ஏப்ரல் 12 ஆகிய தேதிகளில் இது தொடர்பான வழிகாட்டுதல்களுக்குரிய முடிவு எடுக்கப்பட்டுள்ளது.
ஆனால், இந்த உண்மையை மறைத்து தற்போதுள்ள பாஜக தலைமையிலான மத்திய அரசுதான் ஹிந்தி திணிப்பில் ஈடுபடுவதாக திமுக குற்றம்சாட்டுவது ஏன்?
ஹிந்தி உள்ளிட்ட எந்த மொழியும் தமிழர்கள் மீது திணிக்கப்படாது என உறுதியாக என்னால் கூற முடியும். எப்போதெல்லாம் திமுக தோல்வியைச் சந்திக்கிறதோ அப்போதெல்லாம் ஜாதி, மதம், மொழி, அரசியலை கையில் எடுத்து பாஜகவை விமர்சிப்பதை வாடிக்கையாகக் கொண்டுள்ளது என்று பொன். ராதாகிருஷ்ணன் கூறியுள்ளார்.

தினமணி செய்திமடலைப் பெற... Newsletter

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.