பஞ்சாங்கம்

திங்கள்கிழமை

20

துர்முகி வருடம் - மாசி மாதம் - 8ம் தேதி

நல்ல நேரம்

காலை 6.30 - 7.30   மாலை 4.30 - 5.30

ராகு காலம்

7.30 - 9.00

எம கண்டம்

10.30 - 12.00

குளிகை

1.30 - 3.00

திதி

நவமி - மாலை மணி 4.57 வரை. பின் தசமி.

நட்சத்திரம்

கேட்டை - இரவு 1.06 மணி வரை. பின் மூலம்.

சந்திராஷ்டமம்

பரணி, கார்த்திகை

இன்றைய ராசிபலன்

மேஷம் - பெருமை
ரிஷபம் - போட்டி
மிதுனம் - உழைப்பு
கடகம் - முயற்சி
சிம்மம் - லாபம்
கன்னி - ஆக்கம்
துலாம் - பாராட்டு
விருச்சிகம் - நன்மை
தனுசு - அன்பு
மகரம் - சினம்
கும்பம் - புகழ்
மீனம் - வெற்றி

யோகம் - சித்த / அமிர்த யோகம்

கரணம் - 9.00 - 10.30

சூலம் - கிழக்கு

பரிகாரம் - தயிர்

விசேஷம் - இன்று சம நோக்கு நாள். திருவைகாவூர் சிவபெருமான் பவனி. இராமநாதபுரம் செட்டித்தெரு அன்னை முத்தாலம்மன் பவனி.

கேள்வி - பதில்
  • எனது பேரன் இப்போது திருமணம் வேண்டாம் என்கிறான். அவரால் வீட்டில் பிரச்னை ஏற்படுகிறது. ஏதாவது பரிகாரம் செய்ய வேண்டுமா? 
    - வாசகி, குடியாத்தம்

  • குடும்ப ஸ்தானத்தில் அசுபக் கிரகங்கள் இணைந்திருப்பது குறை. இதனால் திருமணம் தாமதமாகிறது. மற்றபடி தற்சமயம் பாக்கிய ஸ்தானத்தில் அமர்ந்திருக்கும் ராகுபகவானின் தசையில் களத்திர ஸ்தானத்தில் உள்ள பாக்கியாதிபதியின் புக்தி நடப்பதால் அடுத்த ஆண்டு ஜூன் மாதத்திற்குள் படித்த பெண் அமைந்து திருமணம் கைகூடும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.
     

  • அரசாங்க வேலை எப்பொழுது கிடைக்கும்? கடன் பிரச்னைகள் எப்போது தீரும்?
    - சுரேஷ்பாபு, திண்டுக்கல்

  • தொழில் ஸ்தானாதிபதி தர்மாதிபதியுமாகி தர்மகர்மாதிபதி யோகத்தைப் பெற்று நீச்சமடைந்து அந்த வீட்டுக்கதிபதியான செவ்வாய்பகவானுடன் பரிவர்த்தனை அடைந்து இருப்பதால் நீச்சபங்க ராஜயோகத்தைப் பெற்றிருக்கிறார். அதனால் உங்களுக்கு அடுத்த ஆண்டு மார்ச் மாதத்திற்குள் அரசு அல்லது அரசு சம்பந்தப்பட்ட வேலை கிடைக்கும். அந்த காலத்திற்குப்பிறகு கடன் பிரச்னைகள் தீர்ந்துவிடும். எதிர்காலம் சிறப்பாக அமையும்.

  • நான் சிறு வயதிலிருந்து உடல் மற்றும் மன அளவில் பல துன்பங்களை சந்தித்து, சந்தித்து நொந்துவிட்டேன். நான் எதிர்பார்க்கும் அரசு வேலை கிடைக்குமா? அதற்கான முயற்சியும் தீவிரப்படுத்தியுள்ளேன்?
    - வாசகர், திருச்செங்கோடு

  • உங்களுக்கு தற்சமயம் தொழில் ஸ்தானாதிபதியின் தசை நடக்கிறது. லக்னத்தில் அரசு கிரகமான சூரியபகவான் நீச்சம் பெற்றிருந்தாலும் வர்கோத்தமத்தில் இருப்பதால் அரசு உத்தியோகம் இன்னும் ஒன்றரை ஆண்டுக்குள் கிடைக்கும். எதிர்காலம் சிறப்பாக அமையும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.

  • என் மகனுக்கு திருமணம் எப்போது கைகூடும்? எந்த திசையிலிருந்து பெண் அமையும்? 
    - பிச்சுமணி, சென்னை

  • களத்திர ஸ்தானாதிபதி குடும்ப ஸ்தானத்தில் பாக்கியாதிபதியுடன் இணைந்து இருப்பது சிறப்பு. இந்த ஆண்டு அக்டோபர் மாதத்திலிருந்து லக்னத்தில் அமர்ந்து இருக்கும் தொழில் ஸ்தானாதிபதியின் தசை நடக்கத் தொடங்க உள்ளதால் இந்த ஆண்டு தகுதியான பெண் அமைந்து திருமணம் கைகூடும். கிழக்கு திசையிலிருந்து பெண் அமைவார். பிரதி செவ்வாய்க்கிழமைகளில் துர்க்கையை வழிபட்டு வரவும்.

  • என் மகனுக்கு திருமணம் தள்ளிப்போய்க்கொண்டே இருக்கிறது. எப்போது திருமணம் நடைபெறும்? 
    - சக்திவேல் முருகன், சங்கரன்கோவில்

  • உங்கள் மகனுக்கு களத்திர ஸ்தானாதிபதி தன் ராசிக்கு பன்னிரண்டாம் வீட்டில் மறைவு பெற்று இருப்பது குறை. அதேநேரம் லக்னாதிபதி களத்திர ஸ்தானாதிபதி அமர்ந்து இருப்பது சிறப்பு. தற்சமயம் குடும்ப ஸ்தானாதிபதியின் தசையில் ராகுபகவானின் புக்தி இந்த ஆண்டு இறுதிவரை நடக்க இருப்பதால் இந்த ஆண்டே சமதோஷமுள்ள பெண் அமைந்து திருமணம் கைகூடும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும். 

  • தற்போது ஆயுள் பாவம் எவ்வாறு உள்ளது? வெளிநாடு செல்வது எனக்கு பொருத்தமாக இருக்குமா? 
    - முத்துராமன், சென்னை

  • லக்னாதிபதியான சனிபகவான் களத்திர ஸ்தானத்தில் திக்பலம் பெற்று அங்கு ஆட்சி பெற்றுள்ள களத்திர ஸ்தானாதிபதியுடன் இணைந்து இருப்பதால் தீர்க்காயுள் உண்டு. இந்த ஆண்டு மார்ச் மாதத்திற்குப்பிறகு வெளிநாடு சென்று வசிக்கும் முயற்சிகள் வெற்றி பெறும்.

  • எனது மகள் பி.டெக்., எம்.இ., படித்துள்ளார். வங்கித் தேர்வில் வெற்றி பெற்றுள்ளார். வேலை எப்போது கிடைக்கும்? எப்போது திருமணம் நடைபெறும்? மாப்பிள்ளை என்ன வேலை மற்றும் எந்த திசையிலிருந்து வருவார்?
    - பொன்னம்பலம், அறந்தாங்கி

  • லக்னாதிபதி செவ்வாய்பகவானாகி பூர்வபுண்ணியாதிபதியுடன் களத்திர ஸ்தானத்தில் இணைந்திருப்பது சிறப்பு. தற்சமயம் தொழில் ஸ்தானத்தில் அமர்ந்திருக்கும் பாக்கியாதிபதியின் தசை நடக்கிறது. களத்திர ஸ்தானாதிபதி தன் ராசிக்கு மறைவு பெற்றிருப்பதால் திருமணம் தாமதமாகிறது. மற்றபடி அவருக்கு இந்த ஆண்டு இறுதிக்குள் படித்த நல்ல உத்தியோகத்திலுள்ள வரன் தெற்கு திசையிலிருந்து அமைந்து திருமணம் கைகூடும். மற்றபடி அவருக்கு அரசு உத்தியோகம் கிடைக்கும். 

  • எனது மகளுக்கு 34 வயதாகிறது. இன்னும் திருமணம் ஆகவில்லை. எப்போது திருமணம் கைகூடும்? எந்த திசையில் மாப்பிள்ளை அமையும்? 
    - நாகராஜன், மயிலாடுதுறை

  • உங்கள் மகளுக்கு லக்னாதிபதி லக்னத்திலேயே ஆட்சி பெற்று இருக்கிறார். களத்திர ஸ்தானாதிபதி குடும்ப ஸ்தானத்தில் பூர்வபுண்ணியாதிபதி மற்றும் தொழில் ஸ்தானாதிபதிகளுடன் இணைந்து இருக்கிறார். தற்சமயம் களத்திர ஸ்தானாதிபதியின் புக்தி இந்த ஆண்டு செப்டம்பர் மாதம் வரையில் நடக்கிறபடியால் இந்த ஆண்டே தகுதியான வரன் அமைந்து திருமணம் கைகூடும். மேற்கு திசையிலிருந்து வரன் அமைவார். மணவாழ்க்கை சிறப்பாக அமையும்.

  • எனக்கு திருமணமாகி ஐந்து ஆண்டுகள் ஆகின்றன. என் மனைவிக்கும் எனக்கும் கருத்து வேறுபாடு உள்ளது. எங்களுக்கு குழந்தையும் இல்லை. வாழ்க்கையில் முன்னேறுவேனா?  குழந்தைபாக்கியம் கிடைக்குமா?
    - வாசகர், சேலம்

  • உங்கள் இருவரின் ஜாதகங்களின்படி உங்களுக்கு இந்த ஆண்டு இறுதிக்குள் வாரிசு உண்டாகும். இருவருக்கும் பாக்கிய ஸ்தானம் வலுவாக உள்ளதால் எதிர்காலம், குடும்ப வாழ்க்கை, சிறப்பாக அமையும். 2018 ஆம் ஆண்டுக்குப்பிறகு தனியார் துறையில் சிறப்பான வளர்ச்சியைக் காண்பீர்கள். உங்களுக்கு பஞ்சமஹா புருஷ யோகங்களில் ஒன்றான பத்ர யோகமும் புத ஆதித்ய யோகமும் குருசந்திர யோகமும் நீச்சபங்க ராஜயோகமும் உள்ளதால் 
    வலுவான ஜாதகமாக அமைகிறது. 

  • என் கணவர் உடல் சுகமில்லாமல் இருக்கிறார். மனதிற்குள் பயமாக இருக்கிறது என்கிறார். என் மகனுக்கு வெளிநாடு செல்லும் வாய்ப்பு உண்டா? குழந்தைபாக்கியம் எப்போது உண்டாகும்? 
    - வாசகி, திருச்சி

  • உங்கள் மகனுக்கு தொழில் ஸ்தானாதிபதி பூர்வபுண்ணிய ஸ்தானத்தில் ஆட்சி பெற்று இருக்கிறார். மேலும் தொழில் ஸ்தானத்தில் ராகுபகவான் அமர்ந்து தற்சமயம் தசையை நடத்துகிறார். அவருக்கு அடுத்த ஆண்டு அக்டோபர் மாதத்திற்குப்பிறகு வெளிநாடு சென்று வேலை செய்யும் பாக்கியம் உண்டாகும். இந்த காலகட்டத்திற்குள் மழலை பாக்கியம் உண்டாகும். அவசரப்பட்டு வேலையை விடக்கூடாது. மற்றபடி உங்கள் கணவருக்கு இந்த ஆண்டு மார்ச் மாதத்திற்குப்பிறகு உடல்நலமும் மனநலமும் சீராகி விடும். பிரதி ஞாயிற்றுக்கிழமைகளில் சிவபெருமானை வழிபட்டு வரவும்.

  • நீண்ட நாள்களாக தள்ளிப்போகும் என் மகனின் திருமணம் எப்போது நடைபெறும்? நிறைய பரிகாரங்கள் செய்து விட்டோம். எதிர்காலம் எப்படி இருக்கும்?
    - வாசகி, சென்னை

  • களத்திர ஸ்தானாதிபதி விரோதம் பெற்ற கிரகத்துடன் இணைந்து இருப்பதால் திருமணம் தாமதமாகிறது. மற்றபடி பூர்வபுண்ணிய புத்திர ஸ்தானாதிபதியான குருபகவான் லாபஸ்தானத்தில் அமர்ந்து தன் ஆட்சி வீட்டைப் பார்வை செய்வதால் திருமண பாக்கியம் உண்டாகும். மேலும் தர்மகர்மாதிபதிகள் தொழில் ஸ்தானத்தில் இணைந்திருப்பதும் ஜாதகத்திற்கு வலுவூட்டுகிறது. அவருக்கு தற்சமயம் ராகுபகவானின் தசையில் பூர்வபுண்ணியாதிபதியான குருபகவானின் புக்தி நடப்பதால் இந்த ஆண்டு சமதோஷமுள்ள படித்த பெண் அமைந்து திருமணம் கைகூடும். எதிர்காலம் வளமாக அமையும்.

  • எனக்கு அரசுப்பணி கிடைக்க வாய்ப்புள்ளதா? பொருளாதார முன்னேற்றம், ஆரோக்கியம், எதிர்காலம் எவ்வாறு இருக்கும்? குழந்தைகளின் எதிர்காலம், கணவரின் ஆரோக்கியம் எப்படி இருக்கும்?
    - வாசகி, பி.என். பாளையம்

  • பூர்வபுண்ணியாதிபதியும் பாக்கியாதிபதியும் லாப ஸ்தானத்தில் இணைந்து பூர்வபுண்ணிய ஸ்தானத்தைப் பார்ப்பது சிறப்பு. குருமங்கள யோகம், சிவராஜ யோகம், குருசந்திர யோகம் போன்ற சிறப்பான யோகங்கள் உள்ளதால் தற்சமயம் குருபகவானின் பார்வையில் உள்ள சனிபகவானின் தசை நடப்பதால் இன்னும் ஒன்றரை ஆண்டுக்குள் அரசு உத்தியோகம் கிடைக்கும். பொருளாதாரத்தில் படிப்படியான வளர்ச்சி உண்டாகும். புத்திர ஸ்தானாதிபதி புத்திர காரகருடன் இணைந்து இருப்பதால் குழந்தைகள் சிறப்பான வளர்ச்சியைக் காண்பீர்கள். உங்கள் கணவருக்கும் எதிர்காலம் வளமாக அமையும். பிரதி செவ்வாய்க்கிழமைகளில் துர்க்கையை வழிபட்டு வரவும். 

  • என் மகளுக்கு எப்போது திருமணம் கைகூடும்? பரிகாரம் எதுவும் செய்ய வேண்டுமா? நல்ல வரன் கிடைக்குமா? எந்த திசையில் வரன் அமையும்? அரசு வேலை கிடைக்குமா? 
    - வாசகர், ஆத்தூர்

  • களத்திர ஸ்தானாதிபதி களத்திர ஸ்தானத்தில் ஆட்சி பெற்று பாக்கியாதிபதியான குருபகவானால் பார்க்கப் படுகிறார். அவருக்கு இந்த ஆண்டு ஜூன் மாதத்திற்குப்பிறகு மேற்கு திசையிலிருந்து வரன் அமைந்து திருமணம் கைகூடும். அரசு உத்தியோகமும் கிடைக்கும். பிரதி தினமும் விநாயகப் பெருமானை வழிபட்டு வரவும். 

  • எனக்கு திருமணமாகி மூன்று வருடங்கள் ஆகின்றன. என் மனைவிக்கு ஒரு கிட்னி எடுக்கும் சூழல் உருவாகி அகற்றப்பட்டது. எங்களுக்கு குழந்தைப்பேறில்லை. ஆனால் நாங்கள் சந்தோஷமாகவே இருக்கிறோம். குழந்தைப்பேறு கிட்டுமா? 
    - விஜயநாராயணகுமார், தூத்துக்குடி 

  • உங்கள் ஜாதகத்தில் புத்திர ஸ்தானாதிபதி புத்திர ஸ்தானத்தில் உச்சம் பெற்று இருக்கிறார். இந்த ஆண்டு செப்டம்பர் மாதத்திற்குப்பிறகு ஒன்றரை ஆண்டுக்குள் புத்திரபாக்கியம் உண்டாகும். முடிந்தால் ஒருமுறை ராமேஸ்வரம் சென்று வழிபட்டு வரவும். தினமும் முருகப்பெருமானை வழிபடவும்.

  • எனக்கு அரசு உத்தியோகம் கிடைக்குமா? என் முதல் தங்கைக்கு எப்பொழுது குழந்தை பிறக்கும்? இரண்டாம் தங்கைக்கு எப்போது திருமணமாகும்? எங்கள் குடும்பத்தின் எதிர்காலம் எவ்வாறு அமையும்?
    - ஸ்ரீதர், திருச்சுழி

  • உங்களுக்கு மிதுன லக்னம், உத்திராடம் நட்சத்திரம், மகர ராசி. லக்னத்தில் பூர்வபுண்ணிய ஸ்தானாதிபதியும் லக்னம் மற்றும் சுகஸ்தானாதிபதியான புதபகவான் கேந்திராதிபத்ய தோஷம் நீங்கப்பெற்று மூன்றாம் வீட்டில் ஆட்சி பெற்ற சூரியபகவானுடனும் கேது பகவானுடனும் இணைந்து இருக்கிறார். பாக்கியாதிபதியான சனிபகவான் ஏழாம் வீட்டில் திக் பலம் பெற்று அமர்ந்து இருக்கிறார். குடும்பாதிபதி அஷ்டம ஸ்தானத்தில் அமர்ந்து பன்னிரண்டாம் வீட்டில் கேந்திராதிபத்ய தோஷம் நீங்கப் பெற்ற குருபகவானால் பார்க்கப்படுகிறார். ஆறு மற்றும் லாபாதிபதியான செவ்வாய்பகவான் தொழில் ஸ்தானத்தில் திக்பலம் பெற்று இருக்கிறார். தற்சமயம் பாக்கிய ஸ்தானத்தில் அமர்ந்து இருக்கும் ராகுபகவானின் தசை நடப்பதால் தனியார் துறையில் நிரந்தர உத்தியோகம் அமையும். படிப்படியான வளர்ச்சி அடைந்து விடுவீர்கள். இளைய சகோதர ஸ்தானத்தில் சூரியபகவான் ஆட்சி பெற்று இருப்பதாலும் சகோதர காரகரான செவ்வாய்பகவான் லக்னாதிபதியின் சாரத்தில் திக்பலம் பெற்று அமர்ந்து இருப்பதால் உடன் பிறந்தோருக்கும் பெற்றோருக்கும் ஆதரவாக இருப்பீர்கள். உங்கள் முதல் தங்கைக்கு இந்த ஆண்டே குழந்தைபாக்கியம் உண்டாகும். 
    உங்கள் இரண்டாம் தங்கைக்கு தனுசு லக்னம், உத்திரட்டாதி நட்சத்திரம், மீன ராசி. லக்னாதிபதி பாக்கிய ஸ்தானத்தில் அமர்ந்திருக்கிறார். களத்திர, தொழில் ஸ்தானாதிபதியான புதபகவான் பாக்கியாதிபதியான சூரியபகவானுடன் (தர்மகர்மாதிபதி யோகம்) பூர்வபுண்ணியாதிபதியான செவ்வாய்பகவான் மற்றும் லக்னத்தில் இணைந்திருக்கிறார்கள். இது ஒரு வலுவான சேர்க்கையாகும். அதோடு இவர்களை பாக்கிய ஸ்தானத்திலிருந்து குருபகவான் பார்வை செய்வது சிறப்பு. அவருக்கு தற்சமயம் கேதுபகவானின் தசையில் குருபகவானின் புக்தி இந்த ஆகஸ்ட் மாதம் வரை நடக்கும். கேதுபகவானின் தசை இன்னும் இரண்டரை ஆண்டுகள் நடக்கும். இந்த காலகட்டத்திற்குள் படித்த நல்ல உத்தியோகத்தில் உள்ள வரன் அமைந்து திருமணம் கைகூடும். பிரதி செவ்வாய்க்கிழமைகளில் துர்க்கையையும் முருகப்பெருமானையும் வழிபட்டு வரவும்.

  • எனக்கு தற்சமயம் ராகு தசையில் கேது புக்தி நடைபெறுகின்றது. ராகு தசை மாரக தசை என்று படித்திருக்கிறேன். ராகு தசையில் எந்த புக்தியில் எனக்கு மாரகம்  சம்பவிக்கும்? குடும்ப ஜோதிடம் என்ற நூலில் கன்யா லக்ன நபர்களுக்கு 77 ஆம் வயதில் ஏற்படும் என குறிப்பிட்டுள்ளது. இன்னொரு நூலில் சுபர் பார்வை இருந்தால் மற்றும் 2,5,8,11 ஆம் அதிபதிகள் வலுத்திருந்தால் தீர்க்காயுள் என எழுதப்பட்டுள்ளது. எனவே, எந்த தசையில் எந்த புக்தியில் மரணம் சம்பவிக்கும் என தெரிவிக்குமாறு கேட்டுக்கொள்கிறேன்.
    - பழனி, திருவண்ணாமலை

  • உங்களுக்கு கன்னி லக்னம், விருச்சிக ராசி, கேட்டை நட்சத்திரம் 4 ஆம் பாதம். பிறப்பில் புதமகா தசையில் இருப்பு 1 வருடம், 6மாதங்கள், 11 நாள்கள் என்று வருகிறது. லக்னம் மற்றும் தொழில் ஸ்தானாதிபதியான புதபகவான் ருணம் (கடன்), ரோகம் (வியாதி), சத்ரு (விரோதி) ஸ்தானமான ஆறாம் வீட்டில் வர்கோத்தமத்தில் (ராசியிலும் நவாம்சத்திலும் ஒரே ராசியில் அமரும் நிலை) அமர்ந்து இருக்கிறார். இதிலிருந்து லக்னாதிபதி பலம் பெற்று இருக்கிறார் என்று கூறவேண்டும். அதோடு அவர் சுபக்கிரகமாகி கேந்திர ராசிகளுக்கும் அதிபதியாகி மறைவு பெற்றிருப்பதால் கேந்திராதிபத்ய தோஷமும் நீங்கி விடுகிறது. 
    பூர்வபுண்ணியம் மற்றும் ஆறாம் வீட்டிற்கும் அதிபதியான இரண்டாவது திரிகோணாதிபதியான சனிபகவான் தனம், வாக்கு, குடும்ப ஸ்தானமான துலாம் ராசியில் உச்சம் பெற்று அமர்ந்து நவாம்சத்தில் தன் மூலத்திரிகோண ராசியான கும்ப ராசியை அடைகிறார். அதனால் பூர்வபுண்ய ஸ்தானாதிபதி ராசியிலும் நவாம்சத்திலும் சிறப்பான சுப பலத்துடன் இருக்கிறார் என்று கூற முடிகிறது. தனம், வாக்கு, குடும்பம் மற்றும் பாக்கியாதிபதியான சுக்கிரபகவான் களத்திர, நட்பு ஸ்தானத்தில் உச்சம் பெற்று நவாம்சத்தில் கும்ப ராசியில் இணைந்திருப்பது குறிப்பிடத்தக்கது.
     தைரிய (மூன்று) அஷ்டமாதிபதியான செவ்வாய்பகவான் தைரிய ஸ்தானத்தில் ஆட்சி பெற்று நவாம்சத்தில் மீன ராசியை அடைகிறார். சுக (நான்கு) களத்திர, நட்பு ஸ்தானாதிபதியான குருபகவான் பாக்கிய ஸ்தானமான ஒன்பதாமிடத்தில் அமர்ந்து நவாம்சத்தில் தன் நட்பு வீடான சிம்ம ராசியை அடைகிறார். லாபாதிபதியான சந்திரபகவான் தைரிய ஸ்தானத்தில் நீச்சம் பெற்று அமர்ந்து நவாம்சத்தில் மீன ராசியை அடைகிறார். மேலும் சந்திரபகவான் விருச்சிக ராசியில் ஆட்சி பெற்றுள்ள செவ்வாய்பகவானுடன் இணைந்து இருப்பதால் நீச்சபங்க ராஜயோகத்தைப் பெறுகிறார். 
    அயன (பன்னிரண்டு) ஸ்தானாதிபதியான சூரியபகவான் களத்திர, நட்பு ஸ்தானத்தில் அமர்ந்து நவாம்சத்தில் நீச்சம் அடைகிறார். களத்திர ஸ்தானத்தில் சுக்கிரபகவான் உச்சம் பெற்று இருப்பதால் மாளவிகா யோகம், சந்திர கேந்திரத்தில் செவ்வாய்பகவான் ஆட்சி பெற்று இருப்பதால் ருசக யோகம் ஆகிய இரண்டு பஞ்சமஹா புருஷ யோகங்கள் உண்டாகின்றன. சந்திர மங்கள யோகமும், கஜகேசரி யோகம், குருமங்கள யோகம் ஆகிய சிறப்பான யோகங்கள் உண்டாகின்றன. தற்சமயம் நான்காம் வீடான கேந்திர ராசியில் அமர்ந்து தசையை நடத்துகிறார். அசுபக் கிரகங்களுக்கு கேந்திர ராசியில் பலம் அதிகம் என்பதை அனைவரும் அறிந்ததே. 
    ஆயுள் நிர்ணயம் பற்றி பல கிரந்தங்களில் பலவிதமாக கொடுக்கப்பட்டிருக்கிறது. ஆயுள் ஸ்தானம் என்று எட்டாம் வீட்டையும் ஆயுள் காரகராக சனிபகவானையும் கூறியுள்ளார்கள் "பாவாத் பாவம்' என்கிற அடிப்படையில் எட்டாம் வீட்டுக்கு எட்டாம் வீடான மூன்றாம் வீட்டையும் பார்க்க வேண்டும். மேலும் மரணத்திற்கு ஏழாம் வீடும் பன்னிரண்டாம் வீடும் அந்த வீட்டுக்கதிபதிகளும் காரணமாகிறார்கள். அதோடு ஆயுள் முடியும் காலத்திற்கும் ஏழாம் வீட்டோனின் தசை புக்திக்கும் தொடர்பு உண்டு என்றும் பல இடங்களில் குறிப்பிடப் பட்டுள்ளது. 
    உங்களுக்கு ஏழாம் வீட்டில் உச்சம் பெற்ற சுக்கிரபகவான் அமர்ந்து லக்னத்தைப் பார்வை செய்கிறார். பொதுவாக, சுபக்கிரகங்கள் லக்னமான உயர் ஸ்தானத்தைப் பார்வை செய்வதால் ஆயுள் பாவம் புஷ்டியாகும். ஆயுள் காரகரான சனிபகவான் உச்சம் ஆயுள் ஸ்தானாதிபதியான செவ்வாய் பகவான் ஆயுள் ஸ்தானத்திற்கு எட்டாம் வீட்டில் ஆட்சி பெற்று அமர்ந்து இருக்கிறார். ஆயுளைப் பற்றி ஜெயமினி சூத்திரத்தில் கீழ்க்கண்டவாறு கொடுக்கப்பட்டுள்ளது. 
    லக்னாதிபதி மற்றும் எட்டாமதிபதி இருவரும் சர ராசியில் இருந்தால் பூர்ணாயுள்; லக்னாதிபதி சர ராசி, எட்டாமதிபதி உபய ராசியில் இருந்தால் மத்திமாயுள்; லக்னாதிபதி சர ராசி, எட்டாமதிபதி ஸ்திர ராசியில் இருந்தால் மத்திமாயுள்; லக்னாதிபதி ஸ்திர ராசியிலும் எட்டாமதிபதி ஸ்திர ராசியில் இருந்தால் ஆயுள் குறைவு; லக்னாதிபதி லக்னத்திலோ அல்லது லக்னத்தைப் பார்த்தாலோ பூர்ணாயுள்; லக்னாதிபதி ஸ்திர ராசியிலும் எட்டாமதிபதி உபய ராசியிலும் இருந்தால் தீர்க்காயுள்; லக்னாதிபதி உபய ராசி, எட்டாமதிபதி ஸ்திர ராசியிலும் இருந்தால் பூர்ணாயுள் என்றும் கூறப்பட்டுள்ளது.
    ஜாதக பாரிஜாதம் என்கிற நூலில் லக்னாதிபதியும் எட்டாமதிபதியும் கேந்திரம் அல்லது திரிகோண ராசியில் இருந்தாலும் சுபக்கிரகத்தால் பார்க்கப்படினும் தீர்க்காயுள் என்று கூறப்பட்டுள்ளது. மேலும் எட்டாமதிபதி உச்சம், எட்டாமதிபதி சுபக்கிரகச் சேர்க்கை, எட்டாமதிபதி அதன் சொந்த வீட்டில் இருந்தாலும் கேந்திரம் அல்லது திரிகோணத்தில் இருப்பினும் நீண்ட ஆயுள் என்றும் கூறப்பட்டுள்ளது. இவர்களை அசுபக் கிரகங்கள் பார்வைசெய்வது பலம் குறைவு என்றும் கூறப்பட்டுள்ளது.
    உங்களுக்குக்கு ஆயுள் காரகர் உச்சம், செவ்வாய்பகவான் ஆட்சி, அதனால் தீர்க்காயுள் என்றும் கூறவேண்டும். ஏழாம் தசையாக ராகுபகவானின் தசை நடந்தாலும் அது துயர் தரும் தசையல்ல என்றும் புரிந்து கொள்ள வேண்டும். மேலும் குருபகவான் முழுச்சுபராகி லக்னத்தைப் பார்வை செய்வதால் உங்களுக்கு தீர்க்காயுள் என்று கூறலாம். 
    84 ஆண்டுகளுக்கு மேல் ஆயுள் உண்டு என்றும் கூறலாம். அதேசமயம் ஆயுள் பற்றிய பலரின் ஆராய்ச்சிகள் சரியாக வரவில்லை என்றும் கூறிக்கொள்கிறோம். அதனால் இதைப்பற்றி பெரிதாக நினைத்து எவரும் கவலைப்பட வேண்டாம் என்றும் கூறிக்கொள்ள விரும்புகிறோம். ஆயுள் பரமேஸ்வரனின் கையில் உள்ளது. அதை மனிதர்களால் அறிந்து கொள்ள முடியாது. மேலும் அதைப்பற்றிய முயற்சிகளும் வீணானது மற்றும் தேவையற்றது என்றும் உங்கள் மூலம் அனைவருக்கும் கூறிக்கொள்கிறோம். 
    பல ஜோதிடர்களும் தங்கள் ஆயுளைப் பற்றி பகிரங்கமாக வெளியிட்ட காலங்களும் சரியாக வரவில்லை. ஏன் அவர்கள் குறிப்பிட்ட காலத்திற்குப்பிறகு பல ஆண்டுகள் உயிர் வாழ்ந்தார்கள் என்றும் பார்த்தோம். உங்கள் அமைதியான இறுதிக்காலத்திற்காக பிரதி தினமும் சிவபெருமானை வழிபட்டு வரவும். முடிந்தவரை "நமசிவாய' என்கிற ஐந்தெழுத்தை ஜபித்து வரவும்.


     

ராசி பலன்கள்

  • அதிகம்
    படிக்கப்பட்டவை
  • அதிகம் இ-மெயில் செய்யப்பட்டவை