பஞ்சாங்கம்

வியாழக்கிழமை

17

ஹேவிளம்பி வருடம், ஆவணி 1-ம் தேதி

நல்ல நேரம்

காலை 10.30 - 11.30   மாலை 4.30 - 5.30

ராகு காலம்

1.30 - 3.00

எம கண்டம்

6.00 - 7.30

குளிகை

9.00 - 10.30

திதி

தசமி

நட்சத்திரம்

மிருகசிரீஷம்

சந்திராஷ்டமம்

விசாகம், அனுஷம்

இன்றைய ராசிபலன்

மேஷம் - மறதி
ரிஷபம் - உதவி
மிதுனம் - நிறைவு
கடகம் - தடங்கல்
சிம்மம் - தாமதம்
கன்னி - பிரமை
துலாம் - தடை
விருச்சிகம் - நன்மை
தனுசு - தேர்ச்சி
மகரம் - ஆக்கம்
கும்பம் - ஓய்வு
மீனம் - நம்பிக்கை

யோகம்: மரண யோகம்

சூலம்: தெற்கு

பரிகாரம்: தைலம்

விசேஷம்: விஷ்ணுபதி புண்ய காலம். திருப்பதி ஏழுமலையப்பன் புஷ்பாங்கி சேவை. சுவாமிமலை ஸ்ரீ முருகப்பெருமான் தங்கக்கவசம் வைரவேல் தரிசனம். பிள்ளையார்பட்டி உற்ஸவாரம்பம். 

கேள்வி - பதில்
  • எனக்கு ஏற்பட்ட நோய்கள் எப்போது தீரும்? என்ன தொழில் செய்யலாம்? எப்போது செய்யலாம்? 
    - ரவிச்சந்திரன், ஆதம்பாக்கம்

  • உங்களுக்கு புத ஆதித்ய யோகம் பூர்வபுண்ணிய ஸ்தானத்தில் உண்டாகி உள்ளது. இதில் புதபகவான் ஆட்சி, உச்சம், மூலத்திரிகோணம் பெற்றிருக்கிறார். லக்னாதிபதியும் தர்மகர்மாதிபதியும் சமசப்தம பார்வை செய்து கொள்கிறார்கள். தற்சமயம் தர்மகர்மாதிபதியின் தசையில் இறுதிப்பகுதி நடக்கிறது. இந்த ஆண்டு அக்டோபர் மாதத்திலிருந்து உங்கள் வாழ்க்கையில் முன்னேற்றம் ஏற்படும். உங்கள் உடல் உபாதைகளும் தீரத்தொடங்கும். சொந்த தொழில் செய்ய வேண்டாம். பிரதி செவ்வாய்க்கிழமைகளில் முருகப் பெருமானையும் வழிபட்டு வரச்சொல்லவும்.

  • சட்டம் படித்துள்ள நான் கடந்த 21 வருடங்களாக தனியார் நிறுவனத்தில் மூத்த சட்ட மேலாளராக பணிபுரிந்து வருகிறேன். இனி வேலையை விட்டு தனியாக வக்கீல் தொழில் துவங்கலாமா? 
    - விஸ்வநாதன், சென்னை

  • உங்களுக்கு மகர லக்னம், கடக ராசி. லக்னாதிபதி லக்னத்திலேயே ஆட்சி பெற்று சச மஹா யோகத்தைக் கொடுக்கிறார். புத ஆதித்ய யோகம், நீச்சபங்க ராஜயோகம், சந்திரமங்கள யோகம் , சிவராஜ யோகம் போன்ற சிறப்பான யோகங்கள் உள்ளன. தற்சமயம் சூரியமஹாதசை நடக்கிறது. இன்னும் இரண்டாண்டுகளுக்குப்பிறகு அதாவது சூரிய மஹா தசையில் பிற்பகுதியில் வக்கீல் தொழில் செய்யத் தொடங்கலாம். வெற்றி பெற வாய்ப்புகள் அதிகம். பிரதி ஞாயிற்றுக்கிழமைகளில் சிவபெருமானை வழிபட்டு வரவும்.

  • எங்கள் மாப்பிள்ளைக்கு கடந்த இரண்டு வருடங்களாகவே உத்தியோகத்தில் சிரமம். அடிக்கடி இடமாற்றம் சிக்கல்கள் உள்ளன. சம்பளம் சரிவர கிடைப்பதில்லை. இந்த சிரமங்கள் எப்போது நீங்கும்? அல்லது நல்ல வேலை எப்போது கிடைக்கும்? 
    - வாசகர், மதுரை

  • உங்கள் மருமகனுக்கு தனுசு லக்னம், கன்னி ராசி. தர்மகர்மாதிபதி யோகம் அயன ஸ்தானத்தில் ஏற்படுகிறது. பூர்வபுண்ணிய புத்திர ஸ்தானாதிபதியான செவ்வாய்பகவான் மிதுன ராசியில் அமர்ந்து அந்த வீட்டுக்கதிபதியான புதபகவானுடன் பரிவர்த்தனை பெற்றுள்ளார். அதாவது ஐந்தாமதிபதியும் பத்தாமதிபதியும் பரிவர்த்தனை பெற்றிருப்பது சிறப்பு என்று கூறலாம். புதாதிபத்ய யோகம், கஜகேசரி யோகம், ஹம்சயோகம், குருமங்கள யோகம் ஆகிய சிறப்பான யோகங்கள் உள்ளன. மேலும் தற்சமயம் குருபகவானின் தசையில் புதபகவானின் புக்தி இந்த ஆண்டு ஜூன் மாதத்திலிருந்து நடக்கிறது. இந்த ஆண்டு செப்டம்பர் மாதத்திற்குப்பிறகு அவருக்கு தெற்கு திசையை நோக்கி மாற்றம் கிடைக்கும். வெளிநாடு சென்று பொருளீட்டும் யோகமும் உண்டு. பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரச் சொல்லவும்.

  • ஐ.டி. துறையில் வேலை பார்க்கும் என் மகனுக்கு எப்போது திருமணம் நடைபெறும்? தொழில் எவ்வாறு இருக்கும்? 
    - வாசகர், நாகப்பட்டினம்

  • லக்னாதிபதி குடும்ப ஸ்தானத்திலும் பாக்கியாதிபதி ஆறாம் வீட்டிலும் ஆட்சி பெற்றிருப்பது சிறப்பு. களத்திர ஸ்தானாதிபதி அசுபக் கிரகத்துடன் இணைந்திருந்தாலும் அவர்கள் இருவருக்கும் லக்ன ஆதிபத்யம் சுபமாக உண்டாகியுள்ளதால் இந்த ஆண்டு இறுதிக்குள் தகுதியான பெண் அமைந்து திருமணம் கைகூடும். தொழில் ஸ்தானமும் ஸ்தானாதிபதியும் வலுவாக உள்ளதால் வேலையில் நல்ல நிலையை எட்டி விடுவார். எதிர்காலம் சிறப்பாக 
    அமையும்.

  • எனது மகனின் எதிர்காலம் எவ்வாறு உள்ளது? அரசு உத்தியோகம் அமையுமா? குழந்தை பாக்கியம் உள்ளதா? சொந்த வீடு அமையுமா? உடல் நலம், வாழ்க்கை 
    முன்னேற்றம் எப்படி இருக்கும்?  

    - வாசகர், மடிப்பாக்கம்

  • உங்களுக்கு தனுசு லக்னம், மிதுன ராசி. தற்சமயம் களத்திர, நட்பு மற்றும் தொழில் ஸ்தானாதிபதியின் தசையில் பிற்பகுதி நடக்கத் தொடங்கியுள்ளது. இந்த ஆண்டு அக்டோபர் மாதத்திலிருந்து வாழ்க்கைத்தரம் பொருளாதார வளம் உயரத்தொடங்கும். உங்களுக்கு பூர்வபுண்ணிய ஸ்தானத்தில் பாக்கியாதிபதி உச்சமடைந்து லக்னாதிபதியுடன் இணைந்திருப்பதால் சிவராஜ யோகம் உண்டாகிறது. மேலும் இவர்களுடன் லாபாதிபதியும் இணைந்திருக்கிறார். உங்கள் மகனுக்கு கும்ப லக்னம், கேட்டை நட்சத்திரம், விருச்சிக ராசி. தற்சமயம் புதமஹா தசையில் சுக்கிரபுக்தி இன்னும் இரண்டாண்டுகளுக்குள் நடக்கும். இந்த காலக்கட்டத்திற்குள் உங்களின் தொழிலில் நல்ல வளர்ச்சியைக் காண்பீர்கள். தர்மகர்மாதிபதிகள் லக்ன கேந்திரத்தைப் பார்வை செய்வதால் எதிர்காலம் சிறப்பாக அமையும். இன்னும் இரண்டாண்டுகளுக்குள் சொந்தவீடு பாக்கியம் உண்டு.

  • எங்கள் வீட்டில் எப்போதும் ஏதோ ஒரு பிரச்னை இருந்துக்கொண்டை இருக்கிறது. என் பெரிய பெண் திருமணமாகி குழந்தை இருக்கிறது. கணவருடன் வாழமுடியாமல் இங்கு இருக்கிறார். மூத்த மகன் திருமணமாகியும் நல்ல நிலையில் இல்லாமல் பின்னர் விபத்தில் அகால மரணமடைந்துவிட்டார். மூன்றாவது மகனுக்கு சரியான வரன் அமையாமல் உள்ளது.  எப்போது திருமணம் கைகூடும்? நான் குடியிருக்கும் சொந்த வீட்டை  மாற்றும்படி கூறுகிறார்கள். என்ன செய்வது? 
    - வாசகர், திருப்பூர்

  • உங்களுக்கு மகர லக்னம். கும்ப லக்னம் அல்ல. தற்சமயம் குருமஹா தசையில் கேது புக்தி இந்த ஆண்டு இறுதிவரை நடக்கும். அதற்குப்பிறகு தொடங்கும் சுக்கிர புக்தி மூன்று வருடம் நடக்கும். இந்த காலகட்டத்திற்குள் உங்கள் குடும்பத்தில் அனைத்து பிரச்னைகளும் தீர்ந்து நிம்மதி பூத்துக்குலுங்கும். அடுத்த ஆண்டு உங்களின் மூன்றாவது மகனுக்கு திருமணம் கைகூடும். மற்றபடி குடியிருக்கும் வீட்டை மாற்ற வேண்டாம். பிரதி வியாழக்கிழமைகளில் குரு பகவானையும் தட்சிணாமூர்த்தியையும் வழிபட்டு வரவும். 

  • என் கணவர் சொந்தமாக தொழில் செய்கிறார். இப்போது அதில் சரியான வருமானம் இல்லை. இருவருமே அடிக்கடி நோயினால் வருந்துகிறோம். ஒரு பெண் குழந்தை உள்ளது.  அரசு தேர்வுக்காக படித்து வருகிறேன். அரசு வேலை கிடைக்குமா? அல்லது நானும் என் கணவருடன் சேர்ந்து புதிய தொழில் செய்யலாமா? 
    - வாசகி, வேலூர்

  • உங்களுக்கு தற்சமயம் உச்சம் பெற்ற பூர்வபுண்ணிய ஸ்தானாதிபதியின் தசை நடக்கிறது. அதனால் அரசு வேலை இன்னும் இரண்டாண்டுகளுக்குள் கிடைக்கும். தீவிரமாக பயிற்சி செய்யவும். உங்கள் மகளின் மகனின் ஜாதகப்படி இந்த ஆண்டு டிசம்பர் மாதத்திற்குப்பிறகு முன்னேற்றம் உண்டாகும். அதனால் சொந்த ஊரிலேயே இருந்து தொழில் செய்யலாம். எதிர்காலம் சிறப்பாக அமையும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.

  • என் மகள்  +1 படிக்கிறார். கல்லூரியில் எந்த படிப்பு படிக்க வைக்கலாம்? எதிர்காலம் எவ்வாறு இருக்கும்? வேலை பார்க்கும் யோகம் உண்டா? மேலும் மகளுக்கு வரன் பார்க்கும் போது ஜாதகத்தை மாற்றிக் கொடுக்கும்படியாக கூறுகிறார்கள். இது தவறில்லையா?
    - வாசகி

  • உங்கள் மகளுக்கு துலாம் லக்னம், மூலம் நட்சத்திரம். லக்னாதிபதி ஆறாம் வீட்டில் உச்சம் பெற்று அங்கு நீச்சமடைந்த பாக்கியாதிபதியான புதபகவானுக்கு நீச்சபங்க ராஜயோகத்தைக் கொடுக்கிறார். சந்திரபகவான் தொழில் ஸ்தானாதிபதியாகி தனம், வாக்கு, குடும்பம் மற்றும் களத்திர ஸ்தானாதிபதியான செவ்வாய்பகவானுடன் இணைந்து இருக்கிறார். இதனால் சந்திரமங்கள யோகம் உண்டாகிறது. மேலும் தற்சமயம் லக்னம் மற்றும் அஷ்டமாதிபதியான சுக்கிரபகவானின் தசை நடக்கிறது. இது அவரின் 23 வயது வரை நடக்கும். இந்த காலகட்டத்திற்குள் படித்த நல்ல உத்தியோகத்திலுள்ள வரன் தெற்கு திசையிலிருந்து அமைந்து திருமணம் கைகூடும். மூலம் நட்சத்திரம் என்பதால் ஜாதகத்தை மாற்றிக்கொடுக்க வேண்டும் என்று உங்கள் ஊரில் கூறினார்கள் என்பது ஜோதிட சாஸ்திரத்திற்கு விரோதம். மற்றபடிஅவரின் எதிர்காலம் சிறப்பாக அமையும். காமர்ஸ் படிப்பு ஏற்றது. பிரதி புதன் மற்றும் வெள்ளிக்கிழமைகளில் பெருமாளையும் தாயாரையும் வழிபட்டு வரவும்.

  • எனது இரண்டாவது மகனுக்கு நிலையான வேலை அமையவில்லை. அவனது திருமணம் பற்றியும் முடிவெடுக்க முடியவில்லை. வேலை மற்றும் திருமணம்  எவ்வாறு அமையும்?
    - மல்லிகா, கோயம்புத்தூர்

  • உங்கள் மகனுக்கு கன்னி லக்னம், சிம்ம ராசி. இந்த ஆண்டு மார்ச் மாதத்திலிருந்து அவருக்கு பூர்வபுண்ணியாதிபதியின் புக்தி (லாபாதிபதியின் தசையில்) நடக்கத் தொடங்கியுள்ளதால் இந்த ஆண்டு இறுதிக்குள் நிரந்தர உத்தியோகம் கிடைத்துவிடும். களத்திர ஸ்தானாதிபதி சுப பலத்துடன் பாக்கிய ஸ்தானத்தில் இருப்பதால் படித்த நல்ல உத்தியோகத்திலுள்ள பெண் அடுத்த ஆண்டு இறுதிக்குள் அமைந்து திருமணமும் கைகூடும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.

  • எம்.இ., படித்திருக்கும் என் மகனின் எதிர்காலம், வேலை வாய்ப்பு, திருமணம் எவ்வாறு அமையும்?
    - வாசகர், சென்னிமலை

  • உங்கள் மகனுக்கு கடக லக்னம், சிம்ம ராசி. குடும்பாதிபதி ஆட்சி பெற்று லக்னாதிபதி மற்றும் பூர்வபுண்ணியாதிபதி, தொழில் ஸ்தானாதிபதியுடன் இணைந்திருக்கிறார். கல்விக்காரகரும் உச்சம் பெற்று லாபாதிபதியான சுக்கிரபகவானுக்கு நீச்சபங்க ராஜயோகத்தைத் தருகிறார். குருபகவான் ராகுபகவானைப் பார்ப்பதால் சர்ப்ப தோஷமும் குறைகிறது. மேலும் தற்சமயம் பூர்வபுண்ணியாதிபதியின் தசை நடக்கிறது. அவருக்கு அடுத்த ஆண்டு இறுதிக்குள் நல்ல உத்தியோகம், திருமணம் ஆகிய இரண்டும் கைகூடும். எதிர்காலம் சிறப்பாக அமையும்.

  • கடந்த மூன்று ஆண்டுகளாகவே உடல் நலக்குறைவும் அதனால் அதிக செலவு மற்றும் கடனும் ஏற்பட்டுள்ளது. எனக்கு கடன் கொடுத்த எனது நெருங்கிய நண்பரும் கஷ்டத்தில் உள்ளார். கடன் எப்போது தீரும்? 
    - சந்திரசேகர், கோயம்புத்தூர்

  • உங்களுக்கு விருச்சிக லக்னம், விருச்சிக ராசி என்று வருகிறது. தற்சமயம் ராகுபகவானின் தசையில் ஏழாம் அதிபதியின் புக்தி நடப்பது குறை. இது 2019 ஆம் ஆண்டு பிப்ரவரி மாதம் வரையில் நடக்கும். இந்த காலகட்டம் வரை உங்கள் உடல் ஆரோக்கியத்தில் சிறிது பாதிப்பு ஏற்படும். மற்றபடி வருமானம் ஓரளவுக்கு நல்ல முறையில் வந்து கொண்டிருக்கும். பிரதி செவ்வாய்க்கிழமைகளில் துர்க்கையையும் முருகப்பெருமானையும் வழிபட்டு வரவும்.

  • என் மகளுக்கு செவ்வாய் தோஷம் உள்ளதா? எப்போது திருமணம் கைகூடும்?
    - வாசகி, ராஜகீழ்பாக்கம்

  • உங்கள் மகளுக்கு மேஷ லக்னம், மகர ராசி. லக்னாதிபதியான செவ்வாய்பகவான் குடும்ப ஸ்தானத்தில் இருந்தாலும் லக்னஅதிபதியாக ஆவதால் செவ்வாய் தோஷம் இல்லை. சுகாதிபதி பத்தாம் வீட்டில் பத்தாமதிபதியுடன் இணைந்து சுக ஸ்தானத்தைப் பார்வை செய்கிறார். தற்சமயம் பாக்கிய ஸ்தானத்தில் அமர்ந்திருக்கும் ராகுபகவானின் தசையில் தொழில் ஸ்தானாதிபதியான சனிபகவானின் புக்தி நடக்கிறது. ராகுபகவானை குருபகவான் பார்வை செய்வதும் சிறப்பு. இதனால் ராகுபகவானின் தசையில் அனைத்து யோக பாக்கியங்களும் கூடும். அவருக்கு அடுத்த ஆண்டு இறுதிக்குள் சமதோஷமுள்ள வரன் அமைந்து திருமணம் கைகூடும். களத்திர ஸ்தானாதிபதி பூர்வபுண்ணிய ஸ்தானத்தில் இருந்தாலும் தன் பரஸ்பரம் விரோதம் பெற்ற கிரகத்துடன் இணைந்திருப்பதால் பிரதிவெள்ளிக்கிழமைகளில் மகாலட்சுமியை வழிபட்டு வரவும். மற்றபடி எதிர்காலம் சிறப்பாக அமையும்.

  • சிவபெருமானை வழிபடுக எனக்கு அரசு வேலை கிடைக்குமா? 
    - வாசகர், பவானிசாகர்

  • உங்களுக்கு கடக லக்னம், மேஷ ராசி, அஸ்வினி நட்சத்திரம். பூர்வபுண்ணிய, தொழில் ஸ்தானாதிபதி ஏழாம் வீட்டில் உச்சம் பெற்றிருக்கிறார். இதனால் ருசக யோகம் உண்டாகிறது. குருபகவான் அஷ்டம ஸ்தானத்தில் சுயசாரத்தில் அமர்ந்து சுக ஸ்தானத்தில் அமர்ந்திருக்கும் நீச்சபங்க ராஜயோகம் பெற்ற குடும்பாதிபதியான சூரியபகவானையும் புதபகவானையும் ஆட்சி பெற்ற சுக்கிரபகவானையும் பார்வை செய்கிறார். அதோடு லக்னாதிபதியும் இந்த மூன்று கிரகங்களையும் பார்வை செய்கிறார். உங்களுக்கு பௌர்ணமி யோகம், புதஆதித்ய யோகம், மாளவிகா யோகம்,  நீச்சபங்க ராஜயோகம், சிவராஜ யோகம் ஆகிய சிறப்பான யோகங்கள் உள்ளன. மேலும் தற்சமயம் குடும்பாதிபதியான சூரியபகவானின் தசையில் பிற்பகுதி நடப்பதால் இன்னும் இரண்டாண்டுகளுக்குள் அரசு அல்லது அரசு சார்ந்த துறைகளில் (வங்கி காப்பீடு துறைகளிலும்) வேலை கிடைக்கும். பிரதி ஞாயிற்றுக்கிழமைகளில் சிவபெருமானை வழிபட்டு வரவும்.

  • என் பேரனுக்கு  சரியாகப் பேச்சு வரவில்லை. எப்பொழுது பேச்சுவரும்?  பாலாரிஷ்ட தோஷம் என்றால் என்ன? 
    - வாசகி

  • உங்கள் பேரனுக்கு துலா லக்னம், மேஷ ராசி, கிருத்திகை நட்சத்திரம். லக்னம் மற்றும் எட்டாம் வீட்டிற்கும் அதிபதியான சுக்கிரபகவான் ஒன்பதாம் வீடான பாக்கிய ஸ்தானத்தில் ராகுபகவானின் சாரத்தில் (திருவாதிரை நட்சத்திரம்) அமர்ந்து நவாம்சத்தில் மகர ராசியை அடைகிறார். லக்னாதிபதி திரிகோண ராசிகளில் இருப்பது சிறப்பு. அதிலும் அவர் உச்ச திரிகோணமான ஒன்பதாம் வீட்டில் இருந்தால் கடுகளவு உழைப்பில் மலையளவு வருமானம் கிடைக்கும் என்று கூறலாம். அதிர்ஷ்டகரமான வாய்ப்புகளும் தானாகவே தேடிவரும். லக்னாதிபதி உயிர் ஸ்தானாதிபதியாவதால் அவரின் சிறப்பான பலம் அனைவருக்கும் அவசியமானதாகும். அதனால் ஜாதகர் மற்றவர்களை மிஞ்சக்கூடிய அளவுக்கு திறமைகளை வளர்த்துக் கொள்வார் என்றால் மிகையாகாது. சுக பூர்வபுண்ணிய ஸ்தானாதிபதியான சனிபகவான் லக்னத்தில் ராகுபகவானின் சாரத்தில் (சுவாதி நட்சத்திரம்) உச்சம் பெற்று நவாம்சத்தில் தன் ஆட்சி வீடான மகர ராசியை அடைகிறார். ஒன்பதாம் அதிபதியான பாக்கியாதிபதி மற்றும் அயன ஸ்தானாதிபதியான புதபகவான் பாக்கிய ஸ்தானத்தில் ராகுபகவானின் சாரத்தில் (திருவாதிரை நட்சத்திரம்) அமர்ந்து நவாம்சத்தில் கும்ப ராசியை அடைகிறார். தனம், வாக்கு, குடும்பம் மற்றும் களத்திர, நட்பு ஸ்தானாதிபதியுமான செவ்வாய்பகவான் சந்திரபகவானின் சாரத்தில் (ரோகிணி நட்சத்திரம்) அமர்ந்து நவாம்சத்தில் தன் ஆட்சி வீடான மேஷ ராசியை அடைகிறார். தைரிய மற்றும் ஆறாமதிபதியான குருபகவான் பாக்கிய ஸ்தானமான ஒன்பதாம் வீட்டில் செவ்வாய்பகவானின் சாரத்தில் (மிருகசீரிஷ நட்சத்திரம்) அமர்ந்து நவாம்சத்தில் துலாம் ராசியை அடைகிறார். பத்தாமதிபதியான கர்மாதிபதியுமான சந்திரபகவான் மேஷ ராசியில் சூரியபகவானின் சாரத்தில் (கிருத்திகை நட்சத்திரம்) அமர்ந்து நவாம்சத்தில் தனுசு ராசியை அடைகிறார். லாப ஸ்தானமான பதினொன்றாமதிபதியான சூரியபகவான் அஷ்டம ஸ்தானமான எட்டாம் வீட்டில் சந்திரபகவானின் சாரத்தில் (ரோகிணி நட்சத்திரம்) அமர்ந்து நவாம்சத்தில் கடகராசியை அடைகிறார். ராகுபகவான் லக்னத்தில் குருபகவானின் சாரத்தில் (விசாக நட்சத்திரம்) அமர்ந்து நவாம்சத்தில் மேஷ ராசியை அடைகிறார். கேதுபகவான் களத்திர, நட்பு ஸ்தானத்தில் சுக்கிரபகவானின் சாரத்தில் (பரணி நட்சத்திரம்) அமர்ந்து நவாம்சத்தில் துலாம் ராசியை அடைகிறார்.
    ஒருவர் ஜாதகத்தில் லக்னத்திற்கு அடுத்தபடியாக பூர்வபுண்ணியம் உள்ளதா என்று பார்க்க வேண்டும். அவருக்கு பூர்வபுண்ணியாதிபதி லக்னத்தில் உச்சம் பெற்று குருபகவானால் பார்க்கப்படுகிறார். இதனால் பஞ்சமஹா புருஷ யோகங்களில் ஒன்றான சசமஹா யோகம் உண்டாகிறது. இதனால் பூர்வபுண்ணியம் முழுமையாக உள்ளது. லக்னாதிபதி ஆட்சி பெற்ற பாக்கியாதிபதியுடன் பாக்கிய ஸ்தானத்தில் இருப்பது லட்சுமி யோகமாகும். பேச்சு என்பது இரண்டாம் வீடான வாக்கு ஸ்தானத்தைக் கொண்டு அறியப்படுகிறது. மேலும் பேச்சுக்குரிய கிரகம் அறிவுக்கு காரணமான புதபகவானாவார். புதபகவான் சுப பலம் பெற்றிருக்கிறார். வாக்கு ஸ்தானாதிபதியான செவ்வாய்பகவான் எட்டாம் வீட்டில் கர்மாதிபதியான சந்திரபகவானின் சாரத்தில் அமர்ந்து தன் ஆட்சி வீடான வாக்கு ஸ்தானத்தைப் பார்வை செய்கிறார்.  நவாம்சத்திலும் அவர் தன் மூலத்திரிகோண ராசியை அடைகிறார். மேலும் அவருடன் லாபாதிபதியான சூரியபகவானும் சந்திரபகவானின் சாரத்தில் இணைந்திருக்கிறார்.
    சர லக்னங்களுக்கு பதினொன்றாம் வீடான லாப ஸ்தானம் பாதக ஸ்தானமாகும். பாதக ஸ்தானாதிபதியான சூரியபகவான் எட்டாம் வீட்டில் மறைவு பெறுவதால் பாதகாதிபத்யம் நீங்கி விடுகிறது. சூரியபகவானுக்கு சாரமளித்த சந்திரபகவான் பத்தாம் வீட்டிற்கு அதிபதியாகிறார்.
    சூரியபகவான் கர்ம ஸ்தானத்திற்கு லாப ஸ்தானத்தில் அதாவது பாதக ஸ்தானத்தில் (கடகம் சர ராசியாகும்) அமர்ந்து தசையை நடத்துகிறார். நிரந்தர வியாதி ஏற்படுமா என்பதை எட்டாம் வீட்டை வைத்து பார்க்க வேண்டும். எட்டாம் வீடு பெரியதாக பாதிப்படையவில்லை என்று கூற வேண்டும். சூரிய, செவ்வாய் பகவான்கள் எங்கு சேர்ந்திருந்தாலும் தோஷம் என்பது பொது வாக்காகும். அவர்கள் இருவரும் அசுப ஆதிபத்யங்கள் நீங்கி நலம் செய்யும் நிலையில் இருக்கிறார்கள். மேலும் எட்டாம் வீட்டோன் பல நிலைகளிலும் அசுப பலம் பெற்றிருந்தால்தான் நிரந்தர வியாதி அல்லது பாதிப்பு ஏற்படும். லக்னாதிபதி ஆறாம் வீட்டு ஆதிபத்யம் பெற்றிருந்தால் (ரிஷப, விருச்சிக லக்னங்களுக்கு) ஆறாமாதிபத்யத்தை விட லக்ன ஆதிபத்யம்தான் சிறப்பு என்றும்; அதேபோல் லக்னாதிபதி எட்டாம் வீட்டு ஆதிபத்யம் பெற்றிருந்தால் (மேஷம், துலாம் லக்னங்களுக்கு) எட்டாமாதிபத்யத்தை விட லக்ன ஆதிபத்யம் சிறப்புறும்  என்றும் கூற வேண்டும்.
    மூன்று ஆறாமதிபதியான குருபகவான் லக்னத்திற்கு அசுபர் என்கிற நிலையில் இருந்தாலும் அவரைவிட லக்னாதிபதி கூடுதல் பலம் பெற்று சிறப்பாக அமர்ந்திருக்கிறார். மேலும் அசுப ஸ்தானங்களான 3,6,8,12 மற்றும் சுப ஸ்தானங்களான 1,4,7,9,10 ஆகிய எந்த வீட்டுக்கும் பாபகர்த்தாரி யோகம் ஏற்படவில்லை. பாபகர்த்தாரி யோகம் சுப ஸ்தானங்களுக்கு ஏற்பட்டால் சுபம் குறையும் என்றும்; அசுப ஸ்தானங்களுக்கு ஏற்பட்டால் அசுபம் கூடும் என்றும் கூற வேண்டும். பாப கர்த்தாரி யோகம் என்பது ஒரு பாவத்திற்கு 2,12 ஆம் வீடுகளின் அசுப கிரங்கள் ஒன்றோ அதற்கு மேற்பட்டோ இணைந்திருப்பதாகும். இதில், ராகு/ கேது பகவான்கள் 12 ஆம் வீட்டில் இருந்தாலும் பாப கர்த்தாரி யோகத்தால் பாதிப்பு ஏற்படாது. ஏனெனில் அவர்கள்அப்பிரதட்சணமாக அதாவது பின்னோக்கி பதினொன்றாம் வீட்டை நோக்கி பயணிப்பார்கள் என்பதால் தான் என்றும் புரிந்து கொள்ள வேண்டும். அரிஷ்ட யோகம் என்றால் லக்னாதிபதி 6,8,12 ஆம் அதிபதிகள் எவரோடும் இணைந்தோ அல்லது பார்க்கப்பட்டாலோ ஏற்படும். குழந்தைகளுக்கு எட்டு வயது வரை பாலாரிஷ்டம் பார்க்க வேண்டும் என்பார்கள். அவருக்கு லக்னாதிபதியே எட்டாமதிபதியாகி, ஆறு, பன்னிரண்டாமதிபதிகளுடன் இணைந்திருப்பதால் கூறியிருப்பார்கள் என்று நினைக்கிறோம். இந்த கிரகங்களில் புத, சுக்கிர பகவான்களுக்கு திரிகோணாதிபத்யம் ஏற்பட்டு விடுவதால் பாலாரிஷ்டம் ஏற்படாது. இந்த  ஆண்டு செப்டம்பர் மாதம் வரையில் புதபகவானின் புக்தியும்; அடுத்த ஆண்டு இறுதிவரை சுக்கிரபகவானின் புக்தியும் நடந்து சூரியமஹா தசை முடிவுற்று விடும். அதனால் இந்த ஆண்டு அவருக்கு பேச்சு முழுமையாக வரத்தொடங்கிவிடும். ஐந்து வயது வரை பேச்சு வராமல் திருச்செந்தூர் முருகப்பெருமானின் அருளால் பேசும் ஆற்றல் பெற்ற குமரகுருபரர் இயற்றிய கந்தர்கலி வெண்பா மற்றும் மீனாட்சியம்மைப் பிள்ளை தமிழ் ஆகியவைகளை படித்துவரவும்.

ராசி பலன்கள்

  • அதிகம்
    படிக்கப்பட்டவை
  • அதிகம் இ-மெயில் செய்யப்பட்டவை