சென்னையில் புகையிலைப் பொருள்களை விற்பனை செய்ததாக 4 பேரை போலீஸார் கைது செய்தனர். சென்னை ஓட்டேரி செல்லப்பா தெருவில் புகையிலை பாக்கெட்டுகளை விற்பனை செய்ததாக குயப்பேட்டை படவேட்டம்மன் கோயில் தெருவைச் சேர்ந்த ஜெயராமன் (53) சனிக்கிழமை கைது செய்யப்பட்டார்.
வியாசர்பாடியில் போதைப் பொருளான மாவா விற்பனை செய்த அதே பகுதியைச் சேர்ந்த சுந்தரி (49), ஜஹாங்கீர் (50), கொடுங்கையூர் ரமேஷ் (38) ஆகியோரை போலீஸார் கைது செய்தனர். அவர்களிடமிருந்து புகையிலைப் பாக்கெட்டுகள், ஒரு கிலோ மாவா ஆகியவை பறிமுதல் செய்யப்பட்டன.