சாரணர் இயக்கத்தின் தலைவர் தேர்தலில் வெற்றி பெற்ற மணிக்கு திமுக செயல் தலைவர் மு.க.ஸ்டாலின் வாழ்த்துக் கூறியுள்ளார்.
இதுதொடர்பாக சனிக்கிழமை அவர் வெளியிட்ட வாழ்த்துச் செய்தி: தமிழ்நாடு பாரத சாரண -சாரணியர் இயக்கத்தின் தலைவர் பொறுப்புக்கு, பெருவாரியான வாக்குகள் வித்தியாசத்தில் தேர்வாகியுள்ள மணிக்கு வாழ்த்துகள். அதிகார பலத்தை மீறி, தொண்டுணர்வு பெற்றுள்ள இந்த வெற்றி, மாணவ சமுதாயத்தின் எதிர்கால வளர்ச்சிக்கு துணை நிற்கட்டும் என்று ஸ்டாலின் தமது வாழ்த்து செய்தியில் தெரிவித்துள்ளார்.