திருவண்ணாமலை தீபத் திருவிழாவுக்காக வேலூர் மாவட்டத்தில் இருந்து 160 சிறப்புப் பேருந்துகள் இயக்கப்பட உள்ளன.
இதுகுறித்து தமிழ்நாடு அரசுப் போக்குவரத்துக் கழக வேலூர் கோட்ட மேலாண்மை இயக்குநர் ரமேஷ் செவ்வாய்க்கிழமை வெளியிட்ட செய்திக் குறிப்பு:
திருவண்ணாமலை அண்ணாமலையார் கோயிலில் கார்த்திகை தீப திருவிழா வரும் டிசம்பர் 2}ஆம் தேதி நடைபெற உள்ளது. இதில் கலந்து கொள்வதற்கு வேலூர் மாவட்டத்தில் இருந்து பக்தர்கள் சென்று வர ஏதுவாக டிசம்பர் 1 முதல் 3}ஆம் தேதி வரை வேலூரில் இருந்து கூடுதலாக 100 பேருந்துகளும், திருப்பத்தூர், ஆற்காட்டில் இருந்து தலா 30 பேருந்துகள் இயக்கப்பட உள்ளன.
இதுதவிர, அதிக எண்ணிக்கையில் பக்தர்கள் செல்லும் பட்சத்தில் இன்னும் கூடுதலாக பேருந்துகள் இயக்க திட்டமிடப்பட்டிருப்பதாக அதில் தெரிவிக்கப்பட்டுள்ளது.