அம்பேத்கரின் பிறந்த நாளையொட்டி, திருவண்ணாமலை மாவட்டத்தின் பல்வேறு பகுதிகளில் உள்ள அவரது சிலைக்கு அதிமுக, திமுக உள்ளிட்ட பல்வேறு கட்சியினர் சனிக்கிழமை மாலை அணிவித்து, மரியாதை செலுத்தினர்.
திருவண்ணாமலை தெற்கு மாவட்ட திமுக சார்பில், திருவண்ணாமலையில் உள்ள அம்பேத்கர் சிலைக்கு மாலை அணிவித்து, மரியாதை செலுத்தப்பட்டது. நிகழ்ச்சிக்கு நகரச் செயலர் ப.கார்த்திவேல்மாறன் தலைமை வகித்தார். மாவட்ட துணை அமைப்பாளர்கள் ஏ.கே.ரத்தினகுமார், அ.மோகன்ராஜ், நகர அமைப்பாளர் பி.கிருஷ்ணமூர்த்தி ஆகியோர் முன்னிலை வகித்தனர்.
திமுக உயர்நிலை செயல்திட்டக்குழு உறுப்பினரும், எம்எல்ஏவுமான எ.வ.வேலு சிறப்பு அழைப்பாளராகக் கலந்து கொண்டு, அம்பேத்கர் சிலைக்கு மாலை அணிவித்து, மரியாதை செலுத்தினார்.
நிகழ்ச்சியில், திமுக மாவட்ட துணைச் செயலர் சாவல்பூண்டி மா.சுந்தரேசன், தலைமைச் செயற்குழு உறுப்பினர் இரா.ஸ்ரீதரன், மாவட்ட இளைஞரணி அமைப்பாளர் சி.என்.அண்ணாதுரை, மருத்துவர் எ.வ.வே.கம்பன், நகராட்சி குழுத் தலைவர் குட்டி க.புகழேந்தி, வழக்குரைஞர் அ.அருள்குமரன், அனைத்து அமைப்புசாரா தொழில் சங்கங்களின் மாவட்டத் தலைவர் ஏ.ஏ.ஆறுமுகம் உள்பட பலர் கலந்து கொண்டனர்.
அதிமுக சார்பில்...: திருவண்ணாமலை தெற்கு மாவட்ட அதிமுக சார்பில் நடைபெற்ற நிகழ்ச்சிக்கு நகரச் செயலர் ஜெ.செல்வம் தலைமை வகித்தார். தெற்கு மாவட்டச் செயலர் பெருமாள் நகர் கே.ராஜன் சிறப்பு அழைப்பாளராகக் கலந்து கொண்டு அம்பேத்கர் சிலைக்கு மாலை அணிவித்து, மரியாதை செலுத்தினர்.
மற்ற கட்சியினர்..: இதேபோல, அமமுக சார்பில் தெற்கு மாவட்டச் செயலர் எஸ்.ஆர்.தருமலிங்கம், பாஜக சார்பில் மாவட்டத் தலைவர் எஸ்.நேரு, காங்கிரஸ் சார்பில் நகரத் தலைவர் என்.வெற்றிச்செல்வன், மதிமுக சார்பில் தலைமைச் செயற்குழு உறுப்பினர் சீனி.கார்த்திகேயன், விடுதலைச் சிறுத்தைகள் கட்சி சார்பில் மாவட்டச் செயலர் பி.கே.அம்பேத்வளவன், அருந்ததி மக்கள் கட்சி சார்பில் மாநில நிதிச் செயலர் ஆர்.சத்தியமூர்த்தி ஆகியோர் அம்பேத்கர் சிலைக்கு மாலை அணிவித்து, மரியாதை செலுத்தினர்.
ஆரணி
அதிமுக: ஆரணி அதிமுக சார்பில் மாவட்டப் பிரதிநிதி ஏ.இ.சண்முகம், அம்பேத்கர் சிலைக்கு மாலை அணிவித்தார். இதில், நகரச் செயலர் அசோக்குமார், ஒன்றியச் செயலர் பி.ஆர்.ஜி.சேகர், நகர நிர்வாகி பாரிபாபு, முன்னாள் ஒன்றியக்குழுத் தலைவர் அ.கோவிந்தராசன், முன்னாள் எம்எல்ஏ ஜெமினி ராமச்சந்திரன், ஆ.பெ.வெங்கடேசன், மாமண்டூர் சுப்பிரமணி உள்ளிட்ட பலர் கலந்து கொண்டனர்.
திமுக: திமுக சார்பில் மாவட்டப் பிரதிநிதி ஆ.சி.ஆரோன் தலைமையில், வடக்கு மாவட்டச் செயலர் ஆர்.சிவானந்தம், அம்பேத்கர் சிலைக்கு மாலை அணிவித்தார். உடன், முன்னாள் எம்எல்ஏ தயாநிதி, ஒன்றியச் செயலர்கள் தட்சிணாமூர்த்தி, அன்பழகன், சுந்தர், இலக்கிய அணி மாவட்டச் செயலர் விண்ணமங்கலம் ரவி, மாவட்டப் பிரதிநிதி கே.டி.ராஜேந்திரன், நகர நிர்வாகிகள் ஆர்.தயாளன், பாலமுருகன் உள்ளிட்ட பலர் கலந்து கொண்டனர்.
காங்கிரஸ்: காங்கிரஸ் கட்சி சார்பில், எஸ்.சி, எஸ்.டி பிரிவு நகரத் தலைவர் வி.செளந்தரராஜன் தலைமையில் அம்பேத்கர் பிறந்த நாள் விழா நடைபெற்றது. அம்பேத்கர் சிலைக்கு காங்கிரஸ் நகரத் தலைவர் டி.ஜெயவேலு மாலை அணிவித்தார்.
எஸ்.சி, எஸ்.டி பிரிவு மாவட்டத் தலைவர் பி.சேகர் இனிப்புகளை வழங்கினார். இதில் முன்னாள் எம்எல்ஏ ராஜாபாபு, நகரச் செயலர் எம்.பழனி, நிர்வாகிகள் எஸ்.சிவபாண்டியன், பி.பாஸ்கர், பி.சம்பத், நேத்தபாக்கம் முருகன் உள்ளிட்ட பலர் கலந்து கொண்டனர்.
விடுதலைச் சிறுத்தைகள்: ஆரணியை அடுத்த சேவூரில் விடுதலைச் சிறுத்தைகள் கட்சி சார்பில் அம்பேத்கர் உருவப் படத்துக்கு மாலை அணிவித்து, கட்சிக் கொடியேற்றும் விழா நடைபெற்றது. விழாவுக்கு ஆரணி தொகுதிச் செயலர் என்.முத்து தலைமை வகித்தார். முகாம் செயலர் அபிஷேக், நகரச் செயலர் சண்முகம், அசோக் உள்ளிட்ட பலர் கலந்து கொண்டனர். மேலும், ஆரணி அம்பேத்கர் சிலைக்கும் மாலை அணிவித்தனர்.
இதேபோல, தேமுதிக, அமமுக உள்ளிட்ட கட்சிகள் சார்பில் அம்பேத்கர் சிலைக்கு மாலை அணிவித்து, மரியாதை செலுத்தப்பட்டது.
வந்தவாசி
வந்தவாசியில் அதிமுக சார்பில் பழைய பேருந்து நிலையம் எதிரில் உள்ள அம்பேத்கரின் சிலைக்கு எம்ஜிஆர் மன்ற மாவட்டத் தலைவர் ஜெ.பாலு, திமுக சார்பில் வந்தவாசி எம்எல்ஏ அம்பேத்குமார், மாவட்ட துணைச் செயலர் எம்.எஸ்.தரணிவேந்தன் ஆகியோர் மாலை அணிவித்தனர்.
இந்திய குடியரசுக் கட்சி சார்பில் மாவட்டத் தலைவர் வந்தை மோகன், மாவட்ட இளைஞரணிச் செயலர் சி.எஸ்.கௌரிசங்கர், தமிழ்நாடு அரசு எஸ்.சி., எஸ்.டி. அலுவலர் நலச் சங்கம் சார்பில் மாவட்டச் செயலர் ஈ.தசரதன், விடுதலைச் சிறுத்தைகள் கட்சி சார்பில் தொகுதிப் பொறுப்பாளர் மேத்தாரமேஷ் ஆகியோர் மாலை அணிவித்தனர். மேலும், பல்வேறு கட்சியினரும், அமைப்பினரும் மாலை அணிவித்தனர்.