பல்வேறு போட்டிகளில் வெற்றி பெற்ற ஆம்பூர் ஹசனாத்-இ-ஜாரியா பெண்கள் மேல்நிலைப் பள்ளி மாணவிகளை பள்ளி நிர்வாகம் திங்கள்கிழமை பாராட்டி கௌரவித்தது.
ஆம்பூர் ஹசனாத்-இ-ஜாரியா பெண்கள் மேல்நிலைப் பள்ளி மாணவிகள் காட்பாடி எஸ்எஸ்ஏ அரங்கில் அண்மையில் நடந்த பேரிடர்களை எதிர்கொள்வது எப்படி என்ற தலைப்பிலான மாவட்ட அளவிலான ஓவியப் போட்டியில் பங்கேற்றனர். அதில் மாணவி நாஜியா மாவட்ட அளவில் 2-ஆம் இடம் பிடித்தார்.
அதே போல மௌலானா அபுல் கலாம் ஆஜாத் பிறந்த நாளான தேசிய கல்வி நாள் விழாவையொட்டி, வாணியம்பாடி இசுலாமியா கல்லூரியில் கட்டுரை, பேச்சுப் போட்டிகள் நடைபெற்றன. இதில் பங்கேற்ற ஹசனாத்-இ-ஜாரியா பெண்கள் மேல்நிலைப் பள்ளி மாணவிகள் பங்கேற்று முதல் மூன்று இடங்களைப் பிடித்தனர்.
வெற்றி பெற்ற மாணவிகளை தலைமை ஆசிரியை முதஹிரா பேகம், ஆசிரியைகள் தன்வீர், சாந்தி, ஆபிதா, பர்ஹத்தாரா ஆகியோர் பாராட்டினர்.