அரக்கோணம் மதர் தெரேசா டேபிள் டென்னிஸ் அகாதெமி, வேலூர் மாவட்ட டேபிள் டென்னிஸ் சங்கம் ஆகியவை சார்பில், மாவட்ட அளவிலான டேபிள் டென்னிஸ் போட்டிகள் அரக்கோணம் நேருஜி நகரில் ஏப்ரல் 22-ஆம் தேதி நடத்தப்படுகிறது.
இதுகுறித்து வேலூர் மாவட்ட டேபிள் டென்னிஸ் சங்கத்தின் தலைவர் எஸ்.பன்னீர்செல்வம், செயலர் பி.ஜனார்த்தனம் ஆகியோர் கூறியதாவது: இப்போட்டிகள் மினி கேடட் பிரிவு, கேடட் பிரிவு, சப்-ஜூனியர் பிரிவு, ஜூனியர் பிரிவு, ஆண், பெண் ஒற்றையர் பிரிவு என பல்வேறு பிரிவுகளாக நடத்தப்படுகிறது. போட்டிகளில் பங்கேற்க விரும்புவோர் மதர் தெரேசா டேபிள் டென்னிஸ் அகாதெமியின் செயலரை 98943 40003 என்ற எண்ணில் வரும் 20ஆம் தேதி மாலை 4 மணிக்குள் தொடர்பு கொள்ளலாம் என்றனர்.