கெங்கவல்லியில் இன்று முதல் ஜமாபந்தி தொடக்கம்

கெங்கவல்லியில் செவ்வாய்க்கிழமை (ஜூன் 20) முதல் ஜூன் 28-ஆம் தேதி வரை வட்டாட்சியர் அலுவலகத்தில் காலை 10 மணிக்கு சேலம் மாவட்ட வருவாய் அலுவலர் தலைமையில் ஜமாபந்தி நடைபெறுகிறது.
 ஜூன் 20-ஆம் தேதி உலிபுரம், நாகியம்பட்டி, செந்தாரப்பட்டி வடக்கு, தெற்கு, தம்மம்பட்டி, ஜங்கமசமுத்திரம், செங்காடு, சேரடிமூலை, கள்ளிப்பட்டி, பிள்ளையார்மதி, வாழக்கோம்பை ஆகிய ஊர்களுக்கும், ஜூன் 21-ஆம் தேதி ஒதியத்தூர், 74.கிருஷ்ணாபுரம், வேப்பந்தட்டை, வலசக்கல்பட்டி, கடம்பூர், கூடமலை, பேளூர், கொண்டயம்பள்ளி, கோனேரிப்பட்டி, மண்மலை, மொடக்குப்பட்டி ஆகிய ஊர்களுக்கும், ஜூன் 22-ஆம் தேதி கெங்கவல்லி வடக்கு, தெற்கு, ஆணையாம்பட்டி, தெடாவூர் வடக்கு, தெற்கு, நடுவலூர் தெற்கு, வடக்கு ஆகிய ஊர்களுக்கும், ஜூன் 27-ஆம் தேதி சொக்கனூர் அகரஹாரம், வீரகனூர் தெற்கு, வடக்கு, திட்டச்சேரி, லத்துவாடி, வெள்ளையூர், நாட்டார் அக்ரஹாரம், இலுப்பநத்தம் ஆகிய ஊர்களுக்கும், ஜூன் 28-ஆம் தேதி வேப்பம்பூண்டி, புளியங்குறிச்சி, பகடப்பாடி, கிழக்குராஜாபாளையம், பின்னனூர், கவர்பனை, பச்சமலை, வேப்படி ஆகிய ஊர்களுக்கும் ஜமாபந்தி நடைபெறுகிறது.
 எனவே, அந்தந்த பகுதிகளைச் சேர்ந்த பொதுமக்கள் தங்களது கோரிக்கைகளை மனுக்களாக எழுதி ஜமாபந்தியில் வழங்கலாம் என கெங்கவல்லி வட்டாட்சியர் வரதராஜன் தெரிவித்துள்ளார்.