பார்வையற்ற மாணவர்களுக்கான மாநில கிரிக்கெட் போட்டிகள் திருநெல்வேலியில் சனிக்கிழமை தொடங்கியது. ஞாயிற்றுக்கிழமை இறுதிப் போட்டிகள் நடைபெறுகின்றன.
ஆனிஜேன் ஆஸ்க்வித் நினைவு கோப்பைக்கான பார்வை குறைபாடு உள்ள மாணவர்களுக்கான மாநில கிரிக்கெட் போட்டிகள் பாளையங்கோட்டையிலுள்ள ஆஸ்க்வித் பார்வையற்றோர் மேல்நிலைப் பள்ளியில் 2 நாள்கள் நடைபெறுகிறது. லீக் முறையில் நடைபெறும் இப்போட்டியில் திருநெல்வேலி, வேலூர், கரூர், திருப்பூர் மாவட்டத்திலுள்ள பார்வையற்ற பள்ளி மாணவர்கள் பங்கேற்ற 4 அணிகள் பங்கேற்றன.
சனிக்கிழமை தொடங்கிய இப்போட்டியை பள்ளியின் முதல்வர் கிங்ஸ்டன்ஜேம்ஸ்பால் தொடங்கி வைத்தார்.
முதல் நாள் ஆட்டத்தில் கரூர், வேலூர் அணிகள் விளையாடின. இதில், கரூர் அணியினர் 147 ரன்கள் எடுத்து வெற்றிப் பெற்றனர். 2 ஆவது ஆட்டத்தில் திருப்பூர், திருநெல்வேலி அணிகளும் விளையாடின. ஞாயிற்றுக்கிழமை நடைபெறும் இறுதிப் போட்டியில் வெற்றி பெறும் அணிக்கு மாலையில் நடைபெறும் விழாவில் கோப்பை வழங்கப்படுகிறது.
போட்டியின் நடுவர்களாக ஜோயல், ரமேஷ், ஆறுமுகச்சாமி, வசந்த், செல்வபாண்டி ஆகியோர் செயல்பட்டனர்.