பொந்தம்புளி கண்மாயில் குடிமராமத்துப் பணி தொடக்கம்

கமுதி அருகே உள்ள பொந்தம்புளி கண்மாயில் குடிமராமத்துப் பணிகள் சனிக்கிழமை முதல் தொடங்கி நடைபெற்று வருகின்றன.
பொந்தம்புளி கண்மாய் உள்பட 6 கண்மாய்கள் ரூ.1.62 கோடி மதிப்பீட்டில் குடிமராமத்து செய்ய முடிவு செய்யப்பட்டது. ஆனால், பல்வேறு காரணங்களால் பணிகள் தொடங்குவதில் இழுபறி ஏற்பட்டது. இதுகுறித்து தினமணியில் செய்தி வெளியானது. 
அதைத்தொடர்ந்து, பொந்தம்புளி கண்மாயின் 4.5 கி.மீ. தூரமுள்ள கரைகளும், 8 கி.மீ. நீள வரத்து கால்வாயும் சீரமைக்கப்பட்டு வருகிறது. 
மழைக்காலம் தொடங்குவதற்குள் கண்மாயை சீரமைக்க, பொந்தம்புளி நீர்பாசன முன்னேற்ற சங்கம், விவசாயிகள் மூலம் பணி தீவிரப்படுத்தப்பட்டுள்ளது.