ராமேசுவரம் ராமநாதசுவாமி கோயிலில் பிப்ரவரி 25 ஆம் தேதி (திங்கள்கிழமை) மகா சிவராத்திரி திருவிழா கொடியேற்றத்துடன் தொடங்குகிறது.
ராமநாதசுவாமி கோயிலில் மாசி மகா சிவராத்திரி திருவிழா கொடியேற்றத்தைத் தொடர்ந்து, மார்ச் 4 ஆம் தேதி மகா சிவராத்திரி, மார்ச் 5 இல் சுவாமி-அம்பாள் தேரோட்டம், மார்ச் 6 இல் மாசி மகா அமாவாசையையொட்டி பிற்பகல் 1.35 மணிக்கு சுவாமி-அம்பாள் தங்க ரிஷப வாகனத்தில் அக்கினி தீர்த்தக் கரைக்கு எழுந்தருளி தீர்த்தம் அளிக்கும் நிகழ்ச்சிகள் நடைபெறுகின்றன.
இதனால், அன்றைய தினம் பிற்பகல் 1.35 மணி முதல் கோயில் நடை அடைக்கப்பட்டு, இரவு 8 மணிக்கு மீண்டும் நடை திறக்கப்படும் என, கோயில் இணை ஆணையர் கோ.செ. மங்கையர்க்கரசி விடுத்துள்ள செய்திக் குறிப்பில் தெரிவிக்கப்பட்டுள்ளது.