திருவானைக்கா அருள்மிகு சம்புகேஸ்வரர் அகிலாண்டேஸ்வரி திருக்கோயிலில் புதன்கிழமை காலை மஹா கும்பாபிஷேகம் நடைபெறவுள்ளது.
பஞ்சபூதத் திருத்தலங்களில் நீர்த்தலமானது திருவானைக்கா கோயில். இத்திருக்கோயில் முதல்கட்ட மஹா கும்பாபிஷேகம் கடந்த 9 ஆம் தேதி நடைபெற்றது.
இதில் கோயிலில் உள்ள 45 பரிவார தேவதைகள் மற்றும் உற்ஸவ மூர்த்தி சன்னதிகள், விமானங்களுக்கு மஹா கும்பாபிஷேகம் நடைபெற்றது.
2 ஆம் கட்ட கும்பாபிஷேகம் புதன்கிழமை காலை 6.30 மணி முதல் 7 மணிக்குள் நடைபெறுகிறது.
இதில் ராஜகோபுரம், மல்லப்ப கோபுரம், கார்த்திகை கோபுரம், சங்கமேசுவரர் கோபுரம், சுந்தர பாண்டியன் கோபுரம் மற்றும் சிறிய ரக கோபுரம் ஆகிய விமானங்களுக்கு மஹா கும்பாபிஷேகம் நடைபெறுகிறது. இதற்கான யாகசாலை பூஜைகள் கடந்த 9 ஆம் தேதி தொடங்கி 6 கால யாகசாலை பூஜைகள் நடைபெற்றன.
மஹா கும்பாபிஷேகத்தையொட்டி பக்தர்களுக்கு சிறப்பான வசதிகள் செய்யப்பட்டுள்ளது.
விழா ஏற்பாடுகளை கோயில் உதவி ஆணையர் கே.ஜெயப்பிரியா மற்றும் உபயதாரர்கள், கோயில் பணியாளர்கள் செய்துவருகின்றனர்.