ஷிம்லா: சென்னை மற்றும் தமிழகத்தின் பல மாவட்டங்கள் கடுங்குளிரால் நடுங்கும் நிலையில், ஏற்கனவே நடுங்கிக் கொண்டிருக்கும் இமாச்சலப் பிரதேசத்தில் இன்று நிலைமை சற்று மேம்பட்டுள்ளதாக வானிலை மையம் தெரிவித்துள்ளது.
கேலாங் உள்ளிட்ட பகுதிகளில் தொடர்ந்து மைனஸ் 7 டிகிரி செல்சியஸ் அளவிலேயே தொடர்ந்து குளிர்நிலை நிலவி வருகிறது. கல்பா, கின்னௌர் உள்ளிட்ட பகுதிகளில் மைனஸ் 2.6 டிகிரி செல்சியஸ் அளவில் நீடிக்கிறது.
சுற்றுலாப் பயணிகள் அதிகம் வருகை தரும் ஷிம்லாவில் இன்று மைனஸ் டிகிரிக்கு வெப்பநிலை செல்லவில்லை. இன்று 4 டிகிரி செல்சியஸ் அளவில் வெப்பநிலை நிலவுகிறது.