பஞ்சாங்கம்

புதன்கிழமை

12

விளம்பி வருடம், கார்த்திகை 26-ம் தேதி

நல்ல நேரம்

காலை 9.30 - 10.30   மாலை 4.30 - 5.30

ராகு காலம்

12.00 - 1.30

எம கண்டம்

7.30 - 9.00

குளிகை

10.30 - 12.00

திதி

பஞ்சமி

நட்சத்திரம்

திருவோணம்

சந்திராஷ்டமம்

புனர்பூசம், பூசம்

இன்றைய ராசிபலன்

மேஷம் - வரவு
ரிஷபம் - சிக்கல்
மிதுனம் - நோய்
கடகம் - எதிர்ப்பு
சிம்மம் - வெற்றி
கன்னி - போட்டி
துலாம் - பயம்
விருச்சிகம் - நட்பு
தனுசு - தடங்கல்
மகரம் - மகிழ்ச்சி
கும்பம் - ஆதாயம்
மீனம் - சுகம்

யோகம்: சித்த / அமிர்த யோகம் 

சூலம்: வடக்கு

பரிகாரம்: பால்

விசேஷம்: ஆழ்வார் திருநகரி ஸ்ரீ நம்மாழ்வார் காளிங்க நர்த்தனக் காட்சி.

கேள்வி - பதில்
  • எனக்கு அரசு வேலை கிடைக்குமா? திருமணம் எப்போது நடைபெறும்?
     - வாசகி, தஞ்சாவூர்

  • ஸ்ரீ ராமரை வழிபடவும்
    உங்களுக்கு தனுசு லக்னம், கும்ப ராசி. லக்னத்திற்கும் சுக ஸ்தானத்திற்கும் அதிபதியான குருபகவான் பாக்கிய ஸ்தானத்தில் அமர்ந்து லக்னத்தைப் பார்வை செய்வது சிறப்பு. அதோடு கஜகேசரி யோகமும் உண்டாகிறது. பாக்கியாதிபதியும் பூர்வபுண்ணியாதிபதியும் தொழில் ஸ்தானத்தில் திக்பலம் பெற்றிருக்கிறார்கள். இதனால் அரசு உத்தியோகம் உறுதியாகக் கிடைக்கும் என்று கூறவேண்டும். தற்சமயம் குருமஹா தசை நடக்கிறது. அடுத்த ஆண்டு ஜனவரி மாதத்திற்குப்பிறகு அரசு வேலை மற்றும் திருமணம் ஆகிய இரண்டும் கைகூடும். எதிர்காலம் சிறப்பாக அமையும். பிரதி புதன்கிழமைகளில் ஸ்ரீ ராமரை வழிபட்டு வரவும்.
     

  • எனக்கு இதய நோய். சர்க்கரை நோய் உள்ளது. சிகிச்சையும் மருந்தும் எடுத்து வருகிறேன். 24 ஆண்டுகள் மருந்து கடையில் வேலை செய்தேன். தற்போது வேலை இல்லை. வேலை கிடைக்குமா? நோய்கள் குணமாகுமா? கடன் அடையுமா?
     - வாசகர், பொள்ளாச்சி

  • குடும்ப வளர்ச்சி சிறக்கும்
     உங்களுக்கு தனுசு லக்னம், துலாம் ராசி. தற்சமயம் நீச்சபங்க ராஜயோகம் பெற்றுள்ள குடும்ப தைரிய ஸ்தானாதிபதியான சனிபகவானின் தசையில் இறுதிப் பகுதி நடக்கிறது. இன்னும் இரண்டாண்டுகளுக்குள் உங்கள் உடல்நிலை சீராகி மறுபடியும் மருந்து சம்பந்தப்பட்ட இனங்களில் வேலை கிடைத்து விடும். குருசந்திர யோகம், ருசக யோகம், குருமங்கள யோகம், சந்திரமங்கள யோகம் போன்ற சிறப்பான யோகங்கள் உள்ளன.அதனால் எதிர்காலம் பற்றிய பெரிய கவலை வேண்டாம். உங்கள் மகனுக்கு மேஷ லக்னம், மீன ராசி. தற்சமயம் கேதுபகவானின் தசை முடிய உள்ளது. 2020 ஆண்டு தொடரும் ஆட்சி பெற்ற சுக்கிர மஹா தசை நடக்கத் தொடங்குவதால் உங்கள் குடும்பத்தின் வளர்ச்சி சிறப்பாக அமையும். உங்கள் மகளின் ஜாதகத்தை வேறொரு சமயத்தில் அனுப்பவும். அவருக்கு ஒரே நட்சத்திரம், ராசி ஆக இருந்தாலும் பலன்கள் மாறுபடலாம். பிரதி ஞாயிற்றுக்கிழமைகளில் சிவபெருமானை வழிபட்டு வரவும்.

  • என் மகனுக்கு எப்போது திருமணம் நடைபெறும்? பெண் எத்திசையிலிருந்து அமைவார்?
     - வாசகர், ஈரோடு

  • தென் திசை மணமகள்
    உங்கள் மகனுக்கு மீன லக்னம், கும்ப ராசி. லக்னாதிபதி மற்றும் தொழில் ஸ்தானாதிபதிக்கு குருபகவான் லாப ஸ்தானத்தில் நீச்சபங்க ராஜயோகம் பெற்று அமர்ந்திருக்கிறார். சுக களத்திர ஸ்தானாதிபதியான புதபகவான் பாக்கிய ஸ்தானத்தில் லாப, அயன ஸ்தானாதிபதி மற்றும் ஆறாமதிபதிகளுடன் இணைந்திருக்கிறார். தன பாக்கியாதிபதியான செவ்வாய்பகவான் களத்திர ஸ்தானத்தில் இருப்பது செவ்வாய் தோஷம் இல்லை என்று கொள்ள வேண்டும். சர்ப்ப தோஷம் உள்ளது. தற்சமயம் சனிமஹா தசையில் பூர்வபுண்ணியாதிபதியான சந்திரபகவானின் புக்தி நடக்கிறது. அடுத்த ஆண்டு செப்டம்பர் மாதத்திற்குள் படித்த நல்ல வேலையிலுள்ள பெண் தெற்கு திசையிலிருந்து அமைந்து திருமணம் கைகூடும். எதிர்காலம் சிறப்பாக அமையும்.

  • என் மகனுக்கு எப்போது திருமணம் நடைபெறும்? என்ன பரிகாரம் செய்ய வேண்டும்?
     - வாசகர், வேலூர்

  • அடுத்த ஆண்டு திருமணம்
    உங்கள் மகனுக்கு கன்னி லக்னம், மீன ராசி. லக்னாதிபதி, பூர்வபுண்ணியாதிபதி மற்றும் அயன ஸ்தானாதிபதிகள் சுக ஸ்தானத்தில் இணைந்திருக்கிறார்கள். களத்திர ஸ்தானத்தில் லாபாதிபதியும் தைரிய ஸ்தானாதிபதியும் இணைந்து இருக்கிறார்கள். இவர்களின் பார்வை லக்னத்தின் மீது படிகிறது. தன பாக்கியாதிபதியான சுக்கிரபகவான் தைரிய ஸ்தானத்தில் அமர்ந்து பாக்கிய ஸ்தானத்தையும் அங்கு அமர்ந்திருக்கும் களத்திர ஸ்தானாதிபதியையும் பார்வை செய்கிறார். தற்சமயம் சுக்கிரபகவானின் தசையில் சனிபகவானின் புக்தி நடக்கிறது. அவருக்கு அடுத்த ஆண்டு இறுதிக்குள் சமதோஷமுள்ள பெண் அமைந்து திருமணம் கைகூடும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.

  •  நான் தற்சமயம் மனைவியை விட்டுப் பிரிந்திருக்கிறேன். வருங்காலம் எவ்வாறு இருக்கும்? மீண்டும் மனைவியுடன் இணைந்து வாழ்வேனா?
     - வாசகர், கோயம்புத்தூர்

  • குடும்பத்துடன் இணைவீர்கள்
    உங்களுக்கு மீன லக்னம், ரிஷப ராசி என்று எழுதியுள்ளீர்கள். லக்னாதிபதி குடும்ப ஸ்தானத்தில் அமர்ந்து ஐந்தாம் பார்வையாக தன பாக்கியாதிபதியைப் பார்வை செய்கிறார். ஏழாம் பார்வையாக ஆயுள் ஸ்தானத்தையும் ஒன்பதாம் பார்வையாக தொழில் ஸ்தானத்தையும் தன் மூலத்திரிகோண வீட்டையும் பார்வை செய்கிறார். பூர்வபுண்ணியாதிபதி தைரிய ஸ்தானத்தில் உச்சம் பெற்றிருக்கிறார். தற்சமயம் சனிமஹா தசையில் அஷ்டமாதிபதியான சுக்கிரபகவானின் புக்தியும் நடக்கிறது. இன்னும் ஒன்றரை ஆண்டுக்குப்பிறகு மறுபடியும் மனைவி, குடும்பத்துடன் இணைவீர்கள். மற்றபடி எதிர்காலம் சிறப்பாக அமையும். பிரதி சனிக்கிழமைகளில் சனிபகவானை வழிபட்டு வரவும்.

  • எனக்கு நிரந்தரமான வேலை அல்லது தொழில், வீடு எப்பொழுது அமையும்? என்ன தொழில் செய்யலாம்? என்ன பரிகாரம் செய்ய வேண்டும்?
     - வாசகர், திருவாரூர்

  • அரசுப்பணி நிரந்தரமாகும்
    உங்களுக்கு துலா லக்னம், கும்ப ராசி. தொழில் ஸ்தானாதிபதி பூர்வபுண்ணிய ஸ்தானத்திலும் சுக பூர்வபுண்ணியாதிபதி தொழில் ஸ்தானத்திலும் அமர்ந்திருக்கிறார்கள். லாபாதிபதி லாப ஸ்தானத்திலும் பாக்கியாதிபதி அயன ஸ்தானத்தில் உச்சம் பெற்று நீச்சம் பெற்ற லக்னாதிபதிக்கு நீச்சபங்க ராஜயோகத்தைக் கொடுக்கிறார். அதோடு அயன ஸ்தானத்தில் தனாதிபதியும் இணைந்திருக்கிறார். இவர்களை குருபகவான் ஐந்தாம் பார்வையாகப் பார்வை செய்வதும் சிறப்பு. தற்சமயம் சனிமஹா தசையில் லக்னாதிபதியின் புக்தி நடப்பதால் இன்னும் இரண்டாண்டுகளுக்குள் அரசுப்பணி நிரந்தரமாகும். எதிர்காலம் சிறப்பாக அமையும். பிரதி சனிக்கிழமைகளில் சனிபகவானை வழிபட்டு வரவும்.

  • 36 வயதாகும் என் மகனுக்கு திருமணத்திற்கு எடுக்கும் முயற்சிகளில் தடை ஏற்படுகிறது. எப்போது திருமணம் நடைபெறும்?
     - வாசகர், மடிப்பாக்கம்

  • படித்த பெண் அமையும்
     உங்கள் மகனுக்கு மிதுன லக்னம், மகர ராசி. லக்னம் மற்றும் சுக ஸ்தானத்திற்கு அதிபதியான புதபகவானும் களத்திர நட்பு ஸ்தானாதிபதியான சூரியபகவான், அஷ்டம, பாக்கியாதிபதியான சனிபகவான் மற்றும் தைரிய ஸ்தானாதிபதியான சூரியபகவான் ஆகிய நால்வரும் சுக ஸ்தானத்தில் வலுவாக இணைந்திருக்கிறார்கள். தற்சமயம் குருபகவானின் தசையும் நடக்கத் தொடங்கியுள்ளது. அவருக்கு அடுத்த ஆண்டு இறுதிக்குள் படித்த நல்ல வேலையிலுள்ள பெண் அமைந்து திருமணம் கைகூடும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.

  • என் தாயாரின் பெயரில் உள்ள வீட்டை விற்க எடுத்த நடவடிக்கையில் பத்திர பதிவு முடியாமல் தள்ளிக்கொண்டு போகிறது. மூத்த சகோதரி மகன் மிகவும் தடையாக உள்ளார். எப்போது பத்திர பதிவு நடக்கும்?
     - வாசகர், திண்டுக்கல்

  • வீடு விற்பனையாகும்
     உங்களுக்கு துலாம் லக்னம், மிதுன ராசி. லக்னாதிபதி மற்றும் பாக்கியாதிபதிகள் கர்ம ஸ்தானத்தில் இணைந்து இருக்கிறார்கள். சுக பூர்வ புண்ணியாதிபதி பூர்வபுண்ணிய ஸ்தானத்தில் ஆட்சி பெற்றிருக்கிறார். லாபாதிபதியும் சந்திரபகவானும் பாக்கிய ஸ்தானத்தில் இணைந்திருக்கிறார்கள். தற்சமயம் சனிமஹா தசையில் இறுதிப்பகுதி நடக்கிறது. அடுத்த ஆண்டு ஏப்ரல் மாதத்திற்குப்பிறகு உங்கள் தாயின் பெயரில் உள்ள வீடு விற்றுவிடும். எதிர்காலம், பொருளாதாரம் ஆகியவை சிறப்பாக அமையும். பிரதி சனிக்கிழமைகளில் சனிபகவானை வழிபட்டு வரவும்.

  • என் மகனுக்கு 30 வயதாகிறது. எப்போது திருமணம் நடைபெறும்? உத்தியோகம் பார்க்கும் பெண் அமையுமா?
     - வாசகி, பாடி

  • சிவபெருமானை வழிபடுக
     உங்கள் மகனுக்கு மேஷ லக்னம், மிதுன ராசி. லக்னாதிபதி லக்னத்தில் ஆட்சி பெற்று பஞ்சமஹா புருஷ யோகங்களில் ருசக யோகத்தைக் கொடுக்கிறார்.
     பூர்வபுண்ணிய ஸ்தானாதிபதி லாப ஸ்தானத்தில் அமர்ந்து பூர்வபுண்ணிய ஸ்தானத்தைப் பார்வை செய்கிறார். பாக்கியாதிபதியான குருபகவான் குடும்ப ஸ்தானத்தில் அமர்ந்து ஆறாம் வீட்டையும் தொழில் ஸ்தானத்தையும் அங்கு அமர்ந்திருக்கும் புத, சுக்கிரபகவான்களையும் பார்வை செய்கிறார்.
     தற்சமயம் குருமஹா தசையில் களத்திர ஸ்தானாதிபதியின் புக்தி நடக்கிறது. அவருக்கு அடுத்த ஆண்டு ஏப்ரல் மாதத்திற்குப்பிறகு படித்த நல்ல வேலையிலுள்ள பெண் அமைந்து திருமணம் கைகூடும். எதிர்காலம் சிறப்பாக அமையும். பிரதி ஞாயிற்றுக்கிழமைகளில் சிவபெருமானை வழிபட்டு வரவும்.

  • எனது சகோதரி மகன் அமெரிக்காவில் வேலை பார்க்கிறான். அங்கு வேறு ஜாதி பெண்ணை திருமணம் செய்ய விரும்புகிறான். எங்களுக்கு சம்மதம் இல்லை. வீட்டில் பார்க்கும் பெண்ணை திருமணம் செய்வானா?
     - வாசகர், கும்பகோணம்

  • குருபகவானை வழிபடுக
     உங்கள் சகோதரி மகனுக்கு கடக லக்னம், கடக ராசி. ஆட்சிபெற்ற லக்னாதிபதியும் உச்சம் பெற்ற பாக்கியாதிபதியும் லக்னத்தில் அமர்ந்து சிறப்பான குருசந்திர யோகத்தைக் கொடுக்கிறார்கள். அதோடு இவர்களுடன் சர்ப்பக் கிரகங்கள் இணைந்திருப்பது சிறுகுறை. களத்திர ஸ்தானாதிபதியும் களத்திரகாரகரும் அசுப பலம் பெற்றிருப்பதால் அவருக்கு அவர் விரும்பியப்படியே திருமணம் கைகூடும் வாய்ப்பு அதிகமாக உள்ளது. பிரதி வெள்ளிக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.

  • அமெரிக்காவில் பணிபுரியும் எனது இளைய மகனுக்கு எப்போது திருமணம் கைகூடும்? நிறைய பெண் பார்த்து வருகிறோம். இன்னும் அமையவில்லை. ஏதேனும் பரிகாரம் செய்ய வேண்டுமா?
     - வாசகர், தருமபுரி

  • முருகப்பெருமானை வழிபடுக
     உங்கள் மகனுக்கு சிம்ம லக்னம், மிதுன ராசி. லக்னாதிபதி சுக ஸ்தானத்தில் தன, லாபாதிபதியுடன் இணைந்து இருக்கிறார். களத்திர ஸ்தானாதிபதி களத்திரகாரகருடன் பூர்வபுண்ணிய ஸ்தானத்தில் அமர்ந்து குருபகவானால் பார்க்கப்படுகிறார். அவருக்கு அடுத்த ஆண்டு அக்டோபர் மாதத்திற்குள் படித்த பெண் அமைந்து திருமணம் கைகூடும். பிரதி செவ்வாய்க்கிழமைகளில் துர்க்கையையும்
     முருகப்பெருமானையும் வழிபட்டு வரவும்.

  •  என்னுடைய ஜாதகத்தில் ஜோதிடத்தை முழு நேர தொழிலாகச் செய்யும் பாக்கியம் உள்ளதா? ஜோதிடத்துறையில் புகழ் பெறும் அமைப்பு உள்ளதா? தற்சமயம் நடைபெறும் குருதசை ராகு புக்தியில் புதிதாக தொழில் துவங்கலாமா? அல்லது எப்போது துவங்கலாம்?
     -கதிரேசன், ஈரோடு

  • புதிய தொழில் தொடங்கலாம்
    உங்களுக்கு தனுசு லக்னம், மகர ராசி, திருவோண நட்சத்திரம். லக்னத்திற்கும் சுக ஸ்தானத்திற்கும் அதிபதியான குருபகவான் தனம் வாக்கு குடும்ப ஸ்தானத்தில் நீச்சம் பெற்று அமர்ந்திருக்கிறார். தனம் வாக்கு குடும்ப ஸ்தானத்தில் பூர்வபுண்ணிய புத்திர புத்தி ஸ்தானமான ஐந்தாம் வீட்டிற்கும் அயன ஸ்தானமான பன்னிரண்டாம் வீட்டிற்கும் அதிபதியான செவ்வாய்பகவான் உச்சம் பெற்றிருப்பதால் குருபகவானுக்கு முழுமையான நீச்சபங்க ராஜயோகம் கிடைக்கிறது. அதோடு குருபகவானுடன் சந்திரபகவான் இணைந்திருப்பதால் குருசந்திர யோகம், சந்திரமங்கள யோகம், குருமங்கள யோகம், போன்ற சிறப்பான யோகங்கள் உள்ளன.
     தனம் வாக்கு குடும்ப ஸ்தானமான இரண்டாம் வீட்டிற்கும் தைரிய ஸ்தானமான மூன்றாம் வீட்டிற்கும் அதிபதியான சனிபகவான் ருணம் (கடன்) ரோகம் (வியாதி) சத்ரு (விரோதி) ஸ்தானத்தில் பலமாக அமர்ந்திருக்கிறார். ஆறாமதிபதி மற்றும் லாபாதிபதியான சுக்கிரபகவான் சுக ஸ்தானத்தில் பாக்கியாதிபதியான சூரியபகவானுடன் இணைந்து உச்சம் பெற்றிருக்கிறார். தற்சமயம் சனிபகவானின் தசை நடக்கத் தொடங்கியுள்ளது. இன்னும் ஒன்றரை ஆண்டுகளுக்குப்பிறகு உங்கள் வாழ்க்கையில் படிப்படியான வளர்ச்சி உண்டாகும்.
     பொதுவாக, கேந்திரத்திற்கு புதபகவானும் கேதுபகவானும் வலுத்திருக்க வேண்டும். உங்களுக்கு புதபகவான் தொழில் ஸ்தானமான பத்தாம் வீட்டிற்கு அதிபதியாகி மூன்றாம் வீட்டில் அமர்ந்து பாக்கிய ஸ்தானத்தைப் பார்வை செய்கிறார். அதோடு சனிபகவானும் புதபகவானைப் பார்வை செய்கிறார். கேதுபகவான் நட்பு ஸ்தானமான ஏழாம் வீட்டில் ராகுபகவானின் சாரத்தில் அமர்ந்து நவாம்சத்தில் குருபகவானின் வீடான மீன ராசியை அடைகிறார். இதனால் ஜோதிடத்தை முழு நேரமாக எடுத்துக்கொள்ளலாம். அதில் புகழ் பெறவும் முடியும்.
     2020 ஆம் ஆண்டு தொடங்கியவுடன் புதிய தொழில் தொடங்கலாம். எதிர்காலம் சிறப்பாக அமையும். பிரதி செவ்வாய்க்கிழமைகளில் துர்க்கையையும் பிரதி சனிக்கிழமைகளில் சனிபகவானையும் வழிபட்டு வரவும்.

  •  நான் ஆடிட்டர் படிப்பு படித்து துபாயில் வேலை பார்க்கிறேன். என் தந்தை நான் சிறுவனாக இருந்தபோது கொலை செய்யப்பட்டு இறந்துவிட்டார். ராமேஸ்வரம் சென்று திலஹோமம் செய்து விட்டோம். தற்சமயம் வேலை போய்விடும் போல் உள்ளது. வேறு வேலை இங்கேயே கிடைக்குமா? வேறு வெளிநாட்டில் வேலைக்கு முயற்சி செய்யலாமா? இந்தியாவுக்கு வந்தால் பழைய நினைவுகள் ஞாபகத்திற்கு வரும். நிரந்தரமாக வெளிநாட்டிலேயே வசிக்க விரும்புகிறேன். அது நடக்குமா? எனக்கு யோக ஜாதகமா? காலசர்ப்ப யோகம் உள்ளதா? பரிகாரம் எதுவும் செய்ய வேண்டுமா?
    &nbs

  • யோக ஜாதகம்!
    உங்களுக்கு சிம்ம லக்னம், கடகராசி, பூசம் நட்சத்திரம். அயன ஸ்தானாதிபதியான பன்னிரண்டாம் வீட்டுக்கு அதிபதியான சந்திரபகவான் பன்னிரண்டாம் வீட்டில் சனிபகவானின் சாரத்தில் (பூசம் நட்சத்திரம்) ஆட்சி பெற்று அமர்ந்து நவாம்சத்தில் விருச்சிக ராசியை அடைகிறார். லக்னாதிபதி சூரியபகவான் லாப ஸ்தானத்தில் ராகுபகவானின் சாரத்தில் (திருவாதிரை நட்சத்திரம்) அமர்ந்து நவாம்சத்தில் கும்ப ராசியை அடைகிறார். லக்னாதிபதி லாப ஸ்தானத்தில் அமர்ந்திருப்பது சிறப்பு என்றாலும் அவர் அசுபர் சாரத்தில் இருப்பது சிறு குறை என்றே கூற வேண்டும். பூர்வபுண்ணிய புத்திர புத்தி ஸ்தானமான ஐந்தாம் வீட்டிற்கும் அஷ்டம ஸ்தானமான எட்டாம் வீட்டிற்கும் அதிபதியான குருபகவான் பாக்கிய ஸ்தானமான ஒன்பதாம் வீட்டில் சூரியபகவானின் சாரத்தில் (கிருத்திகை நட்சத்திரம்) அமர்ந்து நவாம்சத்தில் தன் மூலத்திரிகோண ராசியான தனுசு ராசியை அடைகிறார். சுக ஸ்தானமான நான்காம் வீட்டிற்கும் பாக்கிய ஸ்தானமான ஒன்பதாம் வீட்டிற்கும் அதிபதியான செவ்வாய்பகவான் லக்னத்தில் கேதுபகவானின் சாரத்தில் (மகம் நட்சத்திரம்) அமர்ந்து நவாம்சத்தில் தன் மூலத்திரிகோண வீடான மேஷ ராசியை அடைகிறார்.
     தனம் வாக்கு குடும்ப ராசியான இரண்டாம் வீட்டிற்கும் லாப ஸ்தானமான பதினொன்றாம் வீட்டிற்கும் அதிபதியான புதபகவான் தொழில் ஸ்தானமான பத்தாம் வீட்டில் செவ்வாய்பகவானின் சாரத்தில் (மிருகசீரிஷ நட்சத்திரம்) அமர்ந்து நவாம்சத்தில் தன் ஆட்சி, உச்சம், மூலத்திரிகோண வீடான கன்னி ராசியை அடைகிறார். தைரிய ஸ்தானமான மூன்றாம் வீட்டிற்கும்; தொழில் ஸ்தானமான பத்தாம் வீட்டிற்கும் அதிபதியான சுக்கிரபகவான் லாப ஸ்தானமான பதினொன்றாம் வீட்டில் ராகுபகவானின் சாரத்தில் (திருவாதிரை நட்சத்திரம்) அமர்ந்து நவாம்சத்தில் மீன ராசியில் உச்சம் பெறுகிறார். ருணம் (கடன்) ரோகம் (வியாதி) சத்ரு (விரோதி) ஸ்தானமான ஆறாம் வீட்டிற்கும் களத்திர, நட்பு ஸ்தானமான ஏழாம் வீட்டிற்கும் அதிபதியான சனிபகவான் அயன ஸ்தானமான பன்னிரண்டாம் வீட்டில் சுய சாரத்தில் (பூசம் நட்சத்திரம்) அமர்ந்து நவாம்சத்தில் கன்னி ராசியை அடைகிறார். ராகுபகவான் தைரிய ஸ்தானமான மூன்றாம் வீட்டில் சுயசாரத்தில் (சுவாதி நட்சத்திரம்) அமர்ந்து நவாம்சத்தில் மீன ராசியை அடைகிறார். கேதுபகவான் பாக்கிய ஸ்தானமான ஒன்பதாம் வீட்டில் சுக்கிரபகவானின் சாரத்தில் (பரணி நட்சத்திரம்) அமர்ந்து நவாம்சத்தில் கன்னி ராசியை அடைகிறார்.
     அனைவருக்கும் லக்னாதிபதியின் பலம் மிகவும் அவசியம் என்று பலமுறை எழுதியிருக்கிறோம். உங்களுக்கு லக்னாதிபதியான சூரியபகவான் லாப ஸ்தானத்தில் அமர்ந்திருப்பது சிறப்பு. பொதுவாக, திருமண முகூர்த்தங்கள் திருமண முகூர்த்தங்கள் குறிக்கும் காலங்களில் சூரியபகவான் லாப ஸ்தானத்தில் அமர்ந்திருக்கும் முகூர்த்தங்கள் சிறப்பானவை என்று முகூர்த்த விதானம் கூறுகிறது. லக்னாதிபதி வலுத்திருப்பதால் எக்காலத்திலும் உங்களுக்கு நன்மையே உண்டாகும் என்று உறுதியாகக் கூறலாம். அவர் தன் பரஸ்பரம் விரோதம் பெற்ற கிரகமான ராகுபகவானின் சாரத்தில் இருப்பதால் சூரியபகவானுக்கு முழுபலம் கிடைக்கவில்லை என்றும் கூறவேண்டும். பூர்வபுண்ணியாதிபதியான குருபகவான் பாக்கிய ஸ்தானத்தில் அமர்ந்திருக்கிறார். "ஓடினவனுக்கு ஒன்பதில் குரு' என்பது ஜோதிட வழக்கு. குருபகவான் அமர்ந்திருக்கும் ராசியோ சர ராசியாகும். குருபகவான் தன் ஆத்ம நண்பரான சூரியபகவானின் சாரத்தில் அமர்ந்திருக்கிறார். நவாம்சத்தில் தனுசு ராசியை அடைகிறார். குருபகவானின் ஜந்தாம் பார்வை லக்னத்தின் மீதும் அங்கு அமர்ந்திருக்கும் சுக பாக்கியாதிபதியான செவ்வாய்பகவானின் மீதும் படிகிறது. இதனால் லக்னம் என்கிற உயிர் ஸ்தானம் புஷ்டியாகிறது.
     செவ்வாய்பகவானின் மீது குருபகவானின் பார்வை படிவதால் சிறப்பான குருமங்கள யோகம் உண்டாகிறது. இதனால் வீடு, நிலம் போன்றவைகளின் மூலம் எதிர்பாராத திடீர் அதிர்ஷ்ட வாய்ப்புகள் கிடைக்கும். இந்த வகை முதலீடுகள் லாபத்தைத் தரும் என்றும் புரிந்துகொள்ள வேண்டும். குருபகவானின் ஏழாம் பார்வை தைரிய ஸ்தானமான மூன்றாம் வீட்டின் மீதும் அங்கு பலம் பெற்று (ராகு/ கேது பகவான்களுக்கு 3, 6,11 ஆம் வீடுகள் பலம் பெற்றவை)அமர்ந்திருக்கும் ராகுபகவானின் மீதும் படிகிறது.
     ராகுபகவான் பயணக்கிரகமாவதால் பயணங்களாலும் நன்மைகள் கூடும். குருபகவானின் ஒன்பதாம் பார்வை பூர்வபுண்ணிய புத்திர புத்தி ஸ்தானத்தின் மீது படிகிறது. இதனால் குழந்தைகளும் நல்ல நிலையை எட்டி விடுவார்கள். ஐந்தாம் வீடு வலுத்தவர்களுக்கு லாட்டரி போன்ற திடீர் அதிர்ஷ்டங்களும் கிடைக்கும். குருபகவான் எட்டாம் வீட்டிற்கு இரண்டாம் வீட்டில் இருப்பதால் அஷ்டமாதிபதியும் பலம் பெறுகிறார் என்றும் புரிந்து கொள்ள வேண்டும். தொழில் ஸ்தானத்தில் புதபகவான் கல்விக்காரகராகி (கணக்கன் என்றும் அழைக்கப்படுகிறார்) தனித்து வலுவாக உள்ளதால் ஆடிட்டர் படிப்பு படித்து அதன் மூலம் வேலை அமைந்தது. மேலும் புதபகவானின் பார்வை கல்வி ஸ்தானத்தின் மீதும் படிவதால் மேலாண்மை படிப்பை பிரபல பல்கலைக்கழகங்களில் படிக்கவும் வாய்ப்புண்டாகும். தொழில் ஸ்தானாதிபதியான சுக்கிரபகவான் லாப ஸ்தானத்தில் அமர்ந்து நவாம்சத்தில் உச்சம் பெறுகிறார். தொழில் ஸ்தானாதிபதியும் லாபாதிபதியும் பரிவர்த்தனைபெறுவதும் விசேடமாகும். இதனால் தொழில் வகையில் இறுதிவரை எந்த பெரிய பின்னடைவும் உண்டாகாது.
     பொதுவாக, நிரந்தர வெளிநாடு வாசத்திற்கு ஒன்பதாம் வீடும் பன்னிரண்டாம் வீடும் பலம் பெற்றிருக்க வேண்டும். அதோடு களத்திர, நட்பு ஸ்தானமும் ஸ்தானாதிபதியும் கூடுதல் பலத்தோடு இருந்தால் திருமணத்திற்குப்பிறகு வெளிநாடு சென்று பொருளீட்டவும் வாழ்க்கைத் துணையின் மூலமும் வருமானம் வரவும் வாய்ப்புண்டாகும். உங்களுக்கு பன்னிரண்டாம் வீட்டில் பன்னிரண்டாமதிபதி ஆட்சி பெற்று விபரீத ராஜயோகமும் பெற்றிருக்கிறார்.
     அவருடன் ஆறு மற்றும் ஏழாம் வீட்டிற்கும் அதிபதியான சனிபகவானும் இணைந்து இருக்கிறார். ஆறாம் வீட்டுக்கதிபதி சேவகம் (சர்வீஸ்) செய்வதைக் குறிக்கிறார். அதனால் உங்களுக்கு நிரந்தர வெளிநாட்டு வாசம் உண்டாகும். தற்சமயம் சுக்கிரபகவானின் தசை முடிய இன்னும் இரண்டாண்டுகள் உள்ளன. அதாவது, சுக்கிரபகவானின் தசையில் புதபகவானின் புக்தி நடக்கிறது. அதனால் இன்னும் ஓராண்டுக்குள் நீங்கள் வசிக்கும் வளைகுடா நாட்டிலேயோ அல்லது ஆஸ்திரேலியா, நியூசிலாந்து, சிங்கப்பூர் போன்ற நாடுகளிலோ நல்ல வருமானம் கிடைக்கும் உத்தியோகம் கிடைத்துவிடும்.
     கேதுபகவான் 17 ஆம் பாகையிலும் குருபகவான் 28 ஆம் பாகையிலும் இருக்கிறார்கள். அதனால் அனைத்து கிரகங்களும் (லக்னம் உட்பட) கேது மற்றும் ராகு பகவான்களின் பிடிக்குள் அடங்கியிருப்பதால் காலசர்ப்ப யோகம் உண்டாகிறது. பொதுவாக, கால சர்ப்ப யோகம் உள்ளவர்களுக்கு 32 வயதுக்கு மேல் யோகங்கள் உண்டாகும் என்று கூறப்பட்டிருந்தாலும் பலருக்கு 26 வயதிலிருந்தே நற்பலன்கள் நடக்கத் தொடங்கிவிடுகிறது என்பது அனுபவ உண்மை. அதோடு, இத்தகையோர் வாழ்க்கையில் பெரும் சாதனைகளைச் செய்கிறார்கள். உங்களுக்கு தொடரும் சூரியபகவானின் தசையில் பிற்பகுதியிலிருந்து மறுபடியும் உயர்வு அனுகூலமான திருப்பங்கள் உண்டாகும். எதிர்காலம் சிறப்பாக அமையும். பிரதி ஞாயிற்றுக்கிழமைகளில் சிவபெருமானை வழிபட்டு வரவும்.
     
     

ராசி பலன்கள்

  • அதிகம்
    படிக்கப்பட்டவை
  • அதிகம் இ-மெயில் செய்யப்பட்டவை