சென்னையைச் சேர்ந்த டிவிஎஸ் மோட்டார் நிறுவனத்தின் வாகன விற்பனை சென்ற செப்டம்பரில் 23 சதவீதம் அதிகரித்தது.
இதுகுறித்து அந்த நிறுவனம் செவ்வாய்க்கிழமை வெளியிட்ட செய்திக்குறிப்பில் தெரிவித்துள்ளதாவது:
டிவிஎஸ் மோட்டார் நிறுவனம் சென்ற செப்டம்பர் மாதத்தில் 3,59,850 வாகனங்களை விற்பனை செய்தது. கடந்த ஆண்டின் இதே கால அளவில் விற்பனையான 2,93,257 வாகனங்களுடன் ஒப்பிடுகையில் இது 23 சதவீத வளர்ச்சியாகும்.
மொத்த இருசக்கர வாகன விற்பனை 22 சதவீதம் அதிகரித்து 3,50,854}ஆக இருந்தது. ஏற்றுமதி 38,164 என்ற எண்ணிக்கையிலிருந்து 34 சதவீதம் உயர்ந்து 50,971}ஆக ஆனது என்று டிவிஎஸ் மோட்டார் அந்த செய்திக்குறிப்பில் தெரிவித்துள்ளது.