ஹார்லி டேவிட்ஸன் இந்தியா நிறுவனம் இரண்டு மாடல் பைக்குகளுக்கான விலையை ரூ.2.50 லட்சம் வரையில் குறைப்பதாக வெள்ளிக்கிழமை அறிவித்தது.
இதுகுறித்து அந்த நிறுவனம் வெளியிட்ட அறிக்கையில் தெரிவித்துள்ளதாவது:
ஹார்லி டேவிட்ஸனின் ஃபேட் பாய் மாடலின் விலை
ரூ. 17,01,000-லிருந்து ரூ. 2,01,010 குறைக்கப்பட்டு தற்போது ரூ.14,99,990-ஆக நிர்ணயிக்கப்பட்டுள்ளது.
அதேபோன்று, ஹெரிடேஜ் ஸாப்ட்டெய்ல் கிளாஸிக் மாடலின் விலையும் ரூ.18,50,000-லிருந்து ரூ.2,50,010 குறைக்கப்பட்டு தற்போது ரூ.15,99,990-ஆக நிர்ணயிக்கப்பட்டுள்ளது.
இந்த விலைக் குறைப்பு 2017-ஆம் ஆண்டு மாடல்களுக்கு மட்டும் பொருந்தும். மேலும், செப்டம்பர் 1-ஆம் தேதி தொடங்கிய இந்த விலைக் குறைப்பு சலுகையை வாடிக்கையாளர்கள் அந்த மாடல் பைக்குகள் கையிருப்பில் உள்ளவரை மட்டுமே பயன்படுத்திக் கொள்ள முடியும் என்று ஹார்லி டேவிட்ஸன் அந்த அறிக்கையில் தெரிவித்துள்ளது.