ஐஷர் மோட்டார்ஸின் இரு சக்கர வாகன பிரிவான ராயல் என்ஃபீல்ட் நிறுவனத்தின் பிப்ரவரி மாத விற்பனை 25 சதவீதம் அதிகரித்தது.
இதுகுறித்து அந்த நிறுவனம் வெளியிட்ட அறிக்கையில் தெரிவித்துள்ளதாவது:
சென்ற பிப்ரவரி மாதத்தில் ராயல் என்ஃபீல்டு விற்பனை 73,077-ஆக இருந்தது. கடந்த ஆண்டின் இதே கால அளவில் விற்பனையான 58,439 வாகனங்களுடன் ஒப்பிடுகையில் இது 25 சதவீதம் அதிகமாகும்.
நிறுவனத்தின் மோட்டார் சைக்கிள் ஏற்றுமதி 1,702 என்ற எண்ணிக்கையிலிருந்து 1 சதவீதம் உயர்ந்து 1,723-ஆக இருந்தது என ராயல் என்ஃபீல்டு அந்த அறிக்கையில் தெரிவித்துள்ளது.