இந்தியாவின் இருசக்கர வாகனச் சந்தையில் தொடர்ந்து முதலிடத்தை வகித்து வரும் ஹீரோ மோட்டோகார்ப் நிறுவனத்தின் விற்பனையை, அதன் முன்னாள் கூட்டாளியான ஜப்பானின் ஹோண்டா மோட்டார்சைக்கிள் நெருங்கியுள்ளது. இவ்விரு நிறுவனங்களுக்கிடையிலான ஏப்ரல் மாத விற்பனை வித்தியாசம் வெறும் 12,134 வாகனங்கள் மட்டுமே.
அந்த மாதத்தில், 6.81 லட்சம் ஹோண்டா இருசக்கர வாகனங்கள் விற்பனையாகியுள்ளன. முந்தைய 2017-ஆம் ஆண்டின் ஏப்ரல் மாதத்தோடு ஒப்பிடுகையில், இது 18 சதவீத வளர்ச்சியாகும்.
முதலிடத்தை வகிக்கும் ஹீரோ நிறுவனம், கடந்த ஏப்ரல் மாதத்தில் 6.94 லட்சம் இருசக்கர வாகனங்களை விற்பனை செய்துள்ளது. அந்த வகையில், தற்போது ஹீரோ மோட்டோகார்ப் நிறுவனத்துக்கும், ஹோண்டா மோட்டார்சைக்கிள் அண்டு ஸ்கூட்டர் இந்தியா நிறுவனத்துக்கும் இடையிலான விற்பனை இடைவெளி வெறும் 12,134 வாகனங்களாக சுருங்கியுள்ளது.