சென்னை: இசையமைப்பாளர் , நடிகர் ஜி.வி.பிரகாஷின் புதிய படத்தில் அவருக்கு வில்லனாக நகைச்சுவை நடிகர் வடிவேலு நடிக்க உள்ளதாக தகவல்கள் வெளியாகியுள்ளன.
'லொள்ளு சபா' புகழ் ராம்பாலா ஏற்கனவே நடிகர் சந்தானத்தை வைத்து தில்லுக்கு துட்டு என்ற படத்தை இயக்கி இருந்தார். தற்போது அவர் நடிகர் ஜி.வி. நடிக்கும் படத்தை இயக்க உள்ளார். முன்னணி நடிகை ஒருவரை கதாநாயகியாக நடிக்க வைக்கவும் பேச்சுவார்த்தைகள் நடந்து வருவதாக கூறப்படுகிறது.அத்துடன் இந்த படத்தில் நகைச்சுவை நடிகர் வடிவேலு முக்கிய கதாபாத்திரத்தில் நடிக்க ஒப்பந்தமாகியுள்ளதாக கூறப்படுகிறது.
தற்போது இந்த படத்தில் வடிவேலு நடிக்கும் கதாபாத்திரம் பற்றிய கூடுதல் தகவல்கள் வெளியாகியுள்ளது. அதன்படி, இப்படத்தில் வடிவேலு நகைச்சுவை கலந்த வில்லன் கதாபாத்திரத்தில் நடிக்க இருப்பதாக கூறப்படுகிறது.