‘இதயம்’ என்று சொல்லும் போது இலக்கியத்திலும், வாழ்க்கையிலும் அன்பின் நெகிழ்ச்சியோடும், உணர்ச்சிப் பரவசத்தோடும் அச்சொல் பயன்படுத்தப்படுகிறது. இருதயம் என்று சொல்லும் போது மனித உடலின் பிரஹானமான உறுப்பு என்ற உணர்வு ஏற்படுகிறது. இருதயத்தில் ஏதேனும் சிறுமாற்றமோ, பாதிப்போ ஏற்பட்டால் மனிதன் பதறிப் போகிறான். வாழ்வின் அந்திமக் கட்டத்தில் நுழைந்து விட்டதாகப் பீதியடைகிறான்.
இருதயத்தின் அமைப்பு மற்றும் இயக்கக் கோளாறுகளுக்குச் சிகிச்சையளிக்க நிபுணர்கள் பெருகிவிட்டனர். நவீன மருத்துவ விஞ்ஞானக் கருவிகளின் துணை கொண்டு இருதயத்தின் பழுதுகளைத் துல்லியமாகக் கண்டறிய முடிகிறது. அவற்றைச் சீர்படுத்தும் போது தான் ஆங்கில மருத்துவம் தோல்விகளைத் தழுகிறது. பைபாஸ் சர்ஜரி முதல் செயற்கை இருதயம் பொருந்துதல் வரை நவீன சிகிச்சை என்ற பெயரில் ஒரு மனிதன் நிரந்திர நோயாளி ஆக்கப்பட்டு முடக்கி வைக்கப்படுகிறான். பல்வேறு உலகத்தரம் வாய்ந்த சிகிச்சைகளுக்குப் பிறகும் பெயரளவுக்கு உயிரோடிருந்து விட்டு குறுகிய காலத்தில் மரணத்தைத் தழுவுகிறான்.
இருதயம் ரத்தக் குழாய்கள் மூலம் உடல் உறுப்புக்களுக்கு ரத்தம் அனுப்புகிறது. அந்த இருதயத்துக்கே ரத்தம் செலுத்தும் சிறிய ரத்தக் குழாய்கள் ‘கரோனரித் தமனிகள்’ (Coronary Arteries) என அழைப்படுகின்றன. உடலின் எல்லாத் தசைகளையும் போலவே இருதயத் தசைக்கும் பிராணவாயும் (Oxygen) ஆற்றலும் கலந்த ரத்த ஓட்டம் தேவை. இதற்கான ரத்தத்தைக் கொண்டு செல்லும் ‘கரோனரித் தமனிகளில்’ தவறான உணவுப் பழக்க வழக்கங்கள், முதுமை, கொழுப்புச் சேமிப்புகள் (Cholestrol) தீவிரகோபம், துயரம் போன்ற காரணங்களால் அடைப்பு ஏற்படுகிறது. இது Coronary Thrombosis எனப்படுகிறது. முடிக்கொண்ட தமனி மூலம் ரத்தம் சென்று வளர்க்கப்பட வேண்டிய இதயத் தசைபாகம் பாதிக்கப்பட்டு அழிவு ஏற்படுகிறது.
இந்த அடைப்பு (மாரடைப்பு) காரணமாக மூச்சு முட்டுகிறது. வியர்த்துக் கொட்டுகிறது. முகம் வெளிறுகிறது. பயமும், பதற்றமும், பலவீனமும், வேதனையும் விவரிக்க முடியாதளவு ஏற்படுகிறது. கரோனரித் தமனிகளின் பாதிப்பு மூலம் இருதயம் போதியளவு சுருங்கி விரியும் தன்மையை இழக்கிறது. இதுவே முழுமையான இருதயச் செயலிழப்பிற்கு (Heart Failure) வழிவகுக்கிறது.
எந்த தமனி வீக்கம் (Aneurysm)? எங்கே உட்சுவர் அடைப்பு (Arterosleroses)? எங்கே ரத்த உறைவு (Thrombosis) என்று Angiography முறையில் கண்டறியப்படுகிறது. எந்த இடத்தில் அடைபட்டிருக்கிறதோ அந்த இடத்தில் ஓட்டப் பாதையில் மாற்றுப்பாதை (By pass) உருவாக்கப்படுகிறது. இதற்காக காலிலிருந்து ஒரு தமனி (Femoral Artery) எடுத்து மாற்றப்பாதைக்கான அறுவைச் சிகிச்சை மேற்கொள்ளப்படுகிறது. முழு மயக்க நிலையில், நெஞ்சு எலும்புகளை அறுத்து, இருதயத்தைத் திறந்து செய்யப்படும் இத்தகைய ஆபரேஷனுக்குப் பின் மீண்டும் அடைப்பு ஏற்பட்டால்.. மீண்டும் ஆபரேஷன் தான்!
மாற்றுப்பாதை சிகிச்சையைவிட மாற்றுமுறை மருத்துவச் சிகிச்சை நம்பகமானது. முக்கியமான இருதய உபாதைகளாகக் கருதப்படும் திடீர் இருதய தசை ரத்த குழாய் அடைப்பால் ஏற்படும் மாரடைப்பு மற்றும் பல உபாதைகளுக்கு ஹோமியோபதியில் மின்னல் வேகத்தில் நிவாரணமளித்து குணப்படுத்தும் பல மருந்துகள் உள்ளன.
துயரக் குறிகள் மற்றும் மனநிலை அடிப்படையில் உடனுக்குடன் உரிய மருந்தை தேர்வு செய்து சிகிச்சையளித்தால் எந்த ஆபத்தும் நெருங்காது.
அகோனைட், ஆர்னிகா, லேட்ரோடக்டஸ், மெக்பாஸ்
திடீர் இருதய வலியின் போது அவசர உபயோகத்திற்குப் பயன்படும் அற்புத மருந்துகள் இவை. அமைதியின்மை, வேதனை, பதற்றம், பயம் எல்லாம் மந்திரசக்தி போல் குறையும்.
காக்டஸ் கிராண்டிஃபுளோரா
இருதயத்தை இரும்புப் பட்டை கொண்டு இறுக்கும் வலியுடன் பலவீனம் கைகல்கள் குளிர்ச்சி, இடது கையில் மதமதப்பு, வீக்கம், ஊசி குத்தும் உணர்ச்சி.
ஸ்பைஜீலியா
தைக்கும் வலியுடன் படபடப்பு – அசைந்தால் வலி அதிகரிக்கும். இடது பக்கம் படுக்க முடியாது.
நாஜா
வலி இடது தோள்பட்டை மற்றும் கழுத்தின் பின்பகுதி வரைப் பரவும். குளிர்ந்த வியர்வையுடன் பதற்றமும் மரணபயமும் காணப்படும். தூக்கத்தின் போது திடீரென உபாதைகள் தோன்றும்.
வில்லியம் டிக்ரினம், நாஜா, ஸ்பைஜீலியா
வலி இடது தோள் வரை பரவும்
அகோனைட், காக்டஸ், கால்மியா, லாட்ரோடக்டஸ், நாஜா, ஸ்பைஜீலியா
வலி இடது கைக்குள்ளும் பரவும்
அகோனைட், காக்டஸ், கால்மியா, லாட்ரோடக்டஸ், நாஜா, ஸ்பைஜீலியா
வலி வலது கைக்குள் ஊடுருவும்.
ஸ்ட்ரோபந்தஸ்
மது, புகை, டீ காரணமாக இருதய இயக்கம் பலவீனம் – பாதிப்பு
ஆர்சனிகம் ஆல்பம், டபாகம், ஸ்பைஜீலியா
புகை பிடிப்பதால் இருதய உபாதைகள் அதிகமாகுதல்
கிரேடகஸ், அடோனிஸ்
இருதய பாதிப்புடன் தூக்கமின்மை
கன்வலேரியா
இருதய வால்வு கோளாறு இருதய வீக்கம்
ஸ்பாஞ்சியா
இருதய வால்வுகளின் உபாதைகளுக்குச் சிறந்த மருந்து
கால்மியா, ஸ்பைஜிலியா
வலி உடலின் பல திசைகளுக்கும் பரவும்
டிஜிடாலிஸ்
இருதய வலியின் போது நாடித் துடிப்பு குறைதல்
ஸ்பைஜிலியா, பல்சடில்லா
இருதயத் துடிப்பு காதில் கேட்குமளவு ஓசையுடன் இருத்தல்
கோல்சிகம்
அறை முழுவதும் கேட்கும்படியான நாடித்துடிப்பு (பிறக்கும்போதே வால்வுக் கோளாறு உள்ள குழந்தைகளுக்கு நன்றாகக் கேட்கும்)
ஆர்ஸ் அயோடு, ஆரம் ஆர்ஸ்
பிறவியிலேயே இருந்தயக் கோளாறு
டிஜிடாலிஸ்
அசைந்தால் இருதயம் நின்றுவிடும் என அசையாமல் இருத்தல்
ஜெல்சிமியம்
அசையாமல் இருந்தால் இருதயம் நின்றுவிடும் என்று கருதி நடந்து கொண்டே இருத்தல்.
அஸ்பிடோஸ்பெர்மா, நாஜா, பாரிடாகார்ப்
இருதய சம்பந்தமான ஆஸ்துமா, (இதயத்துக்குத் தேவையான பிராணவாயுவை நுரையீரல் வழங்குகிறது) நுரையீரலுக்குத் தேவையான சுத்தமான நல்ல ரத்தத்தை இதயம் வழங்குகிறது. இதயம் சரியாக இயங்காத சூழ்நிலையில் நுரையீரலுக்குச் செல்ல வேண்டிய ரத்த ஓட்டம் தடைப்பட்டு, நுரையீரலின் இயங்கு சக்தி பாதிக்கப்படுகிறது. மூச்சுத் திணறல் ஏற்படுகிறது. இது இருதய சம்பந்தமான ஆஸ்துமா (Cardian Asthma) எனப்படுகிறது.
Dr.S.வெங்கடாசலம்
மாற்றுமருத்துவ நிபுணர்
சாத்தூர்,
செல் – 94431 45700