வெயிலுக்கு மிகவும் பெயர் போன ஹைதராபாத்தில் தற்போது குளிர்காலத்திலும் வானிலையில் மிகப்பெரிய மாற்றமின்றி நிலவுகிறது. வெப்ப நாட்களில் உயிரிழப்புகள் ஏற்படும் அளவுக்கு கடுமையான வெப்பம் வீசும் ஹைதராபாத் நகரின் தற்போதைய வெப்பநிலை வழக்கத்தை விட 4 முதல் 8 டிகிரி கூடுதலாகவே உள்ளது.
குறிப்பாக குளிர்காலங்களில் 10 டிகிரிக்கும் குறையும் வெப்பநிலை அளவு 21 டிகிரியாக தொடர்கிறது. ஞாயிற்றுக்கிழமை அது 15 டிகிரியாக குறைந்தது. இருப்பினும் அதிகபட்சமாக கம்மா மாவட்டத்தின் வெப்பநிலை 36.7 டிகிரியாக பதிவானது. செகந்தராபாத்தில் 34.6 ஆகப் பதிவானது.
இந்நிலையில், அவ்வப்போது மழையும் பெய்து வருகிறது. பருவநிலை மாற்றங்கள் காரணமாகவே இதுபோன்று நிகழ்வதாக இந்திய வானிலை ஆய்வு மையம் தெரிவித்துள்ளது.