அறிதலின் எல்லையில்

உயிரினை அறிதல் என்பது நம் இருப்புக்கே ஆதாரமானது. ஆனால் அதில் இருக்கும் சிக்கல்களும் மனத்தடைகளும் நம் மானுடத்தின் எதிர்காலத்துக்கே ஆபத்தாகவும் முடியலாம். ஏனெனில், உயிர் எனும் பெரும் வலைப்பின்னலில் மானுடம் என்பது ஓர் இழைதான். அதை நாம் அறிவியல்பூர்வமாக உணர்ந்துகொள்ள வேண்டியது அவசியம். அத்தகைய அறிவியல் அறிதலுக்கு ஆதாரமாகத் தேவை, செழுமையான பன்மைத்துவம் கொண்ட தத்துவ அடிப்படைகள். ஒருவர் உருவாக்கும் மனத்தடை, மற்றொருவர் முன்வைக்கும் அறிவியல் பார்வைக்குத் தடையை ஏற்படுத்தலாம். அத்தகைய தடைகள் அற்ற பரந்து விரிந்த ஒரு தளத்தில் இருந்தே நாளைய உயிரியல் முளைத்தெழ இயலும். அதற்கான ஒரு முயற்சியே இத்தொடர்.

அரவிந்தன் நீலகண்டன்

அரவிந்தன் நீலகண்டன்

அரவிந்தன் நீலகண்டன், நாகர்கோயிலைச் சேர்ந்தவர். உளவியலிலும் பொருளியலிலும் பட்டம் பெற்றிருக்கிறார். கன்னியாகுமரி விவேகானந்த கேந்திரத்தின் இயற்கை வள அபிவிருத்தித் திட்டத்தில் களப்பணியாளராக சேவை செய்கிறார்.

நிகழ்தமிழின் முக்கியமான சிந்தனையாளர்களுள் ஒருவர். சமூகவியல், அறிவியல், இந்துமதம், வரலாறு, உளவியல், சூழலியல் ஆகிய பன்முகப்பட்ட துறைகளிலும் ஆழ்ந்த வாசிப்பும், புலமையும் கொண்டவர்.

அரசியல் மற்றும் பண்பாட்டு ஆய்வுக் கட்டுரைகளை எழுதி வருவதுடன், அறிவியல், சமூகவியல், திரைப்படம், ஆன்மிகம் சார்ந்து நூற்றுக்கும் மேற்பட்ட கட்டுரைகளையும் எழுதியிருக்கிறார். நாளைய தலைமுறைக்கான தேவைகளை உணர்ந்து தனது எழுத்துகள் மூலம் ஒரு மௌனமான தனிநபர்ப் போராட்டத்தை இடைவிடாது மேற்கொண்டு வருபவர்.

  • அதிகம்
    படிக்கப்பட்டவை
  • அதிகம் இ-மெயில் செய்யப்பட்டவை