சென்னை: அதிமுகவில் 19 அமைப்புச் செயலாளாளர்கள் உள்ளிட்ட புதிய நிர்வாகிகளை நியமனம் செய்து முதல்வர் பழனிசாமி மற்றும் துணை முதல்வர் ஓ.பன்னீர்செல்வம் இருவரும் அறிவித்துள்ளனர்
அதிமுகவில் ஏற்கனவே நிரப்பபட வேண்டிய நிர்வாகிகள் மற்றும் கூடுதல் நிர்வாகிகள் பட்டியலை அதிமுக வழி நடத்தும் குழுவின் ஒருங்கிணைப்பாளர்களான முதல்வர் பழனிசாமி மற்றும் துணை முதல்வர் ஓ.பன்னீர்செல்வம் இருவரும் அறிவித்துள்ளனர்
அதன்படி பண்ருட்டி ராமச்சந்திரன், பொன்னையன், சீனிவாசன், செங்கோட்டையன், ராஜகண்ணப்பன், நத்தம் விஸ்வநாதன், சி.வி,சண்முகம்,மைத்ரேயன், ஜெயக்குமார், சேவூர் ராமசந்திரன் உள்ளிட்ட 19 பேர் புதிய அமைப்புச் செயலாளாளர்களாக நியமிக்கப்பட்டுள்ளனர்.
அதேபோல் அதிமுகவின் துணைக் கொள்கை பரப்புச் செயலாளராக முன்னாள் அமைச்சர் வைகைச்செல்வன் நியமிக்கப்பட்டுள்ளார்.
மேலும் அத்துடன் தென் சென்னை, வேலூர் கிழக்கு, தஞ்சாவூர், திருச்சி, தென் சென்னை, தேனி மற்றும் விழுப்புரம் உள்ளிட்ட மாவட்ட செயலர்களும் மாற்றப்பட்டுள்ளனர்.
அதிமுக செய்தித்தொடர்பாளராக இருந்து வந்த கே.சி.பழனிசாமி, ஆந்திர கட்சிகள் மோடி அரசு மீது கொண்டு வரும் நம்பிக்கையில்லா தீர்மானத்தில் மோடி அரசுக்கு எதிராக அதிமுக வாக்களிக்கும் என்று கருத்து தெரிவித்த அதிமுக செய்தித்தொடர்பாளர் கே.சி.பழனிசாமி கட்சியின் அடிப்படை பொறுப்பில் இருந்து நீக்கப்பட்டுள்ளார்.