சீன அதிபராக ஏகோபித்த ஆதரவுடன் மீண்டும் தேர்வாகியுள்ள ஜி ஜின்பிங்குக்கு பிரதமர் நரேந்திர மோடி வாழ்த்து தெரிவித்துள்ளார்.
இதுதொடர்பாக ‘விய்போ’வில் அவர் இன்று பதிவிட்டுள்ள வாழ்த்து செய்தியில், ‘சீன குடியரசின் அதிபராக மீண்டும் தேர்வு செய்யப்பட்டுள்ள உங்களுக்கு நல்வாழ்த்துகளை தெரிவித்து கொள்கிறேன்.
சீனா-இந்தியா இடையிலான நமது இருதரப்பு உறவுகள் மேலும் மேம்பாடு அடையும் வகையில் உங்களுடன் தொடர்ந்து பணியாற்ற ஆர்வமாக உள்ளேன்’ என குறிப்பிட்டுள்ளார்.