பிறப்பு மட்டும் மறு ஜென்மம் அல்ல
இந்த உலகில் ஒவ்வொரு பொழுதும்
மறுஜென்மமே.
ஒரு வேளையின் முடிவு தான்
மற்றொரு வேளைக்கு மறு ஜென்மம்
மரத்திற்க்கும் உண்டு மறு ஜென்மம்
பூவின் மறு ஜென்மம் காய்:
காயின் மறு ஜென்மம் கனி
கனியின் மறு ஜென்மம் விதை:
விதையின் மறு ஜென்மம்
இன்னொரு மரம்.
உயிருள்ள பொருளுக்கு மட்டும் அல்ல
மறுஜென்மம்
உயிரில்லாத பொருளுக்கும் உண்டு
மறுஜென்மம்
ஒரு பொருள் உடைந்தால்
மறுபொருளாகிறது.அது
அதன் மறு ஜென்மம்.
ஒரு தாய்க்கு பிரசவம்
இருவருக்கு மறு ஜென்மம்.
தோல்வியைக் கண்டு
துவண்டு விடாதே மானிடா
எதிர்த்து நில் வெற்றி நிச்சயம்.!
உயிரில்லா பொருளுக்கே
மறுஜென்மம் இருக்கும் பொழுது
உன் தோல்விக்கு இன்று
மறுஜென்மம் என்று நினை.
தோல்வியின் மறுஜென்மமே வெற்றி.