அகத்தின் அழகை முகத்தில் வெளிச்சம்
போட்டுக் காட்ட கூர் விழிகள் நடத்தும்
யுத்தம் ஒரு மௌன யுத்தம் !
வாய் பொய் சொன்னாலும் கண்
சொல்லாது பொய் ! கண்கள் பேசி
உண்மை தெரியும் யுத்தம் ஒரு
தர்ம யுத்தம் !
கருவிழி அடையாளம் தனி மனிதன்
ஆதாரம் ...நித்தம் நித்தம் முளைக்கும்
பித்தர் சிலரின் தகாத செயலை இனம்
கண்டு அதை களை எடுக்க கண்கள்
செய்வது அறிவியல் யுத்தம் !
தான் குடியிருக்கும் உடல் மறைந்தாலும்
தான் அழியாமல் தன் விழி வழியே
இன்னொரு உயிர் இந்த பூவுலகைப்
பார்க்க தன்னையே தானமாகக் கொடுக்கும்
கண் தானம் கண்கள் செய்யும் ஒரு
அதிசய யுத்தம் !