சென்னை: தமிழகத்தில் நிர்வாகம் ஸ்தம்பித்து கோமா நிலையில் உள்ளது என்று எதிர்க்கட்சித் தலைவர் மு.க. ஸ்டாலின் கூறினார்.
சட்டப்பேரவையை உடனடியாகக் கூட்டக் கோரி சபாநாயகரிடம் மனு அளித்த பின்னர் ஸ்டாலின் செய்தியாளர்களை சந்தித்தார்.
அப்போது அவர் பேசுகையில், சட்டப்பேரவையை உடனடியாகக் கூட்டக் கோரி சபாநாயகரிடம் மனு கொடுத்தோம். பேரவையைக் கூட்டுவது பற்றி முதல்வரிடம் பேசி முடிவு எடுத்து அறிவிப்பதாக சபாநாயகர் உறுதி அளித்துள்ளார்.
விவசாயிகள் பிரச்னை குறித்து பேரவையில் பேச வேண்டும். முதல்வரை சந்தித்து மனு அளிக்க முயன்றும் முடியவில்லை.
அதிமுக பிரச்னையில் தலையிடுவது திமுகவின் மரபல்ல. ஊரைக் கொள்ளையடித்து ஒன்றாக இருந்தவர்கள் தற்போது பிரிகிறார்கள் என்று ஸ்டாலின் கூறினார்.