அதிமுகவில் எந்தப் பிரச்னையும் இல்லை: வி.கே. சசிகலா

அதிமுகவில் எந்தப் பிரச்னையும் இல்லை. நாங்கள் அனைவரும் ஒரே குடும்பமாகத்தான் இருக்கிறோம். இந்தக் குழப்பங்களின் பின்னணியில் திமுகதான் உள்ளது என்று அதிமுக பொதுச் செயலர் வி.கே. சசிகலா செய்தியாளர்களுக்குப் பேட்டியளித்தார்.
இதுகுறித்து அவர் மேலும் கூறியதாவது: கடந்த 4 நாள்களுக்கு முன்பு நடைபெற்ற சட்டப்பேரவைக் கூட்டத் தொடரில் முதல்வரும் (ஓ. பன்னீர்செல்வம்), எதிர்க்கட்சித் தலைவரும் (ஸ்டாலின்) ஒருவருக்கொருவர் பேசிக்கொண்டும் சிரித்துக்கொண்டும் இருந்தார்கள். அதனால்தான் சொல்கிறேன். இந்தக் குழப்பங்களுக்குப் பின்னால் திமுக உள்ளது.
ஓ. பன்னீர்செல்வம், என்னுடன் நன்றாகத்தான் பேசிக்கொண்டிருந்தார். அவரை எந்த வகையிலும் நாங்கள் நிர்பந்தப்படுத்தவில்லை என்றார் அவர்.