மேட்டூர் அணையிலிருந்து திறக்கப்படும் நீரின் அளவு அதிகரிக்கப்பட்டுள்ளது.
அணையிலிருந்து அதிகபட்சமாக குடிநீருக்கு நொடிக்கு 2,000 கன அடி தண்ணீர் திறக்கப்படும். நீர் இருப்பு குறைந்தபட்ச அளவுக்கு கீழே சரிந்ததால், குடிநீர்த் தேவைக்கு கடந்த சில வாரங்களாக நொடிக்கு 450 கன அடி வீதம் தண்ணீர் திறக்கப்பட்டு வந்தது. திங்கள்கிழமை இரவு 10 மணி முதல் குடிநீருக்குத் திறக்கப்படும் நீரின் அளவு நொடிக்கு 600 கன அடியாக அதிகரிக்கப்பட்டுள்ளது. செவ்வாய்க்கிழமை காலை நீர்மட்டம் 32.29 அடியாகச் சரிந்தது. அணைக்கு நொடிக்கு 54 கன அடி வீதம் தண்ணீர் வந்துகொண்டிருந்தது. அணையிலிருந்து குடிநீர்த் தேவைக்காக நொடிக்கு 600 கன அடி வீதம் தண்ணீர் திறக்கப்பட்டிருந்தது. அணையின் நீர் இருப்பு 8.46 டி.எம்.சி.