மத்திய அரசின் பொது விநியோகத் திட்ட அரசாணை விவரம்

மத்திய அரசு ரூ.1 லட்சத்துக்கும் மேல் ஆண்டு வருமானம் உள்ளவர்கள் பொது விநியோகத் திட்டத்தில் இருந்து விலக்கப்படுகிறார்கள் என்று திங்கள்கிழமை அரசாணை வெளியிட்டது. 

இந்த அரசாணையில் வெளியிட்ட விவரம் பின்வருமாறு:

புதிய திட்டத்தின் அடிப்படையில் பொதுவிநியோகத் திட்டத்தில் சலுகை பெறுபவர்களின் விவரம்:-

நகர்ப்புறப் பகுதிகள்:

• அனைத்து அந்நியோதயா அன்னயோஜனா குடும்பங்கள்.
• அன்னபூர்ணா திட்ட பயனாளிகளை உறுப்பினர்களாகக் கொண்ட குடும்பங்கள்.
• நகர்புற ஆட்சி அமைப்புகளிடம் உள்ள அனைத்து வறுமை கோட்டிற்குக் கீழ் உள்ள குடும்பங்கள்.
• முதியோர் உதவித் தொகை திட்டப் பயணாளிகள் போன்ற இதர நலத்திட்டப் பயானாளிகள்.
• விதவை மற்றும் திருமணமாகாத பெண்மணியை குடும்பத் தலைவராகக் கொண்ட அனைத்து குடும்பங்கள்.
• மாற்றுத்திறனாளிகளை (40 சதவீதத்துக்கும் மேல் உடல் ஊனம் இருக்க வேண்டும்) குடும்பத் தலைவர்களாகக் கொண்ட குடும்பங்கள்.
• குடிசைப் பகுதிகளில் வசிப்பவர்கள், இடம் பெயர்ந்தவர்கள், வீடு இல்லாதவர்கள், வேலைத்திறன் குறைந்த குப்பை எடுப்பவர்கள், திறனில்லா தொழிலாளிகள் மற்றும் இதர அரசு நலத்திட்டங்களின் கீழ் பயன்பெறும் ஏழை பயனாளிகள்.

கிராமப்புற பகுதிகள்:

• அனைத்து அந்நியோதயா அன்னயோஜனா குடும்பங்கள்.
• அன்னபூர்ணா திட்ட பயனாளிகளை உறுப்பினர்களாகக் கொண்ட குடும்பங்கள்.
• கிராமப்புற உள்ளாட்சி அமைப்புகளிடம் உள்ள அனைத்து வறுமை கோட்டிற்கு கீழ் உள்ள குடும்பங்கள்.
• முதியோர் உதவித் தொகை திட்டப் பயனாளிகள் போன்ற இதர நலத்திட்ட பயனாளிகள்.
• விதவை மற்றும் திருமணமாகாத பெண்மணியை குடுபம்பத் தலைவராக கொண்ட அனைத்து குடும்பங்கள்.
• மாற்றுத்திறனாளிகளை (40 சதவீதத்துக்கும் மேல் உடல் ஊனம் இருக்க வேண்டும்) குடும்பத் தலைவர்களாகக் கொண்ட குடும்பங்கள்.
• விவசாய கூலி தொழிலாளர்களை கொண்ட குடும்பங்கள்.
• மக்கள் நிலை ஆய்வின் கீழ் கண்டறியப்பட்ட பாதிக்கப்பட்ட ஏழை குடும்பங்கள்.

புதிய திட்டத்தின் அடிப்படையில் பொதுவிநியோகத் திட்டத்தில் இருந்து நீக்கப்படுபவர்களின் விவரம்:-

• வருமான வரி செலுத்தும் நபரைக் குறைந்தது ஒரு உறுப்பினராகக் கொண்ட குடும்பங்கள்.
• தொழில்வரி செலுத்துபவர்களை உறுப்பினராகக் கொண்ட குடும்பங்கள்.
• பெரு விவசாயிகள் (5 ஏக்கருக்கு மேல் நிலம் வைத்துள்ளவர்கள்) என வகைப்படுத்தப்பட்ட குடும்பங்கள்.
• மத்திய, மாநில, உள்ளாட்சி அமைப்புகள், மாநகராட்சிகள், தன்னாட்சி அமைப்புகள் ஆகியவற்றில் பணிபுரிபவர்கள் மற்றும் பணிபுரிந்து ஓய்வு பெற்றவர்களை உறுப்பினர்களாகக் கொண்ட குடும்பங்கள்.
• நான்கு சக்கர மோட்டர் வாகனத்தை வைத்துள்ள குடும்பங்கள் (ஒரு நான்கு சக்கர வாகனத்தை வணிக பயன்பாட்டிற்காக தினசரி வாழ்வாதாரத்திற்கு வைத்துள்ள குடும்பங்கள் நீங்கலாக).
• குளிர்சாதனக் கருவி வைத்துள்ள குடும்பங்கள்.
• மூன்று அல்லது அதற்கு மேற்பட்ட அறைகளைக் கொண்ட தின்காரை, மேற்கூரை மற்றும் சுவர்களைக் கொண்ட வீடுகள்.
• பல்வேறு சட்டங்களின் கீழ் வணிக நிறுவனங்களை பதிவு செய்து செயல்படும் குடும்பங்கள்.
• அனைத்து ஆதாரங்களில் இருந்தும் பெறப்படும் ஆண்டு வருமானம் ரூ.1,00,000/- (ஒரு லட்சம் ரூபாய்) அதிகமாக உள்ள குடும்பங்கள்.