திமுக தலைவர் கருணாநிதி முன்பைவிட நலமாக உள்ளார் என்று மாநிலங்களவைத் திமுக குழுத் தலைவர் கனிமொழி கூறினார்.
சென்னையில் புதன்கிழமை அவர் அளித்த பேட்டி: கருணாநிதி முன்பைவிட நலமாக உள்ளார். சுவாசத்தைச் சீராக்குவதற்காக அவருக்குப் பொருத்தப்பட்டுள்ள 'டிரக்யாஸ்டமி' கருவியை எடுத்துவிடலாம் என்று மருத்துவர்கள் நம்பிக்கை தெரிவித்துள்ளனர். அதனால், கருணாநிதியின் உடல் நலம் தொடர்பான வதந்திகளை நம்ப வேண்டாம் என்றார்.