செந்தில் பாலாஜி, திமுகவில் சேர்ந்தது சந்தர்ப்பவாதம் என்று பாஜக மாநிலத் தலைவர் தமிழிசை சௌந்தரராஜன் தெரிவித்துள்ளார்.
இதுகுறித்து அவர் இன்று சென்னையில் செய்தியாளர்களுக்கு அளித்த பேட்டியில்,
மேக்கேதாட்டுவில் கர்நாடகா அணை கட்டுவதை தமிழக பாஜக எதிர்க்கும். கருணாநிதி சிலை திறப்பிற்கு ரஜினி செல்வதால் கூட்டணி ஒன்றும் மாறி விடாது.
கருணாநிதி சிலை திறப்பு விழாவை, திமுக கூட்டணி கட்சிகளின் விழாவாக தான் பார்க்க வேண்டும். எந்த விழாவாக இருந்தாலும், அதை கூட்டணிக்கட்சி விழா போல ஸ்டாலின் நடத்தி வருகிறார்.
செந்தில் பாலாஜி, திமுகவில் சேர்ந்தது சந்தர்ப்பவாதம். இவ்வாறு அவர் கூறினார்.