திமுக தலைவர் கருணாநிதி கடந்த ஞாயிற்றுக்கிழமை 95-ஆவது பிறந்தநாளை கொண்டாடினார். அவருடைய பிறந்தநாளுக்கு நாட்டில் உள்ள பல்வேறு அரசியல் கட்சித் தலைவர்கள் வாழ்த்துகளை தெரிவித்தனர். அதில், பாஜக-வின் மத்திய இணை அமைச்சர் பொன்.ராதாகிருஷ்ணனும் வாழ்த்து தெரிவித்தார்.
இதையடுத்து, அவர் நேற்று (திங்கள்கிழமை) கருணாநிதியின் சென்னை கோபாலபுரம் இல்லத்தில் அவரை நேரில் சந்தித்தும் வாழ்த்து தெரிவித்தார். இந்த சந்திப்பின் போது திமுக மாநிலங்களவை குழுத் தலைவர் கனிமொழியும் உடனிருந்தார்.
இந்த சந்திப்புக்கு பிறகு செய்தியாளர்களை சந்தித்த ராதாகிருஷ்ணன் கூறுகையில்,
"கருணாநிதியின் உடல் நிலையில் முன்னேற்றம் ஏற்பட்டுள்ளது. அவர் தமிழகம் மட்டுமில்லாது இந்தியாவிலேயே மூத்த அரசியல்வாதி. சிறந்த பேச்சாளர், எழுத்தாளர்" என்றார்.