காபூல்: பெண்களால், பெண்களுக்காக ஒளிபரப்பபப்படும் புயி டிவி சேனல், ஆப்கானிஸ்தானில் தனது ஒளிபரப்பைத் தொடங்கியுள்ளது.
ஆப்கானிஸ்தானில் பல துறைகளில் இன்னும் ஆண்களின் ஆதிக்கம் அதிகமாக இருக்கும் நிலையில், ஸான் டிவி (பெண்களுக்கான டிவி) கடந்த ஞாயிறன்று ஒளிபரப்பைத் தொடங்கியது.
இங்கு செய்தி வாசிக்கும் அனைவருமே பெண்கள், தயாரிப்பாளர்கள் முதல் உயர் அதிகாரிகள் என அனைவருமே பெண்களாக இருக்கிறார்கள்.
ஆப்கானிஸ்தானில் உள்ள பல செய்தி சேனல்களில் பெண் செய்தி வாசிப்பாளர்கள் வருவார்கள். ஆனால், முதல் முறையாக, இந்த தொலைக்காட்சியில் பணியாற்றும் அனைவருமே பெண்கள் என்பது குறிப்பிடத்தக்கது.
இந்த சேனலில் ஒளிபரப்பாகும் அனைத்து நிகழ்ச்சிகளுமே குறிப்பாக பெண்களுக்கானதாகவே அமைந்திருக்கும். இந்த நிகழ்ச்சிகளின் மூலம், பெண்கள் தங்களுக்கான உரிமைகளுக்காக குரல் எழுப்ப வேண்டும் என்ற விழிப்புணர்வ ஏற்படுத்த முடியும் என்கிறார் 20 வயதாகும் டிவி சேனல் தயாரிப்பாளர் கதிரா அஹ்மாதி.