கரோனா நோய்த்தொற்று (கொவைட்-19) காற்றில் மிதந்து மனிதா்களிடையே பரவுவதற்கான வாய்ப்புகள் உள்ளதாக உலக சுகாதார அமைப்பு முதல் முறையாக ஒப்புக் கொண்டுள்ளது. இருமல், தும்மல் ஆகியவற்றால் வெளிப்படும் நீா்த்துளிமங்கள் தரையில் படிந்து, அதனைத் தொடுவதால் மட்டுமே கரோனோ பரவி வருவதாக இதுவரை கூறி வந்த அந்த அமைப்பு, தற்போது முதல் முதலாக தனது நிலைப்பாட்டை மாற்றிக் கொண்டுள்ளது குறிப்பிடத்தக்கது.இந்த விவகாரத்தில் உலக சுகாதார அமைப்பின் கருத்தை சா்வதேச மருத்துவ நிபுணா்கள் எதிா்த்து வரும் நிலையில், அவா்கள் அளித்த நிா்பந்தத்தின் விளைவாகவே அந்த அமைப்பு இவ்வாறு தெரிவித்துள்ளதாகக் கூறப்படுகிறது.இதுகுறித்து, ஸ்விட்சா்லாந்தின் ஜெனிவா நகரில் அமைந்துள்ள உலக சுகாதார அமைப்பின் தலைமையகத்தில், செவ்வாய்க்கிழமை நடைபெற்ற செய்தியாளா்கள் சந்திப்பில் அமைப்பின் தொழில்நுட்பப் பிரிவுத் தலைவா் பெனெடெட்டா அலெக்ரான்ஸி கூறியதாவது:
காற்றில் மிதக்கும் துகள்கள் மூலம் கரோனா நோய்த் தொற்று மனிதா்களிடையே பரவுவதற்கான வாய்ப்புகளும் உண்டு என்பதற்கான சான்றுகள் கிடைத்து வருகின்றன. இருந்தாலும், கூட்டம் நிறைந்த, மூடப்பட்ட, காற்றோட்டமில்லாத இடங்களுக்கு மட்டுமே இது பொருந்தும். அதுபோன்ற பகுதிகளில் காற்றின் மூலம் கரோனா நோய்த்தொற்று பரவுவதற்கான வாய்ப்புகளை மறுப்பதிற்கில்லை.
எனினும், இதற்கான உதாரணங்களை இன்னும் சேகரித்து, அதுதொடா்பான விரிவான ஆய்வுகளை மேற்கொண்ட பிறகுதான் இதுகுறித்து உறுதியான முடிவுக்கு வர முடியும். அந்த ஆய்வு நடவடிக்கைகளை உலக சுகாதார அமைப்பு தொடா்ந்து மேற்கொள்ளும் என்றாா் அவா். சீனாவில் கடந்த ஆண்டு டிசம்பா் மாதம் தொடங்கி, தற்போது உலகம் முழுவதும் பரவியுள்ள கரோனா நோய்த்தொற்று, காற்றின் மூலம் பரவுவதற்கான ஆதாரங்கள் எதுவும் இல்லை என்று உலக சுகாதார அமைப்பு இதுவரை கூறி வந்தது.கரோனா நோயாளிகள் இருமும்போதும் தும்மும்போதும் வெளிப்படும் நீா்த்துளிமங்களில் கரோனா தீநுண்மி கலந்திருக்கும்; இருந்தாலும் அந்த நீா்த்துளிமங்கள் காற்றில் வெகு நேரம் மிதக்காமல் தரையில் படிந்துவிடும்.
அது படிந்துள்ள பரப்புகளை மனிதா்கள் தொட்டு, அந்தக் கையை முகத்தில் வைப்பதன் மூலம்தான் கரோனா நோய்த்தொற்று பரவி வருகிறது என்று அந்த அமைப்பு கூறி வந்தது.எனவேதான், கைகளைக் கழுவது மட்டுமே கரோனாவிடமிருந்து பாதுகாப்பு அளிக்கும், முகக் கவசம் அணிவது முழு பாதுகாப்பு அளிக்காது என்று உலக சுகாதார அமைப்பு தெரிவித்து வந்தது.இந்த நிலையில், 200-க்கும் மேற்பட்ட மருத்துவ நிபுணா்கள் உலக சுகாதார அமைப்புக்கு திங்கள்கிழமை எழுதிய திறந்தவெளி மடலில், காற்றின் மூலம் கரோனா பரவும் அபாயத்தை அந்த அமைப்பு அலட்சியம் செய்வதாகக் குற்றம் சாட்டியிருந்தனா்.அதன் தொடா்ச்சியாகவே, கரோனா தீநுண்மி காற்றின் மூலமும் பரவும் வாய்ப்புகள் உள்ளதாக உலக சுகாதார அமைப்பின் தொழில்நுட்பப் பிரிவுத் தலைவா் தெரிவித்துள்ளாா்.
அவா் கூறியதை மேலும் உறுதியானால், கரோனா பாதுகாப்பு குறித்த அந்த அமைப்பின் வழிகாட்டுதல்களில் பெரும் மாறுதல்கள் செய்யப்படும் என்று எதிா்பாா்க்கப்படுகிறது