மகாலட்சுமி திருவிழா: கானாபூரில் ரயில்கள் நின்று செல்ல ஏற்பாடு

மகாலட்சுமி திருவிழாவையொட்டி கானாபூர் ரயில் நிலையத்தில் ரயில்கள் ஒரு நிமிடம் நின்று செல்ல ஏற்பாடு  செய்யப்பட்டுள்ளது.
இதுகுறித்து தென்மேற்கு ரயில்வே வெளியிட்ட செய்திக் குறிப்பு: மஹாராஷ்டிர மாநிலம், கானாபூரில் மகாலட்சுமி திருவிழா நடைபெறுவதையொட்டி பிப். 15-ஆம் தேதி முதல் மார்ச் 5-ஆம் தேதி வரை பெங்களூரு-ஆஜ்மீர் வாராந்திர கரீப் நவாஸ் விரைவு ரயில்(16532),  ஆஜ்மீர்-பெங்களூரு வாராந்திர கரீப் நவாஸ் விரைவு ரயில்(16531), பெங்களூரு-பகத்கீ கோத்தி வாராந்திர கரீப் நவாஸ் விரைவு ரயில்(16534), பகத்கீ கோத்தி-பெங்களூரு வாராந்திர கரீப் நவாஸ் விரைவு ரயில்(16533), புணே-எர்ணாக்குளம் வாராந்திர பூர்ணா விரைவு ரயில் (11097), எர்ணாக்குளம் வாராந்திர பூர்ணா விரைவு ரயில் (11098), மங்களூரு-சத்ரபதி சாஹு மஹாராஜ் கோலாபூர் தினசரி விரைவு ரயில் (11303), சத்ரபதி சாஹு மஹாராஜ்கோலாபூர்-மங்களூரு தினசரி விரைவு ரயில் (11304) உள்ளிட்ட அனைத்து ரயில்களும் கானாபூர் ரயில் நிலையத்தில் ஒரு நிமிடம் நின்று செல்லும் என அதில் தெரிவிக்கப்பட்டுள்ளது.