பெங்களூரு: அடுத்த கல்வியாண்டு முதல் 7?ஆம் வகுப்புக்கும் பொதுத்தோ்வு நடத்தப்படும் என்று பள்ளிக்கல்வித்துறை அமைச்சா் எஸ்.சுரேஷ்குமாா் தெரிவித்தாா்.
இது குறித்து பெங்களூரில் வெள்ளிக்கிழமை செய்தியாளா்களிடம் அவா் கூறியது: எஸ்.எஸ்.எல்.சி.(10ஆம் வகுப்பு), இரண்டாமாண்டு பியூசி (12-ஆம் வகுப்பு)போல 2020-21-ஆம் கல்வியாண்டு முதல் 7-ஆம் வகுப்பு மாணவா்களுக்கும் பொதுத்தோ்வு நடத்தப்படும்.
மாநிலத்தில் நிலவும் கல்வித்தரம் மற்றும் பெற்றோா்கள், ஆசிரியா்களின் கருத்துகளை அறிந்தபிறகு இம்முடிவு எடுக்கப்பட்டுள்ளது.
15 ஆண்டுகளுக்கு பிறகு 7-ஆம் வகுப்புக்கு பொதுத்தோ்வு நடத்தப்படுகிறது. கல்வித்தரத்தை மேம்படுத்துவதற்காகவே 7-ஆம் வகுப்புக்கு பொதுத்தோ்வுமுறையை மீண்டும் கொண்டுவரவுள்ளோம். தோ்ச்சி பெறாத மாணவா்களை அதே வகுப்பில் வைத்திருப்பது தொடா்பாக அடுத்த கல்வியாண்டில் முடிவு செய்வோம். ஆனால் இந்த திட்டத்திற்கு பெற்றோா், ஆசிரியா்கள் ஆதரவு தெரிவித்துள்ளனா்.
கா்நாடக உயா்நிலைக்கல்வி தோ்வு வாரியம் (கேஎஸ்எஸ்இபி), 7ஆம் வகுப்பு பொதுத்தோ்வுக்கான கேள்வித்தாளை தயாரிக்கும். ஆனால், விடைத்தாள்களை திருத்தும்பணி மாவட்ட அளவில் நடத்தப்படும். வினாத்தாளில் எந்த மாதிரியான கேள்விகள் இடம்பெறும் என்பதை வாரியமே முடிவுசெய்யும் என்றாா் அவா்.
பள்ளிக்கல்வித்துறை முதன்மைச்செயலாளா் எஸ்.ஆா்.உமாசங்கா் கூறுகையில், ‘கா்நாடகத்தில் கல்வியின் தரம் மலிந்துவருவது உறுதியாகிறது. நிதி ஆயோக் எடுத்த ஆய்வறிக்கையில் கல்வியின் தரம் குறைந்துள்ளது தெரியவந்துள்ளது. எவ்வித முன்பயிற்சியும் இல்லாமல், நேரடியாக எஸ்எஸ்எல்சி பொதுத்தோ்வில் மாணவா்களை அனுமதிப்பது, மாணவா்களிடையே பதற்றத்தை உருவாக்குவதோடு, தேவையில்லாத குழப்பங்களுக்கும் வழிவகுக்கிறது. தோ்ச்சிபெறாத மாணவா்களை அதே வகுப்பில் நீடிக்க வைப்பதற்கு கல்வி உரிமைச்சட்டத்தில் திருத்தம்கொண்டுவரவேண்டியுள்ளது‘ என்றாா் அவா்.