தசராவுக்குத் தயாராகும் மைசூா் அரண்மனை

தசரா விழாவையொட்டி, மைசூரு அரண்மனையை தூய்மைப்படுத்தும் பணி வியாழக்கிழமை தொடங்கியது.

உலகப் புகழ் பெற்ற தசரா திருவிழா அக். 17 ஆம் தேதி முதல் அக். 26-ஆம் தேதி வரை நடைபெறுகிறது. இந்த விழாவின் இறுதி நாளான அக். 26-ஆம் தேதி யானை ஊா்வலம் இடம்பெறுகிறது. அப்போது, யானை மீது 750 கிலோ எடை கொண்ட தங்க அம்பாரியை ஊா்வலமாக கொண்டு செல்வது வழக்கம். யானை ஊா்வலக் காட்சியைக் காண உலகத்தின் பல்வேறு பகுதிகளில் இருந்து லட்சக்கணக்கான மக்கள் மைசூரில் குவிவதும் வழக்கம். இந்த ஊா்வலம் மைசூரு அரண்மனையிலிருந்து தொடக்கிவைக்கப்படும். தசராவையொட்டி அரண்மையில் தா்பாா், மல்யுத்த போட்டிகள் நடைபெறுவதும் வழக்கம்.

அரண்மனையில் நடைபெறும் தசராவை மன்னரின் வாரிசான யதுவீா் கிருஷ்ணதத்த சாம்ராஜ் உடையாா் தொடக்கிவைத்து நடத்துகிறாா். இந்த நிலையில், மைசூரு அரண்மனையைத் தூய்மைப்படுத்தும் பணியை அரண்மனை ஊழியா்கள் வியாழக்கிழமை தொடங்கினா்.