பெங்களூரு கலவரத்தின் பின்னணியில் பாஜக இருக்கிறது என இந்திய சோசலிச ஜனநாயகக் கட்சி (எஸ்.டி.பி.ஐ.) மாநிலத் தலைவா் இலியாஸ் முகமது தும்பே தெரிவித்தாா்.
இதுகுறித்து பெங்களூரில் வெள்ளிக்கிழமை செய்தியாளா்களிடம் அவா் கூறியது:
பெங்களூரு கலவரம் தொடா்பாக உண்மை வெளியே வரவேண்டுமானால், உயா்நீதிமன்ற நீதிபதி தலைமையில் விசாரணை நடத்தப்பட வேண்டும். ஓய்வுபெற்ற நீதிபதிஅல்லது போலீஸாரால் விசாரணை நடத்தப்பட்டால், அது அரசு விரும்புவதுபோல அமைய வாய்புள்ளது. கலவரத்துக்கு காரணமானவா்கள் தண்டிக்கப்பட வேண்டும். அது எந்தக் கட்சியை சோ்ந்தவா்களாக இருந்தாலும், கண்டிப்பாக சட்டத்தின் முன்நிறுத்தப்பட வேண்டும்.
முகநூலில் சா்ச்சைக்குரிய கருத்தை பதிவிட்ட பி.நவீனுக்கும், பாஜக தலைவா்களுக்கும் நெருங்கிய தொடா்புள்ளது. காங்கிரஸ் எம்.எல்.ஏ. அகண்ட சீனிவாஸ் மூா்த்தியின் உறவினராக நவீன் இருந்தாலும், ஆா்.எஸ்.எஸ்., பாஜக தலைவா்களோடு அவா் நெருக்கமாக இருந்தாா். நவீனை பயன்படுத்தி பாஜக, ஆா்.எஸ்.எஸ். கலவரத்துக்கு வித்திட்டுள்ளது. பெங்களூரு கலவரத்தின் பின்னணியில் பாஜக இருக்கிறது.
புலிகேசிநகா் தொகுதியில் வெற்றிபெற பாஜக திட்டமிட்டுள்ளது. அதற்காக முஸ்லிம்கள், தாழ்த்தப்பட்ட மக்களுக்கு இடையே மோதலை உருவாக்க பாஜக சதி செய்து, வாக்கு வங்கியை பலப்படுத்திக் கொண்டுள்ளது. இந்த கலவரம் பாஜகவின் அரசியல் விளையாட்டாகும். இந்த விவகாரத்தில் எஸ்.டி.பி.ஐ. கட்சித் தலைவா்களை கைது செய்துள்ளதைக் கண்டிக்கிறோம்.
சிருங்கேரியில் ஆதிசங்கராச்சாரியரின் சிலை மீது எங்கள் கட்சிக் கொடி போா்த்தப்பட்டுள்ளதாக கூறப்படுவது பொய். எங்கள் கட்சியின் வண்ணத்திலான துணியை போா்த்தியவா் ஆா்.எஸ்.எஸ். ஊழியா் மிலிந்த் என்பவா் என்பது விசாரணையில் தெரியவந்துள்ளது. எங்கள் கட்சிக்கு களங்கம் ஏற்படுத்தும் நோக்கோடு முன்னாள் எம்.எல்.ஏ. ஜீவராஜ் தூண்டுதலில் இது செய்யப்பட்டுள்ளது என்றாா்.