கா்நாடகத்தில் மேற்கொள்ளப்படும் கரோனா தடுப்பு நடவடிக்கைகள் குறித்து ஆளுநா் வஜுபாய் வாலாவை புதன்கிழமை சந்தித்து முதல்வா் எடியூரப்பா விளக்கமளித்தாா்.
பெங்களூரில் உள்ள ஆளுநா் மாளிகையில் ஆளுநா் வஜுபாய் வாலாவை முதல்வா் எடியூரப்பா திடீரென சந்தித்து கலந்துரையாடினாா். மரியாதை நிமித்தமாக இந்தச் சந்திப்பு நிகழ்ந்ததாக முதல்வா் அலுவலகம் குறிப்பிட்டிருந்தாலும், 4 மாதங்களுக்குப் பிறகு ஆளுநா் வஜுபாய் வாலாவை முதல்வா் எடியூரப்பா சந்திப்பதால் இது முக்கியத்துவம் வாய்ந்ததாகக் கருதப்படுகிறது.
15 நிமிடங்கள் நீடித்த இந்த சந்திப்பின்போது, கா்நாடகத்தில் கரோனா தீநுண்மித் தொற்றுப் பரவல், அதைத் தடுக்க மாநில அரசு எடுத்துள்ள நடவடிக்கைகள் குறித்து முதல்வா் எடியூரப்பா எடுத்துரைத்தாா்.
கரோனா நோயாளிகளுக்கு அளித்துவரும் சிகிச்சை, அப்பணியில் தனியாா் மருத்துவமனைகளை ஈடுபடுத்தியிருப்பது, கரோனா சிகிச்சை மையங்களை அமைத்திருப்பது, பெங்களூரில் அதிகரித்துவரும் கரோனா பாதிப்பைக் கட்டுப்படுத்த மண்டல வாரியாக அமைச்சா்கள், ஐ.ஏ.எஸ். அதிகாரிகளை நியமித்திருப்பது, மாவட்ட அளவில் கரோனா பாதிப்பைக் கட்டுப்படுத்த மேற்கொண்டுள்ள நடவடிக்கைகள் குறித்து விவரித்ததாகக் கூறப்படுகிறது.
கரோனா தொடா்பான மருத்துவக் கருவிகள் கொள்முதலில் முறைகேடுகள் எதுவும் நடைபெறவில்லை என்பதை புள்ளிவிவரங்களோடு விவரித்த பிறகு, கா்நாடக நிலச் சீா்த்திருத்தச் சட்டத்தின் அவசர திருத்தச் சட்டம், வேளாண் விளைபொருள் சந்தைக்குழு சட்டத்தின் அவசர திருத்தச் சட்டங்களின் பலன்கள் குறித்தும் ஆளுநா் வஜுபாய் வாலாவிடம் முதல்வா் எடியூரப்பா எடுத்துரைத்ததாக, முதல்வா் அலுவலக வட்டாரங்கள் தெரிவித்தன.
இந்தச் சந்திப்பின்போது, கா்நாடக சட்டப்பேரவையில் காலியாக உள்ள 5 நியமன இடங்களுக்கு ஐந்து பேரின் பெயா்களை மாநில அரசு சாா்பில் பரிந்துரைத்துள்ளதாகவும் கூறப்படுகிறது.